الافادة بسرعة ارجوكم فى تكييف البومة

**man_66666661** · 31-07-2010 07:57 PM

يا جماعة التكييف كان شغال كويس ومرة واحد بعد ما غسلت العربية شغلته لاقيت التكييف بيشتغل بس مش بيجيب هواء صاقع بيجيب هواء مروحة والكباس مش سامع صوته بيقوم ومش عارف اعمل ايه ممكن حد يقولنا ايه المشكلة

**man_66666661** · 31-07-2010 08:11 PM

المشاركة الأصلية كتبت بواسطة man_66666661

يا جماعة التكييف كان شغال كويس ومرة واحدة بعد ما غسلت العربية شغلته لاقيت التكييف بيشتغل بس مش بيجيب هواء صاقع بيجيب هواء مروحة والكباس مش سامع صوته بيقوم ومش عارف اعمل ايه ممكن حد يقولنا ايه المشكلة

**mr_vampire** · 31-07-2010 08:27 PM

ماتخطف رجلك لحد واحد بتاع تكييفات وهو يبوصلك عليه بدل ماتحير نفسك.

**man_66666661** · 31-07-2010 08:32 PM

بلاش ممكن يبوظ حاجة اكبر

**Rsarabia** · 31-07-2010 10:22 PM

كدا المشكلة فى الكومبريسور او حاجة تانية زى فيوزات مثلا
احسن حاجة هتروح لكهربائى و بتاع تكييف يكشفو على كل حاجة

**M.Al-Hefnawy** · 31-07-2010 10:26 PM

أول حاجة أتأكد إن فيشة الكبرسور موجودة في مكانها لو خلتها المشكلة ممكن يكون الفيوز بتاع التكييف.

إن شاء الله تكون حاجة بسيطة وابقى طمنا لاستفادة الجميع.

**boma** · 01-08-2010 01:42 AM

الموضوع بسيط الكباس له فيشة بالقرب من المروحتين واثناء الغسيل وبقوة مسدس المياه ممكن تكون اتفكت او اتهزت او جه عليها مياه زايده اى كهربائى يكشف عليها وهتشتغل حصلت معايا وداس عليها جامد الكباس اشتغل بس علق تانى فاما تغير الفيشة او يوصل السلكتين ببعض منن غيرها وغالبا هى اتهزت بس وهيشتغل تانى ان شاء الله القصه كلها لن تتجاوز 10 جنيه عند الكهربائى وبالمره يكشف على الفيوز

**m_waheed** · 01-08-2010 11:05 AM

ان شاء يكون ما فيش حاجة

اول حاجة تراجع علي الفيوز زي ما قالولك الزملاء

تاني حاجة تكشف عن هروب الفيرون ودي حاجة سهلة ممكن تعملها بنفسك او عند الفني

الموضوع انك بتجيب صابون سايل مخفف بالمية وبتطة عند المواسير ووصلات التكييف لو شوفت فقاعات هواء يبقي كده محتاج تعالج الثقب وتشحن فريون تاااني

ونصيحة اوعي تحط فرون صيني او مغشوش لانه بيعمل تاكل في المواسير والبلف