هتوحشيني يا سريون

**hitham_sh** · 27-07-2010 09:31 PM

النهارده والحمد لله اشتريت هوندا سيتي 2009 كسر زيرو وبعت السريون لصديقي الانتيم
والله السريون هتوحشني جدا هيا عربيه جميله جدا ومشوفتش معاها في خلال 3 سنين يوم وحش بجد هتوحشني
لاكن الحمد لله ربنا انعم عليا بسياره برضو حلوه وربنا يقدرها وتقدر تنسيني لهفة قلبي على السريون ومتخيبش ظني

**Hamdy Masria** · 27-07-2010 09:34 PM

الف مبروك ربنا يديلك خيرها ويكفيك شرها
وسؤال بعد اذنك لو مفيهاش رخامة حضرتك جبت السيتى على كام وعاملة كام كيلوا لأنى بصراحة مهتم بالعربية دى وكان نفسى اشتريها لكن لسة ربنا لم يأذن ... واشتريت نيو اكسنت 2010 زيرو وبرضوا لسة السيتى مزغلالى عنيا

**hitham_sh** · 27-07-2010 09:38 PM

الله يبارك فيك يا باشا
العربيه اشترتها عامله 16000 كلم وفبريكه بره وجوه والعربيه كانت بتاعة بنت وفيها رخصه سنتين وضمانها لسه في سنتين وحالتها الحمد لله ماشاء الله حلوه جدا
خدتها منهم بعد الفصال ب 100000
وهيا بقالها معايا يوم واحد دلوقتي بس حاسس بنقله حلوه بينها وبين السريون

**pharonicking** · 27-07-2010 09:52 PM

ايه الفرق بينهم ؟

**أبو عبدالله** · 27-07-2010 09:53 PM

ربنا يباركلك فيها يا هيثم ان شاء الله ويعطيك خيرها ويكفي عنك شرها ان شاء الله
بس لازم هتحس بفارق لصالح الأتنين
كل عربيه لها مميزاتها وعيوبها ولكن بعد فتره وانا بقولك اهه
هتحس ان السيريون لها مذاقها بعد ما تتذوق مميزات السيتي

**M.Mosaad** · 27-07-2010 10:10 PM

الف مبروك عليك و ربنا يديك خيرها و يكفيك شرها

عندي كام سؤال لو مش هضايقك انت كنت حاجز الايفو صح ؟ كنت عايز اعرف ايه مميزاتها عن السيريون يعني حب استطلاع لو هغير قريب و لا حاجة
و السؤال التاني انت ليه غيرت رأيك في الايفو و جبت السيتي علشان التوكيل اتأخر في التسليم و لا سبب اخر

اعذر تطفلي بس الواحد ما بيصدق يلاقي حد يحسبة عند الله خيرا و يساله

**hitham_sh** · 27-07-2010 11:52 PM

المشاركة الأصلية كتبت بواسطة pharonicking

ايه الفرق بينهم ؟

لسه سبني امشي بيها شويه علشان اقدر اقولق الفروق بالزبط

المشاركة الأصلية كتبت بواسطة أبو عبدالله

ربنا يباركلك فيها يا هيثم ان شاء الله ويعطيك خيرها ويكفي عنك شرها ان شاء الله
بس لازم هتحس بفارق لصالح الأتنين
كل عربيه لها مميزاتها وعيوبها ولكن بعد فتره وانا بقولك اهه
هتحس ان السيريون لها مذاقها بعد ما تتذوق مميزات السيتي

الله يبارك فيك يا ابو عبد الله واكيد طبعا السريون بحبها بس الميزه انها مع صديقي يعني لما توحشني هقدر ارجعلها لفه كده تفكرني بايمها الحلوه

المشاركة الأصلية كتبت بواسطة m.mosaad

الف مبروك عليك و ربنا يديك خيرها و يكفيك شرها

عندي كام سؤال لو مش هضايقك انت كنت حاجز الايفو صح ؟ كنت عايز اعرف ايه مميزاتها عن السيريون يعني حب استطلاع لو هغير قريب و لا حاجة
و السؤال التاني انت ليه غيرت رأيك في الايفو و جبت السيتي علشان التوكيل اتأخر في التسليم و لا سبب اخر

اعذر تطفلي بس الواحد ما بيصدق يلاقي حد يحسبة عند الله خيرا و يساله

يباشا تحت امرك ولا تطفل ولا حاجه ويارب اقدر اساعدك
انا كنت حاجز الايفو فعلا وسبتها علشان انا صليت عليها استخاره كتير وكنت كل لما اصلي احس انها مش ماشيه والموضوع بيكلكع وتتاخر لاكن لما جت الستي صليت عليها استخاره مرتين لقتها ماشيه زي الفل وكل حاجه متيسره وزي ما انا عايز واحسن والحمد لله
وان شاء الله هقولك احسن من السريون في اوحش في بس كام يوم كده لما اعرفها كويس