مشكله مش لاقيلها حل!

**Atrees** · 26-07-2010 01:02 PM

المشاركة الأصلية كتبت بواسطة haitham10

تغيير زيت الاوتوماتيك كل 80 الف علي مااعرف دة مكتوب في الصيانات عموما لو حبيت تكشف عليه جرب الصبح وشوف لونه كل مايكون زايد احمرارا تعرف انه لسه بحالته وكل مايغمق لدرجة البني يبقي لازم يتغير .... زيت الاوتوماتيك بيكون لونه احمر لو جديد .

ممكن تكون مشكلتك كهربا موتور مثلا

معلش يا باشا ملحوظة بس - زيت الفتيس لا يتغير لونة ابدا وجودة الزيت دة من عدمة بتقاس بدرجة حرارته قبل وبعد مشوار

وتقبل مروري

**Haitham10** · 26-07-2010 01:21 PM

اعذرني .. انا بتكلم عن تجربة فعليه لاني مبركبش غير اوتوماتيك .. والزيت فعلا بيبقي بني لما بيتحرق ويحتاج تغيير

**kh_talaat** · 26-07-2010 01:38 PM

المشاركة الأصلية كتبت بواسطة haitham10

اعذرني .. انا بتكلم عن تجربة فعليه لاني مبركبش غير اوتوماتيك .. والزيت فعلا بيبقي بني لما بيتحرق ويحتاج تغيير

أستاذ هيثم ازيك عامل اية

بالنسبة لتغيير زيت الفتيس (الأوتوماتيك) فحسب كلام الباشمهندس طارق زويل بيتغير في صيانه الـ40 ألف

وسؤالي ليك ازاي بتكشف على زيت الفتيس وتشوف لونه وكدة لأني مش عارف مكانه فين بالظبط

**Haitham10** · 26-07-2010 04:25 PM

خالد باشا ايه النور دة انا تمام الحمدلله يارب تكون بخير

بالنسبة لزيت الاوتوماتيك له مقياس زي زيت الموتور بالظبط بس هتلاقيه عندك علي اليمين ناحية البطارية حاول تشوفه علي كذه مرحله العربيه تكون باردة وسخنة وهو فيه مقياسين hot cold شوف المقاس مظبوط ام لا .... وشوف لون الزيت ايه مايل للاحمرار ولا لدرجة اغمق من كدة زي البني او العسلي كل مازاد احمرار يبقي كدة تمام
ولو احتاج تغيير بيبقي شفط .
وسيبك من الي يقولك زوده لان كدة كدة تغيير الزيت مبيكملش 120 جنيه تكلفه للانواع العادية وتقريبا 150 للموبيل
وطبعا دول بيتغيروا كل فترة طويلة .. وابقي طمني

راللي انا جت فدماغي حاجه حاول تجربها هي مش مكلفة ..... هتنضف حساسات الفتيس والفيش بتاعته كلها
لو مش هتعرف تعملها بنفسك روح لاي كهربائي بيفهم وممكن تعملها بنفسك بw40 اخلع الفيش ورش ونضف مكانها وسيبهم 10 دقائق وبعدين ابقي ركب وجرب
جربتها مرة فعربيه كان فيها نتشه في الغيارات الاوتوماتيك وراحت بقت انعم بكتير

**Ralliart** · 26-07-2010 04:59 PM

شكراً على ردودكم مش عارف اشكركم ازاي
العربيه النهارده كانت مظبوطه ومش مخنوقه بس حوار الـr لسه موجود وبيزيد والنهارده فضلت واقفه حوالي 5 ثواني وبعدين بدأت تتحرك

مع العلم ان من فتره كانت خزنه الراديتير اتكسرت والعربيه سخنت ومشيت وهي سخنه والمؤشر على آخره لمده دقيقتين مش عارف ده ممكن يكون أثر ولا لأ بس انا خليتهم كشفو في التوكيل وقالو محصلش حاجه
وان شاء الله هكشف على زيت الفتيس لما العربيه تبرد لاني اتلسعت :(

**Ralliart** · 28-07-2010 12:46 AM

انا شفت زيت الفتيس على البارد وكان كويس ولونه احمر وشكله كويس
تفتكرو المشكله ممكن تكون من البوجيهات؟؟

**Ralliart** · 28-07-2010 02:41 PM

التيل تمام مش قافش ولا حاجه
ويا ريت يا استاذ ahms10 تصورلي العلبه
يا استاذ Haitham10 المشكله مش كهرباء لاني لسه ظابط موتور في التوكيل
Atrees باشا هجرب حوار الـ95 مع انه هيأثر على الميزانيه :( وانا رحت التوكيل وقلتلهم مخنوقه ورجعوها مخنوقه اكتر

مش عارف اغير البوجيهات ولا لأ؟ مع اني بغيرهم مع الصيانه العاديه في التوكيل