V-Kool/Kenwood

**chato_eg** · 26-07-2010 09:41 PM

أنا شايف الأجواء المظلمة و الكئيبة فى القسم نتيجة الموضوع البايخ إللى ما أعرفش طلع لنا منين فى الجو الحر ده....
فقلت أشارككم ببعض الأخبار الميجانية الهاتشباكية السعيدة

أنا قررت من فترة إنى أركب عازل حرارى...و بعد الكثير و الكثير من التردد بين 3M و LLumar و V-Kool

استقريت على V-Kool و الحمد لله تم التركيب يوم الأحد 25/7/2010

العربية اتكلفت كلها 4700 جنيه...و اخترت النوع ذو ال 70% درجة شفافية نظرا لإن ال 75% بيسمح للكثير من الأشعة تحت الحمراء..و بصراحة صحتى أهم من مشاعر رجال المرور إللى أنا متأكد إنهم هيقدروا يشوفوا كل صغيرة و كبيرة فى العربية ليلا نهارا بعد التركيب....

الفرق.....Waaaaaaaaaaaaaaooooooooooooow ...كبير...و يظهر من لحظة ركوبك للعربية

اليوم ده أنا قعدت أتفرج على الحرارة بتزيد من 31 إلى 47 ....بصراحة..مهما زادت مش حاسس بالفرق....أى نم التكييف مش مسقع العربية تلاجة..لكن أنا مش حران خالص خالص.... و أنا أعلم تمام العلم و متيقن تمام اليقين بإزاى كان هيكون الوضع من غير V-Kool فى يوم زى ده فى شوارع الجيزة الحبيبة و الحرارة فوق ال 43 و حتى ال 47 ....

ماما كمان حسيت بالفرق لما ركبت معايا تانى يوم..و هى كانت من أنصار إن الحاجات دى دلع و كلام فاضى و يا ابنى حرام عليك...بس ابتسمت لما لقيت الحرارة 38 فى الخارج و احنا مشغلين التكييف على سرعة هادئة و مش حاسين بلسعة الشمس إللى ما يقدر يزيحها أى تكييف مهما كان....

مبروك عليكى يا ميجو و ياريت أعدائى مايفتنوش عليا فى إدارة المرور و ألاقى كل لجنة مستنيانى بالإسم و رقم العربية .....
على فكرة...هو مش غامق للدرجة دى...أغمق درجتين من المعتاد....و يظهر فى ضوء الشمس القوى فقط...لكن لو الدنيا مغيمة شوية أو الشمس قاربت على الاختفاء بعد الأصيل..مافيش فرق تقريبا

الخبر الثانى بقى و إللى أكيد أثار فضول الوحوش من وجود كلمة kenwood بجوار V-Kool فى رأس الموضوع هو إنى مش قادر أتحمل الصوت فى العربية من مصدر ال Aux ..خلاص...أنا عايز Digital Source ...و مضطر شديد الأسف إنى أستغنى عن الذراع الجميل خلف الدركسيون..ما باليد حيلة

و عليه فقد كتب لى المولى إنى أجيب Head Unit ماركة Kenwood ...KDC-BT7539U ....
فيها الآتى:-
CD....MP3/WMA/AAC ..
BluetOOTH و ممكن يتعمل SYNCHRONIZATION مع ال pHONEbOOK بتاعة التليفون و ممكن إستقبال و عمل مكالمات و كمان aUDIO sTREAMING ..
مخرج USB خلفى مش أمامى
عن طريق Adaptor من Kenwood أيضا و له فتحة خاصة فى الخلف يمكن توصيل ال IPod و التحكم فى الوظائف من خلال فتحة ال data مش مخرج اال Headphones طبعا

ليها 4 مخارج بقوة 50 وات و مخارج لحاجات تانية زى ال subwoofer و ال amplifier الملقب ب GM مش عارف ليه ....و مخرج ل external mic..علشان جودة الصوت فى المكالمات ...

أنا ناوى أركب فى التوكيل مع صيانة ال 55 ألف إن شاء الله فى العبور يوم الأحد 1 أغسطس ( القادم )....إيه رأيكم...و لا أركب عن حد بره...بس أنا خايف بصراحة..

و مش عارف كمان الكابلات هتعدى منين من خلف الHead Unit ....و توبة من درج التابلوه...و المرة دى مش كابل واحد...لأ...دول 4 ....USB,IPod,Aux,Mic ....

**blazer** · 26-07-2010 11:36 PM

10000 مبروك
على ال v-kool و ال kenwood
انت حاول تدور على الجزء اللى بيتركب فى ال head unit عشان تشغل ال multi function
هو دلوقتى الشاشه اللى فوق مش شغاله ؟

**chato_eg** · 27-07-2010 12:24 AM

أنا لسه ما ركبتش يا blazer
و بصراحة مش هأوجع قلبى فى البحث عن ال adaptor
عادة مش بيمشى كويس...ليه مش عارف..بس كمية الشكاوى و عدم الرضا غير مطمئنة بالمرة...و ده لا له علاقة برينو و لا ب kenwood

أعتقد إن الشاشة هتشتغل عادى فى عرض درجة الحرارة و الساعة...لكن طبعا مش هاتطلع ال ID Tag بتاع ال CD Track ..لإنها مش متوافقة غير مع ال HU الأصلية
و على كل هو فيه شاشة أعتقد 3 سطور...و كده كده هأبص فيها لو عايز أستعمل ال Bluetooth ...
هو له ريموت على فكرة..بس كبير شوية...يعنى....مش سعيد بيه أوى لإنى متعود على بعض المميزات الأكثر من رائعة فى الميجان زى علاقة الصوت بالسرعة و ال pause fucntion ...و يمكن كمان علشان لسه ما ركبتش و استعملت و وسمعت الصوت إللى متوقعه...