الموضوع: الياريس وصلت ..... بس لسة الورق!!!

المشاركة الأصلية كتبت بواسطة karim_monir

باشا لو روحت مارينا او الميناء وطلعت بلطي امانة عليك تشيلي شوية في الفريزر
اهم حاجة بلطي :p:p:p:p;);););););)
--------
الف مبروك يا ابو حميد وعزومتي انا هاخدها طبعا اول مانزل عندك
ما تقولش لحد بقي اني شقتي في نفس شارعك احسن مش هاتقدر تعزم الناس دي كلها
نييييهههههههههه

هههههههههههه

تصدق قرأت اول سطر عادى جدا وقلت طبعا ح اشيلك

السلام عليكم جميعا ..... والله انا سعيد بكم الحب والاخوة والدعوات الحلوة.... ربنا يجعلها في ميزان حسناتكم إن شاء الله.... وربنا يستجيب منكم ويكفيني شرها ويبارك لي فيها.

انا لسة مستني الورق وربنا يوفق ويجي بسرعة الورق .... هما قالوللي ممكن يوم الثلاثاء إن شاء الله.

Bassam nagy – الف شكر يا باشا وربنا يبارك فيك

Hero شكرا على التهنئة وهما قالوللي إن شاء الله الورق يوصل يوم الثلاثاء اما بالنسبة للمشي بالعربية فانا مش مستعجل وبناقص مخالفات من البداية

Andalus الله يبارك في حضرتك وهما في الرزق محترمين جدا وسعرهم نفس سعر التوكيل بالظبط وانا حجزت الاربعاء وأخدت شاسية وموتور الخميس.... انا شاري العربية تبع بنك وحجزت معاهم من غير ولا مليم بس كلمة ثقة.... ولما رحت أدفع عربون علشان جدية التعاقد قالوللي مالهوش لازمة دلوقتي إحنا خلاص إرتبطنا معاك بكلمة.... وكمان إدوني رقم شاسية وموتور من غير ما ياخدوا ولا مليم.... بالنسبة لتويوتا مصر إللي في الداون تاون هما شبعوا خلاص وتحسي إنهم خلاص مش مهتمين بموضوع البيع لانه معرض كبير وفاكرين العربية حتبيع نفسها بنفسها.... ولازم واسطة لمدير المعرض علشان تستلمي بسرعة..... انا ليا معاهم تجربة حجز وكانت سيئة ودة إللي خلاني أروح للرزق إللي معاملتهم أحسن وكمان عندهم مركز خدمة تويوتا معتمد. عنوانهم في سموحة امام بوابة نادي سموحة مباشرة واي إستفسار انا في الخدمة.

Alsindrella واالله عندك حق وانا لية أدفع نمر تجارية وفلوس على الفاضي ويوم من يوم قريب

Mada121977 شكرا للتهنئة والله لسة لم أستقر على شركة تأمين ولكن سمعت اعضاء كتير بتشكر في الجمعية وفي ناس مش بتشكر بس ربنا يقدم إللي فية الخير.... هما سعرهم منافس جدا وكمان في شركات تانية سعرهم اكتر بس بردة ليهم عيوب!

معاذ باشا ... الله يبارك فيك ويرزقك الخير والله واحشني وواحشني رسايلك على الخاص

Sa3dawy إشتغالة إية؟؟؟؟؟؟؟؟

حازم باشا شكرا على التهنئة وعلى النصائح الغالية ورقمك محفور في قلبي يا باشا ومقدرش استغنى عنك؟

إسلام المصري... الف شكر على ذوقك وياريت اشوفك على خير تاني في إسكندرية ولا معجبكش الماندي؟؟؟ ومتخفش حظبطلك أكلة سمك مش مجمد من إللي كريم منير بيحبه؟

شاركي باشا الله يبارك فيك ويحفظك.... اراءك كانت من ضمن تشجيعاتي على شراء الياريس

محمد إبراهيم.... جاري السكندري وزميل الياريس لا تخاف أستلم ومش حسيبك علشان تظبطني عند ياقوت بتاع الكماليات زي ما إتفقنا.... وكمان العزومة مس حسيبك

Tarekkasaby ألف شكر وربنا يبارك فيك

Mido777 محمد باشا عيب نبقى إسكندرانية زي بعض ومش بنتقابل إلا في المناسبات.... ياباشا إنت تأمر والسمك يطلع من البحر على طووول... قولي ناوي تصطاد إمته وانا أظبط الكلام..... واكيد ححتاج مساعدة في تظبيط العربية ما إنت عارف التظبيط ما بيخلصش!

كيمو حبيب قلبي لا تقلق البلطي موجود بس فين الاكيلة ومارينا مليانة بلطي والبحر الاحمر مليان بلطي .... معلش يا جماعة اصل كريم من كتر حبة في البلطي بقى بيشوف كل السمك بلطي!!!! كريم إنت عارف إنك تنورني في أي وقت والسمك جاهز بس تقولي قبلها وانا أظبطلك تشكيلة تخليك تنور من الفسفور:)

الف الف مبروك ربنا يباركلك فيها وفعلا الرزق شركة محترمة جدا
وبالمناسبة انا كنت شارى من شركة رمسيس عشان رحت الرزق قالولى العربية جاية كمان اسبوع وانا كنت مستعجل ورمسيس برضه شركة ممتازة استلمت العربية فى نفس اليوم ومعاها ورقها كله

السلام عليكم

إستلمت الياريس إمبارح والحمد لله
اللون بترولي
رخصت وكلة تمام إمبارح .... الترخيص سنة إتكلف 337 جنية والراجل بتاع المعرض إللي كان بيرخصلي أخد 60 جنية يعني قفلهم 400 جنية! كتيييير انا عارف بس إكراميات وكمان هوا عمل كل حاجة ما الألف إلى الياء!

طبعا كنت مرعوب جدا وانا سايق العربية بس الحمد لله ربنا ستر وطبعا قلبي كان بينط عند اي حفرة اة مطب نظرا لحرصي الشديد على العربية.

إدعولي ربنا يباركلي فيها ويكفيني شرها ويرزقني خيرها.

الف مبرووووووووووك انك خلصت التراخيص ربنا يبارلك فيها يارب


ممكن تقولى مصاريف التراخيص دى بالتفصيل انا شايفهم كثير عن اللى قالته سندريلا قبل كده

ياريت تقولى عشان مستنيه استلم وارخص

والف شششكر

انا بردة استلمت ياريس من حوالى 3ايام ...بس لسة مرخصتش:D --اللون اسود
المهم استلمت ورق العربية النهاردة والضمان بعد 3 ايام
العربية عملت بيها 595 كيلو ناعمة اوى وعالية عن المطبات وواسعة والكاسيت والتكييف محترمين:D
احسن حاجة فى العربية دى الباور ناعــــــــــــــــــــــ ـــــــــــــــــــــــــ ــــــــــــــم اوى اوى اوى esp
وجبت من التوكيل (فرش جلد بيج ودواسات وطفاية حريق وستارة وفرش للشنطة )=900 جنية
والحمد للة راضى اوى عن العربية