طلب استشاره من ملاك الاوبل الكرام

**ahmedfarou2** · 28-02-2011 05:42 PM

لو تكرمتم انا قدامي اوبل فكترا 1600 مانيوال فول ابشن موديل 99 فبريقه بره و جوه من الاكصدام الي الاكصدام بدون اي خرابيش بتاعت راجل كبير جدا في السن ولا تتحرك من مكانها غير كل شهرين مره الي بيبوظ فيها فقط البطاريه و عدادها حوالي حاجه و اربعين الف كيلو دول اكيد عشان قدام عيني بصراحه هيا لقطه بس محرج معاه من السعر لو سمحتم تسوا كام لانها عجباني جدااااااااااا مع اني كنت محتار جدا بينها و بين بي ام موديلات اوائل التسعينات بس دي العربيه المضمونه ادامي فعلا لو سمحتم نصايحكم و شكراااااااا وهل ماتورها ضعيف عليها ولا كويس انا مشاويري قليله داخلي و كل فتره ليا سفريه طويله عايز نصيحتكم

**فادى محمد** · 28-02-2011 06:26 PM

العربيه دي ماتسيبهاش معايا نفس الموديل ده وبرده فابريكه بره وجوه ماشاء الله عليها بسافر بيها كتير ومره رحت بيها من دمياط لمرسي مطروح (600كم)من غير اي توقف او راحه ..سعرها ممكن تعمل من 60 الي 62 الف ..موتورها من اسهل مواتير الاوبل في الصيانه واعطاله قليله جدا لقله عدد الحساسات فيه ,هو فعلا صغير علي العربيه لان وزنها حوالي 1300كم وهو بيطلع 77 حصان بس انما ده بتحسه في الطلعه بس انما بعد سرعه 60كم بتبقي صاروخ جري لان عزمها كبير 128 نيوتن انا جبت بيها 185 كم/ساعه وفي زمايل لينا قفلت العداد .قطع الغيار متوفره علي كل لون وشكل جديد الماني (درجات) واسباني وتركي ..واستعمال الخارج..الموديل نفسه الحمد لله مافيهوش عيوب ..الثبات والامان مش هقولك الا لما تجرب بنفسك ..ربنا يجعل لك خير ونصيب فيها .

**tananybasha** · 28-02-2011 10:07 PM

لا قول بعد قول فادى
عربية بالحالة دى استحالة تتساب
حتى لو هتدفع زياده
بس الغالى تمنه فيه

**tananybasha** · 28-02-2011 11:02 PM

المازدا فاسده
و النيسان للجعان
و الفيات 128 بتفتح فرد شاسيه
و ال 132 بتطقطم ركب
سمعت بلاوى

**احمد فهمى** · 03-03-2011 12:35 AM

العربيه دى عشت بيها عشر سنين ودى فرصه لن تتكرر ولحد 60 الف جنيه نفز ودى هتكون عربية العمر يعنى هتعمل معام 400 الف كيلو عادى جدا وقطع غيارها ارخص من الفيرنا واتحدى

**فادى محمد** · 03-03-2011 08:59 AM

المشاركة الأصلية كتبت بواسطة ahmed_fahmy

العربيه دى عشت بيها عشر سنين ودى فرصه لن تتكرر ولحد 60 الف جنيه نفز ودى هتكون عربية العمر يعنى هتعمل معام 400 الف كيلو عادى جدا وقطع غيارها ارخص من الفيرنا واتحدى

انا كنت شاري عربيتي باكتر من 60000 ج وده بيثبت ان قيمتها اعلي كتير من تمنها وعامل بيها لحد الان 242000 كم وماشاء الله عليها ..

المشاركة الأصلية كتبت بواسطة ahmedfarou2

شكرا يا ابو حميد والله عارف انها فرصه بس كتر الاشاعات و عارف انها اشاعات بتلغبط الواحد بس ازاي ماتورها 77 حصان و هيه 1600 حتي لو كامه واحده مش المفروض تقريبا يبقي اكتر انا ميهمنيش التسارع بس يهمني السرعه نفسها
يعني الي يجيب الميه مثلا في 3 ثواني يجري ايه في الدنيا لو يجبهم في 9 ههههههههههه
و بعدين اش جاب الفيرنا لمسمار فيها يا فرحتي بالجري و انزل رجلي اسند بيها في الملفات

معظم المواتير الالماني مواتير عزم مش سرعه يعني بالبلدي كده سحبها تقيل من علي الارض انما بعد ماتاخد سرعتها انسي يا معلم .. يعني ماتحاولش تشد مع فيرنا او لانسراو.. لانها هتكسفك وتلبسك اسود

الا لو كانت المسافه طويله ببساطه مش هتشوف العربيه التانيه الا في المرايه بتاعتك

-

الموضوع: طلب استشاره من ملاك الاوبل الكرام

LinkBack

أدوات الموضوع

عرض

-

-

-

-

-

المواضيع المتشابهه

طلب من ملاك الفلشيا الكرام

مساعدة من ملاك الفيرنا الكرام

الى ملاك ال rb الكرام

كل عام وأنتم بخير استشاره بسيطه من الاخوه الكرام

كل ما تعرفه عن اوبل كورسا سيدان لمالكي الاوبل الكرام

الكلمات الدلالية لهذا الموضوع

المفضلات

المفضلات

ضوابط المشاركة