اقتباس المشاركة الأصلية كتبت بواسطة mok3336 مشاهدة المشاركة
براحة يا جماعة أنتم قلبتوها خناقة ولا إيه
الموضوع بكل بساطة يتلخص في
1- أن كل واحد متحيز للعربية ايلي معاه بغض النظر عن الواقعية
2- الفرق بين الإلنترا و الصني يتلخص في ان العربيات الكوري بوجه عام عربية موفرة و إقتصادية و تتمتع بخطوط عصرية و حديثة في التصميم و تكنولوجيا متطورة و لكن ده علي حساب العمر الإفتراضي للعربية
يعني مش معقول يعملك العربية فيها كل ده و تبقي معمرة كمان يبقي هيقفل المصانع بقي و يعقد
لكن بتبقي العربية فيها كل حاجة انت محتاجها لكن عمرها أقل
نيجي بقي للعربيات اليباني أو الألمانى مثلا
العربية بتبقي مقسمة لفئات أو درجات بس العامل الأساسي في كل فئة هو الإعتمادية و الجوده في التصميم ( مش الحداثة ) و ضمان أطول فترة للعربية و بيبقي الإختلاف الباقي علي حساب الرفاهية و التكنولوجيا المتطورة ايلي بتبقي في العربية و ايلي بتفرق مستوى عن مستوى لكن في الأساس هو الجوده و التحمل
يعني مثلا في الصني ex و الصني السوبر صالون
هي هي ماعدا الجنوط و العفشة الرياضية و الأبانوس ايلي في الصالون و شوية حجات رفاهية أكتر من العادية و لكن الصاج هو هو و الموتور هو هو يعني الأساسيات هي هي و ده ايلي بيفرق في السعر

يعني انا أتحدي اى واحد يجيب عربية صني مثلا و عربية إلنترا و يكونوا نفس موديل السنة و يشغلهم في نفس الظروف و يجي بعد كام سنة 5 مثلا ويشوف دي و يشوف دي اكيد الفرق هيبقي في صالح الصني
و ليه
حاول تروح سوق العربيات و شوف اى عربية نيسان بلاش نيسان اى عربية ألماني أو ياباني و شوف عربية نفس موديل السنه تكون صيني أو كوري و أنت تعرف يعني إية كوري و يعني إية يباني
و معلش طولت عليكم
+111111111111111111111111