الموضوع: احذر .. رادار ثابت على الدائري !!

المشاركة الأصلية كتبت بواسطة ahmed76

الرادار اشتغل النهارده وبدأ يجنى ثماره
لجنه فى الاتجاه من مدينه نصر الى برج سما

طبعا انا كنت ماشى على 80 :85 والناس متضايقه منى

أمتى الكلام دا
ماشفتش النهاردة اى لجنة غير حادثة امام موبيل الدائرى امام التجمع الخامس قافلة الطريق

بصراحة قيمة الغرامة تهريج ، المفروض الرادار الثابت تكون غرامته على الاقل 1000 جنيه، لانه اختراق للسرعة مع سبق الاصرار، يعني انت عارف ان فيه رادار وبتعدي السرعة.

وبصراحة مش عاجبني خالص كلام الناس اللي بتقول عايزة تمشي على 120 و150 والسرعات العالية دي، المفروض نكون اكثر تحضر من كدة ونلتزم بالقواعد حفاظا على سلامة الجميع.

المشاركة الأصلية كتبت بواسطة cybrarian

بصراحة قيمة الغرامة تهريج ، المفروض الرادار الثابت تكون غرامته على الاقل 1000 جنيه، لانه اختراق للسرعة مع سبق الاصرار، يعني انت عارف ان فيه رادار وبتعدي السرعة.

وبصراحة مش عاجبني خالص كلام الناس اللي بتقول عايزة تمشي على 120 و150 والسرعات العالية دي، المفروض نكون اكثر تحضر من كدة ونلتزم بالقواعد حفاظا على سلامة الجميع.

لأ, المفروض السرعة تبقى 50 و اللى يمشى أسرع من كدة يسحبوا منه عربيته للأبد

المشاركة الأصلية كتبت بواسطة sharky

أمتى الكلام دا
ماشفتش النهاردة اى لجنة غير حادثة امام موبيل الدائرى امام التجمع الخامس قافلة الطريق

الساعه 9 صباحا بالضبط يا باشا
بعد النفق التانى وانت رايح فى اتجاه المعادى

واضح ان الاخ Moe86 بيتريق

انت يعني عايز كل العربيات تمشي على كام ؟؟ 130 ولا 150 ولا 170 ولا ايه رأيك في الـ 200 ؟؟

تعرف ان في انجلترا ان اللي بيعمل 12 مخالفة بيتمنع من قيادة السيارة 3 شهور ؟؟

تعرف انه لو عمل بعدها 12 مخالفة مرة او مرتين كمان تقريبا ، بيتمنع من السواقة ؟؟

تعرف يعني ايه تحضر ؟؟

في انجلترا: السرعة القصوى على طرق الريف 50 ميل/س (80 كم/س) على الطرق السريعة 90 م/س(144 كم/س), و في كل الطرق بيقولك قبلها إن في speed camera على مسافة معينة.

في أي حتة في أوروبا فيها طرق مفتوحة يعني ملهاش سرعة قصوى, في أي حتي في العالم فيها حلبة سباق وفيها تنظيم سباقات قانوني للهواة.

خلينا في بلدنا وبلاش نقارن علشان منتعبش...

بالظبط يعنى فى سرعات مش ممكن ولو مشيت عليها هتموت مش من الحادثة لأ من الملل او حد هيخبطك.

زى مثلا طريق الدائرى بتاع المطار (اللى بيربط مصر الجديدة بمدينة نصر اللى فيه محطة موبيل بتاعت الfji و وراه مرور النزهة) السرعة 60 و كانوا جاتلهم فترة بيحطوا رادار ليلى يوم الخميس و بعديها لحد قريب رادار بيصور الصبح بس (منغير لجان) , يعنى حاجة غريبة فعلا .

اساسا شفت حد ماشى على الطريق دا 60 هتقول عليه مجنون و تخبطه.

العربيات دلوقتى بتجيب سرعات عالية اوى فمش معقول طرق سريعة اخرها 100 لازم نطور احنا كمان زى العربيات ما تطورت مش نعيش 100 سنة لورا.