كروز ولا ... ؟

**ahmedbibo** · 30-07-2010 08:10 AM

المشاركة الأصلية كتبت بواسطة hosam_optrawy

ومين قاللك ياباشا ان الالنترا شكل وبس ؟

كفايه الموتور اللى مفيش زيه 140 ps وعزم 167 nm

وبالرغم من الهورس باور العالى استهلاك البنزين بتاعه فوق الممتاز اللتر بيعمل 16.5 كم للاوتوماتيك و 17.5 كم للمانيوال

وفتيس اوتوماتيك 6 سرعات زى اللى بينزل فى السوناتا والجينسيس

ما احنا قعدنا نقول كده على السيراتو 124 حصان 124 حصان و اى عربيه بتعدى منها و اقل منها فى الهورس باور

بس تفكير المصرى المحدود هيجرى على الشكل و الاوبشن مع ان الفيات مثلا معاه نفس الاوبشن واكتر كمان

و الفيات و البيجو و الستروين و الرينو و عربيات كتير نفس الفئه السعريه و اقوى ومحدش بيشتريهم بس الانترا بجد لن تقل فى اسعار قطع الغيار و العربيه مش عمليه اصلا الفانوس واخد الكابوت كله و الرفرف ياعنى وشوف الفانوس هيبقى سعره كام ولا الرفرف

ومش كل حاجه شكل و العربيه ديه مثلا هتبقى بتمن البرافو التربو 150 حصان ولا بتمن الستروين c4 دول احسن 100 مره منها

**bayantt** · 30-07-2010 08:53 AM

يا رجالة أنا حصرت الاختيارات فى عربيتين فوكاس أو كروز, يا ريت رأيكم

**ahmedbibo** · 30-07-2010 11:24 AM

المشاركة الأصلية كتبت بواسطة bayantt

يا رجالة أنا حصرت الاختيارات فى عربيتين فوكاس أو كروز, يا ريت رأيكم

طبعا الفوكاس طبعا طبعا طبعا بدون تردد ياعنى ده شئ محسوم

**ahmedbeirut123** · 30-07-2010 05:49 PM

المشاركة الأصلية كتبت بواسطة bayantt

يا رجالة أنا حصرت الاختيارات فى عربيتين فوكاس أو كروز, يا ريت رأيكم

خليك فالكروز لان الفورد مش منتشرة فمصر و ملهاش سوق فاعادة البيع وقطع غيارها غالية بعكس الكروز

عربية محترمة و كل يوم بيزيد انتشارها +سعر اعادة بيع مرتفع+ثبات ممتاز+شكل جميل جدا ومميز+ 5 نجوم فاختبارات الامان الاوروبية

**Hosam_Optrawy** · 30-07-2010 10:58 AM

المشاركة الأصلية كتبت بواسطة foxoo7

ما الفيات والبيجو عاملين مواتير 1600، 150 حصان، كان حد بص لعربياتهم :)
ياريت حد بيبص للمواتير يا حسام باشا
للأسف 95% من الناس بتجري ورا الشكل والأبشنز.
وبعدين العربية لسه منزلتش مصر ولسه محدش جربها ولا شاف خاماتها وتشطيبها عامل ازاي!
ولا شاف استجابة الموتور وأداء الفتيس!!
بلاش كل ده، لسه أصلا معرفناش عمنا غبور هيعمل فيها ايه!!!
ازاى حكمنا عليها انها هتمسح الكورولا والسيفك والفلوانس والمازدا؟

الفيات والبيجو ملهومش سوق فى مصر حتى لو عملوا موتور 300 حصان

احنا بنتكلم على عربيه هيونداى يعنى الاولى فى المبيعات بقالها سنين

ومش معقول عربيه زى دى هايطلع تقفيلها اى كلام ولا موتورها وفتيسها هايبقى استجابته مش حلوه

هيونداى شركه كبيره دلوقتى , رابع شركه فى العالم , يعنى مش هاتعمل عربيه اى كلام ولا هاتجرب فينا ولا هاتضحك على الناس بشكل واوبشنز

وانا قولت انها هاتمسح العربيات دى لانها على الورق احسن منهم واكيد هايبقى سعرها اقل منهم

وعموما خلاص اهى نزلت وقريب هانشوفها فى مصر ونشوف هاتعمل ايه

المشاركة الأصلية كتبت بواسطة ahmedbibo

ما احنا قعدنا نقول كده على السيراتو 124 حصان 124 حصان و اى عربيه بتعدى منها و اقل منها فى الهورس باور

بس تفكير المصرى المحدود هيجرى على الشكل و الاوبشن مع ان الفيات مثلا معاه نفس الاوبشن واكتر كمان

و الفيات و البيجو و الستروين و الرينو و عربيات كتير نفس الفئه السعريه و اقوى ومحدش بيشتريهم بس الانترا بجد لن تقل فى اسعار قطع الغيار و العربيه مش عمليه اصلا الفانوس واخد الكابوت كله و الرفرف ياعنى وشوف الفانوس هيبقى سعره كام ولا الرفرف

ومش كل حاجه شكل و العربيه ديه مثلا هتبقى بتمن البرافو التربو 150 حصان ولا بتمن الستروين c4 دول احسن 100 مره منها

ماهو مش الهورس باور بس هو اللى بيحكم مين يعدى من مين

فى عوامل وظروف تانيه كتير بتحكم

وعموما الالنترا الجديده دى اوعدك ان مفيش عربيه هاتطلع منها الا لو تربو او اكتر من 1600 سى سى :)

وبكره لما تنتشر حاجاتها هاتبقى رخيصه زى اغلب الكورى وعمرها ماهتبقى بتمن الاوروبى اكيد

**M.Radwan** · 30-07-2010 03:14 PM

المشاركة الأصلية كتبت بواسطة hosam_optrawy

الفيات والبيجو ملهومش سوق فى مصر حتى لو عملوا موتور 300 حصان

خلاص يبقى انت وصلت للنقطة المطلوب إثباتها
العربيات الكوري بتبيع بالشكل والأوبشنز.
لان لو بتبيع عشان أدائها عالي وخامتها وتقفيلها جبار، كان البيجو والفيات والسيتروين والفورد وغيره وغيره باع أكتر منها، أو نقول على الأقل زيها!

حاجة تاينة مهمة، حضرتك لو العربية بالشكل الجامد ده وفيها كل المميزات والخامات ممتازة والعربية مفيهاش غلطة، تبيع ازاى بسعر قليل؟ وليه؟
مهو كده يبقى في خلل فى المعادلة..كده هيونداي مش هتكسب منها مليم!