الموضوع: الرجاء الافادة بخصوص البومة

اهلا يا استاذ اشرف

موضوع خدش الدهان بمسمار ده موضوع منتشر وحتى الآن ملهوش حل غير الدهان وكان من فترة قصيرة عدة موضوعات اتعملت في المنتدى وهنا في قسم ميتسوبيشي عن اعلان في الفضائيات عن قلم الخدوش لبويات العربيات وانه سحر وبيخفي اي خدوش للدهان انما الجميع اكد (وكذلك اللي جربوه ونزلوا تجرتهم على اليوتيوب) انه نصب ومش بيعمل اي حاجه للأسف والخدوش واضحة زي ما هي بعد استخدام القلم

اما عن الدهان في التوكيل (الحالي دايموند او السابق مصرية) فده بيرجع لحاجتين اساسيتين اولا جودة نوع البوية المستخدمة وثانيا خبرة الصنايعي او فني الدهان في الرش وبالتأكيد الجميع بيرشها في فرن الدهان

للعلم مفيش بوية ميتسوبيشي أو بوية تصنيع شركة السيارات انما فيه شركات عالمية متخصصة في تصنيع البويات ودهانات السيارات اشهرها في مصر ديبون وسيكنز وكل شركة منهم عندها ارقام الألوان الأصلية لكل موديلات السيارات

المشكلة في ورش الدهان الخارجية انها تكون مش بتستخدم البويات الأصلية ديبون وسيكنز وتكون بتستخدم بويات ارخص لكن ده لا ينفي ان فيه ورش خارجية كتير عندها افران وبتستخدم البويات الأصلية وعندها صنايعية خبرة كويسة وشغلهم حلو

لكن طالما العربية في التأمين يبقى مش لازم تدور على الأرخص وانما الأفضل

بخصوص تنزيل قيمة العربية فبلاش تدهن السقف لأن هو ده اللي لو كان مدهون بيدي المشتري انطباع ان العربية مقلوبة وعاملة حادثة كبيرة

لكن الدهان العادي فيطلق عليه في السوق رشة نضافة وده عادي مش بيقلل سعر العربية

وبالتوفيق