الموضوع: استفسار عن رينو فلونيس الجديدة

بسم الله الرحمن الرحيم
السلم عليكم اصحاب مجموعه رينو المميزين

انا طول عمرى عندى خوف من السيارات الفرنساوى تحديداً لمعلوماتى ان اسعار قطع غيرها غاليه جداً وكمان سعر اعادة البيع بتعها منخفض جداً وكمان مش اى حد ممكن يفهم فى تصليحها الا التوكيل و التعامل مع التوكيل بشكل مستمر مكلف جداً و صعب عشان كده انا طول عمرى بركب المانى فقط من اول اسكودا فيليشي وبعدين جولف وبعدين اكتفيا 4 واخيراً اكتفيا 5 بس من مدة وانا معجب جداً بشكل الرينو فلونيس الجديدة لدرجه انى رحت المعرض بتاع طارق اسماعيل عشان اتفرج عليها وعجبتنى الفئه الى ب138.000 ولقيت ان فيها كمليات اكتر من الفنتازيا و ارخص حوالى 30.000 دا الى خلانى احنار اكتر مع العلم انى كنت ناوى اجيب فانتازيا على اول السنه ان شاء الله .
فبعد اذنكم كان ليا شويه اسئله للناس الى ركبت العربيه فلونيس وجربتها

-ما مدى قوه ومتانه الصاج الخارجى وهل الرفارف فبر ام صاج و ما مدى مقاومه الاكصدامات للصدمات ؟
-هل اسعار قطع الغيار معقوله ام مبالغ فيها؟
-هل سعر الرينو عمتن ينخفض بشدة فى حاله اعاده البيع؟
-ما العيوب الشائعه او المتكرره فى الفلاونس؟
-ما هى السرعه القصوى للسيارة وهل هى بطيئه فى البدايه؟

اشكركم شكراً جذيلاً اصحاب مجموعه رينو المميزين