لو كنت مكانى شاليه فى الساحل الشمالى ولا فى رأس سدر ارجو المشوره

**ashrafsadany** · 28-07-2010 10:24 AM

يا رجاله عايز المشوره من اهل الخبره راس سدر ولا الساحل الشمالى انا عارف الساحل وبحبه جدآ لاكن مشعارف فى السنين الجايه مع انشاء المحطه النوويه فى الضبعه هيكون ليه اثر سلبى على الساحل كأستثمار ولا ايه وفى ناس نصحتنى براس سدر لاكن انا عمرى مرحتها ولا اعرف هيا كام كيلو بلعربيه لاكن بيقولو ان هيا المستقبل ان شاء الله ياريت تبادل الاراء والنصيحه للافاده وهل الموضوع كأستثمار جيد ولا ايه بارك الله فيكم يا اخوانى

**adel1212** · 28-07-2010 12:53 PM

انا بحب العين السخنة جدا
ومش بقبل راس سدر خالص
وربنا يوفقك للخير

**Adham** · 28-07-2010 12:56 PM

الساحل الشمالي طبعا

**azmeralda** · 28-07-2010 12:57 PM

انا رحت راس سدر وحبيتها جدا بس هو مش بحر هو خليج فالمياه هادية ورايقة وتحفة وفى فالطريق عيون موسى والجبل بتاع العيون الكبريتية ونقطة حصينة من خط بارليف
انما حكاية الأستثمار عالمدى البعيد دى عيزة حد عنده خبرة

**ahmed4000** · 28-07-2010 01:05 PM

اعتقد ان راس سدر والعين السخنة حيبقى ليهم فرصة كويسة قدام
بس راس سدر متاخرة عنهم اوى فاعتقد حتحتاج وقت طويل
لكن فى المقابل حتقدر تلاقى حاجات بسعر رخيص
شوف مطروح من كام سنة الشاليهات كانت بكام ودلوقتى بقت بكام

**kh_talaat** · 28-07-2010 01:10 PM

والله عندك حق في الحيرة لكن نقدر نقول مميزات وعيوب كل واحدة فيهم

مميزات راس سدر

- أقرب مسافه من القاهرة
- تقدر تروحها معظم ايام السنة نظرا لجوها الدافئ في الشتاء
- البحر افضل وهادئ

عيوبها

شدة الحرارة في فصل الصيف وعدم الأستمتاع بجو البحر ونسمة الهواء

مميزات الساحل الشمالي

- جو افضل في الصيف والأستمتاع بنسيم البحر
- قربها من الأسكندرية وفرصة اكتر للفسح الليلية

عيوبها

- ابعد من راس سدر
- استحالة الذهاب لها في الشتاء حيث الأمطار والجو قارس البرودة بالأضافة ان كل الخدمات في الساحل بتقفل بداية من شهر 9
- البحر موجه عالي وغير مستقر لذلك بعض القرى بتعمل بحيرات صناعية زي قرية سيدي كرير ومارينا او حمامات السباحة العذبة ودي موجودة في كل القرى تقريبا

**ashrafsadany** · 28-07-2010 03:16 PM

شكرآ لجميع المشاركات بس مازلت فى حيره لغايه دلوقتى معلوماتى عن راس سدر قليله والمسافه من القاهره مجهوله وبرده محدش قالى موضوع الساحل ايه وخاصه بعد قصه الضبعه والمحطه النوويه هل هتضرب الساحل يعنى الناس ممكن تخاف من فكره انها جمب محطه نوويه ولا ايه فين اصوات خبراء الاستثمار

**korkor** · 28-07-2010 04:21 PM

المشاركة الأصلية كتبت بواسطة ashrafsadany

شكرآ لجميع المشاركات بس مازلت فى حيره لغايه دلوقتى معلوماتى عن راس سدر قليله والمسافه من القاهره مجهوله وبرده محدش قالى موضوع الساحل ايه وخاصه بعد قصه الضبعه والمحطه النوويه هل هتضرب الساحل يعنى الناس ممكن تخاف من فكره انها جمب محطه نوويه ولا ايه فين اصوات خبراء الاستثمار

موضوع ان المحطه هتأثر على المنطقه اعتقد انه امر مستبعد لان الشركات اللى مستثمره فى المنطقه دى شركات تقيله اوى ومش هتسمح باى تهديد لمشاريعها الاستثماريه الاهم فى الموضوع الناحيه الماديه هل انت معاك الفلوس المطلوبه علشان تشترى فى الساحل لان راس سدر ارخص بكتير وهى فعلا المستقبل غير انها اقرب بكتير وممكن تروح صيف شتاء هو بس يعيبها انها بعيده شويه عن العمار بس فى المستقبل اعتقد انها هتتعمر جامد اوى وربنا يوفقك ان شاء الله فى الاختيار المناسب .

**ashrafsadany** · 28-07-2010 07:41 PM

اعتقد ان فى عروض كويسه فى القرى الجديده الى تحت الانشاء زى مارسيليا 3 وماربيلا ومينا ستار ومرسيليا مقدمه عروض بتبتدى من 150 تقريبآ بلتقسيط والاستلام فى خلال سنتين لان القرى الجاهزة السعر مضروب فى 2

**Ahmed Anwer** · 28-07-2010 08:02 PM

كمتعة ،،،

دي حاجة ترجعلك ،،، الساحل هيصة و قري و حفلات و خروج

بس مش طبيعة خلابة و لا بحر أحمر تحفة زي راس سدر

راس سدر ،،، هدوء و استرخاء و بحر فقط

رأس سدر أقرب للقاهرة و لكن خدماتها أقل بكتير

استثماريا ،،، أنا ليا رأي مخالف

الساحل خلاص عدي ،،، الزيادات بعد كده هتكون الزيادات العادية للعقارات خاصة إن مساحته كبيرة جدا و المعروض فيه كتير

رأس سدر لسه بكر ،،، فأعتقد إن قريب هتزيد جامد يعني بتشتري حاجة رخيصة دلوقتي و ممكن تزيد جامد بعدين

و في نفس الوقت لو استهوتك كمصيف ،،، فهيا شغالة من دلوقتي بس هدوء و استرخاء فقط و تنام من الساعة 9

علي فكرة سمعت إن هيتبني فيها بورتو سدر ،،، تبع عامر جروب زي بورتو السخنة و بورتو مارينا

علي فكرة اللي بينصحوا بالعين السخنة

فالعين السخنة أغلي من الساحل الشمالي و أغلي من راس سدر طبعا

بس للأمانة عامة مستوي القري في رأس سدر اقل من مستوي القري في العين السخنة و الساحل الشمالي إلا بعد القري و الفنادق المميزة

فلو هتشتري اسأل كويس عن الخدمات و شوف شركة تكون ليه سابقة قبل كده و شوف القري اللي بنتها عاملة إزاي

الموضوع: لو كنت مكانى شاليه فى الساحل الشمالى ولا فى رأس سدر ارجو المشوره

LinkBack

أدوات الموضوع

عرض

لو كنت مكانى شاليه فى الساحل الشمالى ولا فى رأس سدر ارجو المشوره - انشر الموضوع فى :

-

-

-

-

-

المواضيع المتشابهه

احلى قرى الساحل الشمالى...؟؟؟؟

ايجار شاليه فى الساحل الشمالى

نصيحة فى الساحل الشمالى

سوبر جيت الساحل الشمالى ؟

الكلمات الدلالية لهذا الموضوع

المفضلات

المفضلات

ضوابط المشاركة