بوجيه واحد شمعة ولا اتنين

**danash** · 29-07-2010 07:16 PM

قرات فى الكتاوج ان العربية فابريكة بتبقى واحد شمعة ضربتها فى دماغى لقيت ان مش حاينفع اتنين شمعة اللى راكب فى العربية لأن البوبينة مفروض مصممة علة انها تدى كهرباء لواحد شمعة لما تجى تركب اتنين شمع بدل شرارة واحدة قوية بيبقى اتنين شرارة ضعيفة غير انها بتجهد البوبينه العربية كانت لما تسخن تطول شوية فى الدوارة لما غيت لواحد شمعة بقت بتدور على طول عاير رأى الشباب البوجيه اللى جبته نوع مكتوب عليه فرنساوى اسمه برو وب45 جنيه صاحب المحل طلعه بناء على كتالوج لكل العربيات ونوع البوجيه الفراغ بتاعه تمانية من عشر مم :b4_592:

**محمد الشامي** · 29-07-2010 07:42 PM

من واقع المانيوال بتاع النوبيرا المفروض تكون الثغره 1 مللي بالظبط , لا اقل ولا اكثر

وبالنسبه للنوع فانا شخصياً مسمعتش عنه قبل كده , لكن الافضل هو ngk

**khalidhlall** · 29-07-2010 07:43 PM

انا مركب فى الانوس 2008 تلاته شمعه ومغير سلوك البوجيهات و شايل فيشه الاوكتان من العربيه وبحط 90 و ساعات 92 بس السحب حاجه خرافه

**M.Zaher** · 29-07-2010 07:57 PM

حسب كتالوج النوبيرا

البوجيه واحد شمعه bkr6e-11 ngk
و الثغره 1 : 1.1 مم

بس فيه كذا واحد قالولي جربنا الاتنين شمعه و كان السحب جامد بس بصراحة مجربتهاش

**shankosi** · 01-08-2010 02:22 PM

واحد شمعة، إتنين شمعة وانشاء الله 100 شمعة

مش فارقه في حاجة.......

الشرارة مش بتتوزع على عدد الألكترودات الي في البوجيه ولكن بتأحذ أقصر طريق عشان تعمل اتصال بالطرف الأرضي.

لدرجة انه في بعض الحالات لما يكون توقيت الاشتعال مقدم شوية الشرارة مبتلحقش توصل لحد آخر الألكترود عشان تنط للأرضي وبتطلع من نصه وما توصلش التيار لأخره.

بصراحه مش كلام عملي خالص وبيستهلك فلوس عالفاضي وأحسن حاجة تخليك على مواصفة المصنع.

الفائده الوحيدة اللي ممكن تحصل عليها من البوجيهات المتعددة الشمعات ان عمرها أطول من العادية شوية وخلاص.

خلي بالك عشان في أنواع صيني مضروبة شوفتها في السوق اليومين دول بيقولوا عليها ألماني.

**MMamdouh** · 02-08-2010 10:54 AM

المشاركة الأصلية كتبت بواسطة shankosi

واحد شمعة، إتنين شمعة وانشاء الله 100 شمعة

مش فارقه في حاجة.......

الشرارة مش بتتوزع على عدد الألكترودات الي في البوجيه ولكن بتأحذ أقصر طريق عشان تعمل اتصال بالطرف الأرضي.

لدرجة انه في بعض الحالات لما يكون توقيت الاشتعال مقدم شوية الشرارة مبتلحقش توصل لحد آخر الألكترود عشان تنط للأرضي وبتطلع من نصه وما توصلش التيار لأخره.

بصراحه مش كلام عملي خالص وبيستهلك فلوس عالفاضي وأحسن حاجة تخليك على مواصفة المصنع.

الفائده الوحيدة اللي ممكن تحصل عليها من البوجيهات المتعددة الشمعات ان عمرها أطول من العادية شوية وخلاص.

خلي بالك عشان في أنواع صيني مضروبة شوفتها في السوق اليومين دول بيقولوا عليها ألماني.

+1

MMamdouh