الموضوع: نيسان صني - النترا

المشاركة الأصلية كتبت بواسطة bob12345

يا باشا سيادتك جايبلنا موقع سينغافوري عشان تثبت ان الصني افضل من الالنترا و كمان الانترا واخدة تقيم اعلي
ياباشا سيبك انت واتفرج علي الالنترا الجديدة الي اكيد ماتورها و خاماتها مش هتوصل للصني الياباني العظيمة الي بتتفوق علي الالنترا بعشرات السنين

يا باشا سيبك من الرابط السنغافورى (على اساس انهم ناس متخلفين طبعا)
ما هو ردك على بقية نقاط تميز الصنى على الالنترا
وما هو رأيك فى موضوع مبالغة غبور فى اسعار سياراته استغلالا لحب المصريين للسيارة المنتشرة (مثلا الماتركس فى بداية ظهورها كانت فى متوسط السبعينات ثم عندما اقبل الناس عليها اصبحت فى اواخر الثمانينات واوائل التسعينات)
رأيى اولا
ان الالنترا سيارة جيدة لكن مبالغ فى سعرها جدا فى مصر ( حتى مع المقاييس المعتادة لشريحة المكسب الكبيرة لصاحب التوكيل فى مصر)
ثانيا الصنى افضل منها واكثر اعتمادية و متانة وافضل فى التوكيل عن توكيل غبور كما ان سعرها غير مبالغ فيه

صني بدوووون تفكير امان اكتر بكتييييييييير من الالنترا شكل خارجي احسن من وجهة نظري الالنترا بحس انها مكببة و بعدين النيسان بعد خمس سنين هتفضل نيسان لكن الالنترا بعد مدة اقل من الخمس سنين هتبقى زي بقيت الهيونداي عربية بتاعة وقتها و بس

المشاركة الأصلية كتبت بواسطة solom609

صني بدوووون تفكير امان اكتر بكتييييييييير من الالنترا شكل خارجي احسن من وجهة نظري الالنترا بحس انها مكببة و بعدين النيسان بعد خمس سنين هتفضل نيسان لكن الالنترا بعد مدة اقل من الخمس سنين هتبقى زي بقيت الهيونداي عربية بتاعة وقتها و بس

+11111111111111111111

يا باشا انا مش بكلم من فراغ انا ركبت ال 2
العزل في الانترا احسن الخامات افضل الالنترا اوسع من جوه الشنطة اوسع
الشكل احدث و لكن الاشكال ازواق دي مش هنختلف عليها
بس اجمالا كده بحس فيها اني راكب عربية قديمة موديل اول ال2000 كدة و هي اصلا متغيرتش غير الفانوس ورا و الي في الامام
و القديم شكلو احلي بصراحة
نجي بقي للاعتمادية
عربيتي بسم الله مشاء الله عاملة 98000 كيلو و كلها كام يوم و تبقي 100000
مغيرتش فيها حاجة من ساعة ما جيبتها غير
تيل امامي علي 45000 كيلو و كان جايلي معاه طقم خلفي عيرتو علي 65000 مع انو مكانش محتاج يتغير
تيل امامي علي 80000
فلتر هواء 4 مرات
فلتر تكيف مرتين
طبعا زيت و فلتر كل 10000 بغيرو في البنزينة
كل ماجي اربط العفشة الراجل بتاع النزينة يقوالي زي الفل مش محتاجة تربيط
ده كل الي عاملتو في العربية
احنا عندنا مكتب ديكور و شغلنا كلو العبور و اكتوبر و التجمع و شق التعبان
مدقات و مطبات و عمال بتركب فيها.... شمس و تراب و زلط
الكشافات الامامية متغيرش لونها ولا اصفرت و لا اي حاجة
الموتور صوته زي ما هو من ساعت ما جبتها
نعومة العربية فائقة بجد عربية ججميلة اوي
طبعا لكل عرية عيوب مفيش حاجة كاملة
انها بتوطي مع التحميل
العلامة الي في الدركسيون قشرت
الطارة نعمت شوية عشلن انا مش بحب الجراب الي بيتحط ده يخلي شكل الطارة وحش ودي ازواق
ينقصها abs مع ان الفرامل قوية وحلوة و انا عندي ايرباج عشان انا خليجي و الموضع ده اتحل عشان فيه منها ب 2 ايرباج و abs

الباور رائع الثبات جيد جدا للسواقة الطبيعية لكن سواقة رياضية هات بي ام احسن
فين بقي عدم الاعتمادية في العربية

المشاركة الأصلية كتبت بواسطة mok3336

طيب انت بتقول سواقة رياضية هات بي أم
أنا أقولك علي حاجة
انا مشيت بيها 140-150 و علي كباري و طلوع و نزول و دوران خفيف و العربية تحس انها مكلبشة في الأرض ولا كلمة
يا تري بقي لو الإلنترا هتبقي كده برضة ولا إية
و خالي بالك و الله انا لا مع الإلنترا ولا ضدها

ياباشا احنا مش بنقارن بي ام الفئة الثالثة بي فيرنا دي نيسان صني يعني... يعني الي تعمله الصني تعمله الالنترا اكيد
و انا مش هقول بعمل و بعمل بس ثبات الالنترا مش هقول عليه غير جيد جدا بالنسبة للفئة بتعتها ممكن تكون في
في الفئة دي عربيات اثبت منها زي السيفيك مثلا لكن ثبات الانترا مش نقطة ضعف فيها معقول جدا بالنسبة للفئة بتعتها وعلي فكرة انا معايا جيتا هاي لاين و دودج سبيرت و كان معايا قبل كده كراسلير نيون و بي ام فئة 5 يعني مش طالع من 128 مع احترامي ليها