الموضوع: ألان فقط أصبحت فلوينساوي

طبعا الاخوه فالمنتدى يعلمون اني حاجز الفلوينس من 10 مارس وبعد طول انتظار وجدل حول موعد الاستلام والزياده في الاسعار ... تم بفضل الله الاستلام من حوالي اسبوع .
الورق اتاخر شويه لكن وصلني اليوم وجاري انهاء اجراءات الترخيص .
طبعا لازم اشكر الاخ بوكلا والاخ وال وكل اعضاء قسم رينو فالمنتدى على كل ما بذلوه من جهد في توفير اكبر كم من المعلومات عن السياره وانا متفق معاهم تماما في الانطباع عن السياره والتقارير الدقيقه اللي اتنشرت فالمنتدى عن الفلونس . انا فقط عندي شويه نقاط تخص سيارتي هتكلم فيها :
1 - السياره لون oyster grey وكوده ( KNG ) أو الفيراني الفاتح كما هو متعارف عليه واللون ده يا شباب احمد ربنا على اختياري ليه لانو بالفعل لون اضاف للسياره - اللي اصلا تمتاز بشياكة التصميم - لمسه فخامه وتميز .
2 - السياره من فئة ال Dynamic أو ال E3 اللي كان سعرها ب 135000 جنيه واصبح الان 138000 بعد ارتفاع سعر الدولار . وهنا احب اسجل شكري وتقديري لوكيل رينو المحترم اللي استجاب لشكواي واستيائي من اقرار الزياده على الحاجزين للسياره من 4 شهور واكثر وبعد جدل حول المسأله ده كنا اتناقشنا فيها فالمنتدى من قبل تم استلام السياره بالسعر المتفق عليه عند الحجز .
3 - هذه الدفعه من الفلوينس هتترخص موديل 2011 ان شاء الله كما هو مثبت في شهادة تعريف السياره وده عوض صبري خير والحمد لله .
4 - السيارة ممتازه في كل شئ كما وصفها الاخوه ولن اكرر الكلام لكن فيما عدا 3 حجات من وجهة نظري :
أولا نظام تعليق السياره مخللي العفشه ناشفه شويه فالمطبات وغير مريحه . طبعا بعد نفخ الاطارات
بالنيتروجين خفف من المسأله شويه لكن مش على الاطلاق .
ثانيا عدم وجود ماكينة رفع للزجاج شئ غير متوقع من رينو فالسياره التحفة ده والمفعمه بالاوبشنز .. طبعا
ده شكوى عامه من كل الاخوه اللي استلموا السياره وهي فعلا حاجة مزعجة وغير لائقه بالسياره .
ثالثا السياره بتاكل نزين شويه داخل المدينه وده يعني شئ لا أجزم بيه الان لاني لسه في فتره التليين
واتعشم من الله ان الوضع يختلف فالمستقبل القريب .
كده اعتقد اني ادليت بدلوي في هذا الموضوع بس ليا أستفسار بسيط للأخوه الأجلاء : هل ضغط النيتروجين فالاطارات نفس ضغط الهوا يعني 32 امامي و 29 خلفي ولا ايه ؟ لاني رحت عند واحد ظبطهم جميعا على ضغط 30 وانا مش مقتنع ؟!!

الف مبروك ربنا عوض صبرك خير ويعطيك خيرها و يكفيك شرها و ماتقلقش من موضوع العفشه هتشعر بفرق بعد شويه من الاستعمال و بخصوص استهلاك البنزين هتشعر بوفره بعد اول 300 كيلو و انا عندى عموما استهلاك البنزين مابين 185 الى 200 كيلو فى الصفيحه فى وسط البلد حسب حاله المرور و اعتقد ان الاستهلاك كده ممتاز

مبررررررررررووووووووووك

مبروك 100000
ربنا يبارك لحضرتك فيها
ميرسى عالتقرير المبدئى

ألف مبروك ربنا يعطيك خيرها ويكفيك شرها

مبروك يا نيفر و الحمد لله انك استلمت على خير ...

ألف مبروك ،ربنا يباركلك فيها .

ألف مبروك ربنا يعطيك خيرها ويكفيك شرها

الف مبروك وربنا يبارك فيها ان شاء الله

الله يبارك فيكم جميعا وانتم بجد أخوه افاضل