السلام عليكم
الف مبروك العربية اولا
و تحياتي لأهل اسوان اجمل مدينة في مصر
صيانة الألف غاية في الأهمية و يليها صيانة ال 10.000
هو اللي بيحصل فيهم تغيير زيت و فلتر و تربيط العفشة بس مش ده المهم
المهم هو الاكتشاف المبكر و حفظ حقك لو ظهرت في العربية عيوب اثناء فترة التشغيل الأولى
لأنك فيه بعض الحاجات لو ما قلتش عليها بدري يتقال لك ما انت ما قلتش ليه؟
مثال
عندي في الصني احدى اكر الأبواب التنكيل بتاعها مش مظبوط, منقرشة كده عاملة زي ما يكون فيها صدأ خفيف. فأنا لما استلمت العربية من فرحتي بيها مشيت و ما اخدتش بالي
و لا اتكلمت في صيانة الألف مش فاكر ليه
لما جت صيانة ال 10.000 قلت للمهندس قالولي لو الحكاية دي صحيح من ساعة ما استلمت العربية طيب ليه استلمت؟ و ليه ما قلتش في صيانة الالف؟ و ما اتعملش حاجة في الموضوع ده
فرأيي انك تحاول ما في وسعك تعمل الألف و ال 10.000 و بعد كده تسألهم عن الصيانات المهمة زي تغيير البوجيهات و السيور و التيل
اما الباقي من زيت و فلتر و تربيط عفشة فده ممكن اي حد يعمله
و بالتوفيق مع تحياتي
د.عيد
المفضلات