الموضوع: مين هيجي حفلة teisto ؟؟؟ انا 100% رايح

المشاركة الأصلية كتبت بواسطة mmans

ربنا يهدى الجميع

امين
هو مين تياستو ده ؟
اه الاشكال اللي احنا بنجري وراها دي ؟
عملنا ايه نافع ابن ال ....... ؟
ولا قدم لبلدنا ايه ولا نفع الناس اللي بتروحله دي شخصيا في ايه ؟
يا ناس فوقو ، كفاية والله اللي انتو بتعملو في نفسكو ده .

المشاركة الأصلية كتبت بواسطة moe86

ببساطة كدة تيستو دة واحد من أحسن الناس فى العالم بيعملوا موسيقى
احنا مش بنجرى وراه ولا واخدينه مثل أعلى ولا حاجة
احنا بنحب نسمع أغانيه زى ملايين البنى أدمين فى العالم كله, و حفلاته بيبقى فيها show مميز جدا
هو علشان ملايين البني ادمين في العالم بيسمعوه أسمعه انا كمان ! طيب فين تقييمك انت وفين ذوقك انت اللي بيعتمد على اسس ومبادئ لو ما اتوفرتش يبقى خلاص تسيبه من الاساس حتى لو كان على هواك .
وبعدين ما هو غالبية الناس مش مسلمين قال تعالى : {ولا تجد أكثرهم مؤمنين}
اية المشكله لما يكون شاب ربنا فاتح عليه شوية ماديا و معاه 350 جنيه و يروح حفلة فى الصيف زى بقية جيله ؟
عندي سؤال هو كل اللي معاهم فلوس دول معاهم لان ربنا فاتح عليهم ؟ مايمكن دا اختبار من ربنا ليك ؟ قال تعالى : {ونبلوكم بالشر والخير فتنة }
ليه بقى الناس اللى كانت بتحضر حفلات أم كلثوم مثلا زمان ناس محترمه و بتفهم انما الناس اللى بتروح حفلات الأيام دى وحشين و مجانيين ؟!
ومين قالك انهم كانو ناسو محترمين وبيفهمو ؟
ما يمكن ما كانوش فاهمين ، وطبعا ده مع مراعاة الفرق الشاسع بين ام كلثوم ومغنيين اليومين دول بس في الاخر كوووووووووووله غلط

عموما, مين تانى رايح يا جماعة ؟

اتمنى ان ما حدش يضايق من رأيي
وفي الاخر كل واحد مننا حر وهيعمل اللي هو عايزه على حسب فهمه ، بس ما ننساش ان في حساب يوم القيامة .
ويا جماعة اللي معاه فلوس يصرفها في مكانها مفيش مانع انك تتفسح وتروق نفسك بس بشرط انك ما تدخلش دايرة الحرام والشبهات . وما تنساش ان في ناس مش لاقيين ياكله وما تنساش ان 350 جنيه دول اس رة كاملة بتعيش شهر كامل عليهم وعلى اقل منهم .
ما تنساش الناس اللي باعت نفسها ومالها واهلها لتحرير اراضينا المغتصبة من اليهود والامريكان اللي احنا رايحين نشجعهم ونسقفلهم ونديهم فلوسنا وهما يدونا فوق دماغنا .
انا اسف لو اسلوبي قاسي شوية بس حاولت اخلي هادي ولين قدر الامكان
وربنا وحده يعلم انا مسحت كام كلمة علشان اهدي الكلام .

المشاركة الأصلية كتبت بواسطة moe86

لو فكرنا بالطريقة دى
يبقى اللى يبات فى فندق ب500 جنية فى الليلة حرام, لأنه ممكن يبات ب100 جنية
و اللى يشترى عربية ب200 ألف جنية حرام لأنه ممكن يشترى عربية ب 50 ألف, و هكذا
رأيى الفرد اللى بيشتغل و يجيب فلوس عليه يدفع الذكاه و صدقة للفقراء, بعد كدة يرفه عن نفسه زى ما هو عايز فى حدود المعقول طبعا خصوصا ان الحفلة دى مثلا مرة واحدة فى السنة, و لما قلت ان ملايين من العالم كله بيسمعوا تيستو (هو ألمانى على فكرة مش يهودى!) كان قصدى ان الموسيقى بتاعته حلوة فعلا و ملهاش علاقة اللى بيسمعوه مسلمين أو لأ
و حضرتك تشكر انك مسحت كلام علشان الموضوع مايخرجش عن مساره (هو خرج فعلا) و يقلب بخناقة بين الأعضاء

انا مش عارف هو فى اية ..انا مع الراجل ده ومع صاحب الموضوع ........

اية الغريب ان اعضاء معانا فالمنتدى رايحين حفلة لشخص هم بيحبه ( انا والله معرفه ) وحبه يجمعه بعض ويروحه سوا
وانا شايف انى فى بعض الاعضاء عندهم فكرة عن الموضوع وبداءة يتنقشه مع بعض مين احسن ومين بيقدم مزيكا أفضل

واية اللى دخل 700 جنيه ثمن التذكره فالحرام والحلال ....لو بنكلم ع حرام وحلال الفلوس اللى بتتصرف ع السجاير والشيشة حرم ولا حلال .... ولا اللى بتتصرف فى مرواح الاستاد عشان تتفرج ع كوره ...ونفضل نشتم فبعض مين اهلاوى ومين زملكاوى

ياريت نكون متقبلين شوية افكار غرنا .حتى لو مختلفين معاهم اكيد هم كمان مختلفين معانا .....الافضل نسيب الموضوع يسير بدون اى خلاف .....ولو مش عجبك متشركش فى ...وسيب اللى مهتم وفاهم يشرك ويضيف

وياريت ياشباب تجبولنا كام حاجة للناس دى عشان نسمعها ......

والله انا علي استعداد اجمع كام اغنية و ارفعهم علي اي سايت

استنوني كدا و حجيبلكم كام واحدة حلوين

عالعموم اسمع دي و قولي


http://beemp3.com/download.php?file=...26+Out+Of+Love


http://beemp3.com/download.php?file=...ng=Radio+Crash

ودي كمان


http://beemp3.com/download.php?file=...&song=Feel+You

http://beemp3.com/download.php?file=...g=Flashback%40