فرامل الجين 2 والمرارة اللى خلااااااااص

**mido_soliman** · 27-07-2010 06:08 PM

انا حبيت اعمل الموضوع دة لانى فعلا لاقى ناس كتير اوى بتصرف نظر عن العربيات علشان فراملها وحشةومش مسعفة ومش abs يمكن bbc or wwe or abb لكن ال abs زى الزفت واى واحد عندة مشكلة ولو بسيطة جدا وقد تكون ادعاء وتهيات او حتى عدم تعود يقول ان الفرامل مش عارف فيها فيل

طيب ممكن نتكلم عن الموضوع دة بس بموضوعية شوية وبمنطقية كمان
كل مالك لجين 2 او لاى عربية بروتون يقول على حادثة كان سببها الفرامل
كل مالك لجين 2 او لاى بروتون يقول على حادثة كانت حتحصل لولا الفرامل انقذتة بعد ربنا سبحانة وتعالى
كل مالك لجين 2 او لاى عربيةبروتون يقول لما ببيدوس فرامل بيحس باية وخايف من اية ؟؟؟؟؟
كل مالك لاى بروتون فى الدنيا بعد الموضوع دة ننتهى تماما من قصة فرامل البروتون لانى بصراحة حاسسها موضوع سخيف وممل وفيلم ممطوط بلا اى واقعية او منطقية او اساس موضوعى حتى

يا جماعة الفرامل الامامية والخلفية قوية جدا ولله الحمد وال abs وال ebd يعملوا بكفاءة ولكن ارجوكم الانصات جيدا

1-لو انت ماشى على سرعة عالية فوق ال100 ثق تماما ان بمجرد انك تدوس فرامل العربية هتهدى على طول وحتحس ان الدواسة عالية مش مشوارها طويل ولا حاجة وركزوا انا مجبتش سيرة abs لسة
2- لو انت ماشى على سرعة متوسطة اللى هية السرعة السخيفة الى بتبقى فى وسط البلد من 40 الى 70 وبتضطر احيانا كتير جدا انك تقف قبل معادك الطبيعى نظرا للتكدس او لغباء بعض السائقين اللى معندهمش فكرة غير انة يجى قدامك وخلاص علشان يكسب ارض (بنلعب كورة احنا ) وهنا تكمن المشكلة او بمعنى ادق الاحساس بوجود مشكلة اللى هياااااااا اية باة ؟؟؟؟؟
حدوس على الدواسة مسافة من 2.5 الى 3 سم حلاقى الدواسة بتنزل والعربية هدت ولكن مش بالدرجة المطلوبة وبالتالى حيحصل حاجة من اتنين يا حتوتر لان المسافة اللى كنت حاسبها لوقوف السيارة حتقل والعربية حتهدى لكن مش حتقف وساعتها لو كبست على الدواسة للاخر ال abs حيشتغل ولكن مع احساس بتحجيرة وفى نفس الوقت العربية حتذحف لان دى الية عمل ال abs ود غط منك يباشا لان الحل كالتالى
لما تكون ماشى على سرعة قليلة وعايز تقف دوس على الدواسة لحد النص حتلاقى الاستجابة مش قبل كدة ودة علشان طول المشوار دواسة الفرامل على السرعات القليلة ودة محتاج تعود مش اكتر لكن لا هوة عيب تصنيع ولا هوة عيب فى فرامل العربية وانما هوة احساس مختلف ومقلق فى البداية فقط نتيجة مقارنة نظام الفرامل بنظام فرامل فى سيارة اخرى ايا كانت
لو فرضنا على اسوء الظروف انك فضلت حاطط فى دماغط نظام الفرامل السابق يبقى عليك وعلى حل المهندس رامى اللى هوة عمل رجلاش والراجل كتر الف خيرة وضح بالصور الوافية ازاى نوصل للصامولة اللى نعمل منها الموضوع دة وعلى الرغم من كدة بردة سمعنا اصوات ان التيل كدة حيتأثر وان عمرة الافتراضى حيقل الى اخرة ودة بردة كلام علميا وميكانيكيا غلط لان مش معنى انى قربت مسافة غلق الخرنة عى الطنبورة انى بقصر عمر التيل لان كدة كدة مبيحصلش احتكاك بين التيل والطنبورة الا لما بدوس على الدواسة وبردة الحل الاسهل لمن لم يستطيع التاقلم والتعود وفهم الية العمل ودة وارد لنظام الفرامل هوة الرجلاش وبتنتهى القصة
اما لو فهمت وتعودت وعرفت تتكلم مع العربية وتفهمك وتفهمها الموضوع مفيش اسهل منة وبالعكس استجابتك الذهنية حتتحسن بالوقت وحتحس ان العربية فراملها بتقوى لكن الصح هنا ان ال mentality بتاعتك انت اللى حصلها improvment مش اكتر وحدى مثال بسيط يمكن فى اخوة مش فاهمين
عارفين لما بنلعب لعبة بلاى ستاشين لاول مرة (الكورة مثلا اى اصدار) بتحس ف الاول ان اللعبة ماشية بسرعة اوى وانك مش ملاحق تباصى ولا تشوط ولا تجرى ولا ترقص وبالتعوووووود والممارسة حتحس بعدكدة لما تتقنها ان فكرك سابق حركة اللعبة نفسها يارب اكون قدرت اوصل الصورة ليكوا لان انا بتكلم من خلال تحليلى لفرامل العربية والله مش بنحاز ولا ببرر ولكن انا حاسس ان فى لغط وعايز اوضحة مش اكتر
3-نيجى للاستاذ abs دة معمول امتى ؟؟؟ لما تكون ماشى بسرعة ومرة واحدة من غير اى تفكير موقف حصل يستوجب وقوفك الان الى بيحصل الاتى علشان يشتغل بمثالية لازم اولا انك تكون على سرعة مش بسيطة وتكون بينك وبين الجسم المراد الوقوف قبلة مسافة مش قليلة بردة وتدوس على الدواسة من الاول للاخر فجاة وبقوة واحدة لانة بيبقى رد فعل سريع جدا وهنا العربية حتقف بس بردة بتمشى لكن مبتذحفش او انت مش حتحس بالذحفة دى خالص ركز معايا انت لازم تقف حالا مش تهدى لان فى فارق بين هنا وهنالك عايز تهدى ال abs لو اشتغل مش حيسعف ودة عيب منك انت لكن عايز تقف حتقف
يارب اكون وفقت بنسبة 30% فى توصيل ما اريدة لانى زهقت من كلام الناس الى متعرفش العربية او معاشرتهاش او مبتحبهاش او بتعيب فيها من باب انها عايزة عربيتها احسن وخلاص وبالتالى اول عيب فراملها وحشة ومبتسعفش
ومازلت مصر وعلى رايى السيارة هذة من اكثر السيارات سوء حظا فى مصر وانها من افضل السيارات الموجودة ان لم تكن الافضل فى فئتها وسعرها وبردوا احب اسمع تعليقات الاعضاء وتجاربهم ليكون الحديث قد قتل بحثا عن فرامل الجين المسكينة المغلوبة على امرها لم تسلم من الناظرين لها من بعيد ولم تسلم ايضا من انطباعات بعض ملاكها ايضا وتحياتى للجميع

**Nistelrooy** · 27-07-2010 06:16 PM

فعلا والله يا ميدو باشا الموضوع كتر اوي الفترة الاخيرة دي

انا تجربتي كنت ماشي حوالي سرعة 60 وفجأه لقيت مطب امامي قمت دايس فرامل بسرعة لحد النص وسبت علطول علشان ماخدش المطب وانا دايس فرامل

ماشنغلش الاي بي اس لاني مادوستش ع الاخر والعربية هديت لحوالي 22 الي 28 ..

-------------
غير كدا بحس وكل الناس بتحس ان الفرامل مشوارها طويل لما تكون ماشي بسرعة حوالي 30 الي 40

واعتقد والله اعلم ده حلة ترفع الفرامل الا لو ممكن تاثر ع التيل

**tameraast** · 27-07-2010 06:22 PM

الله ينور عليك انت جيبت من الاخر مش متخيل الناس ازاى مش عارفه تفرق بين abs و فرامل عاديه المسأله مسأله تعود و عربيه صاحبى بسوقها عادى خالص
اصلا اخويا معاه كرولا و فراملها غير عربيتى خالص كل مصنع و له طريقه تصنيع الفمره بالتعود لان من ناحيه فيه فرامل اكيد فى فرامل امال هما بيصنعو العربيات علشان يموتو الناس

من الاخر مشوار كل دواسه فرامل يختلف من سياره لاخرى و شكرااااا

**Abdelrahman.H** · 27-07-2010 08:58 PM

ما عنديش حاجة أقولها على الموضوع ده غير ( يسلم الكيبورد اللي طلع الموضوع ده )

**hesham_soaida** · 27-07-2010 09:50 PM

عندي اقتراح للي عنده أى عربية بروتون اوتوماتيك وعنده شك في الفرامل, وهو انه يجرب يدوس على الفرامل برجله الشمال ويشوف ايه اللي حيحصل, ولكن بشرط انه يتأكد الاول انه لا توجد عربيات ورائه. انا بقول كدة علشان اتعرضت لنفس الموقف من يومين, كان واحد صاحبي ربنا يكرمه كان بيجرب عربيتي, وهو مش بيسوق اتوماتيك. المهم هو بمجرد انه داس على الفرامل برجله الشمال, اللي المفروض تكون ثابتة في الاوتوماتيك, كنا حنلبس انا وهو في الزجاج الامامي, بس الحمد لله ربنا ستر

**jisso82** · 27-07-2010 11:24 PM

الفرامل ماشاء الله جميلة جدا و أنا مش حاسس بمشوارها الطويل ده تماما و قلت قبل كده يمكن مقارنة بالعربيات اللى ركبتها لكن ماشاء الله عليها ربنا يحفظنا جميعا أنقذتنى بعد عناية ربنا من أكتر من حادثة و كل الحوادث اللى عملتها خبط من وراء لأن اللى ورايا ملحقشى يقف و المرة الوحيدة اللى كانت من قدام كان بنى آدم غبى جاى عكسى و اتخبطنا على الناصية قبل حتى ما نشوف بعض.

**م.محمد مختار** · 27-07-2010 11:33 PM

ايه يا عم ميدو ... خضتني.... دا انا افتكرتك في الأول بتعبي في الفرامل مش بتدافع عنها....

بصراحة موضوع الفرامل ده عجيب لأني مش حاسس بالمشوار الطويل ده ولا كل الكلام اللي بيتقال ده...

وتحليلي للموضوع والله أعلم ان الناس اللي بتشتكي من فرامل الجين تو -زي ما لاحظت- بيقارنوها بسيارات أخرى...
مع ان التعامل مع الفرامل حسب فهمي يجب أن يكون تفاعلي بين السائق و السيارة و الموقف و ليس ضغطة محفوظة أو متعود عليها.. يعني لو شعر السائق أن الضغطة غير كافية فهو يزيدها تدريجياً و بالنسبة الى أن يصل للتوقف المناسب للموقف.
مع ملاحظة أن فرامل الجين بتؤثر من أول سنتيمتر يعني بتعطيك امكانية التهدئة أو "التشعير" أو التوقف المفاجيء حسب الحاجة..

ما لاحظته أيضاً أن من لا يشكون من فرامل الجين2 -بل ويحبونها- هم من نوعية السائقين العتادين على قيادة أنواع متنوعة من السيارات (قديم و حديث وموديلات مختلفة) أو من كانت اول تجربة قيادة لهم على الجين2
هؤلاء لم يشكوا من الفرامل في الجين2 بل بالعكس أعجبوا بأدائها والتفسير الوحيد أنهم غير مقيدين بالمقارنة بسيارات أخرى ليست بالضرورة أفضل أو أسوأ لكنها بالتاكيد مختلفة.

**eslam_wega** · 28-07-2010 03:03 AM

انا هقول تجربتى الفرامل كانت تعتبر مش حلوة عندى الاول
بس بعد ما عملت الرجلاش وركبت التيل الريمسا الاسبانى دلوقتى الحمدلله من 160 الى صفر فى مسافة ممتازة ما شاء الله
وطبعا جربت فى طريق فاضى عشان اقدر اوصل للسرعة دى وكمان افرمل من غير ما حد يكون ورايا