يا باشا اخجلتم تواضعنا
لا و الله القصة مش فردية بس انا اعرف على الاقل 25 شخص معرفة شخصية حققوا نفس النجاح و اكتر كتير
احكيلك شوية افكار في الحياة الواحد شافها قدام عنيه
واحد كان زميلنا في كلية الهندسة من عيلة عايشة بستر الله
متدين و شاطر
حب بنت زميلته و زميلتنا
و من نفس الوضع و الظروف
و لا اهل ده يستحملو تمن سرير
و لا اهل دي حمل مصاريف جواز
عملو ايه
الشاب زميلنا اجر محل في حلوان و هو طالب
و اشترى تلاجة بالقسط
و ماكينة عمل زبادي بالقسط
و المقدم لميناهوله
و فتح محل البان
و بقى يجيله الناس ينزلو البضاعة آجل
و مشى الحال
و استحمل رزالة المفتشين بتوع الصحة
و رزالة اي حدمن الحكومة جاي و فاتح ايده و بقه
و مشي الحال و اتجوزوا الاول في شقة اقرب لاوضة فوق سطوح نفس العمارة اللي فيها المحل
فينه الراجل ده دلوقتي
عنده 4 سوبر ماركت على اعلى مستوى
ساكن في زهراء المعادي
و خلف اولاد و معاه عربية غير كا عربية سوزوكي للشغل
غير الخير اللي بيعمله
و لا هو اخوان و لا حزب وطني و لا حتي بيشجع الكورة
و كل ده في 10 سنين
عاوز تاني؟
المفضلات