1. A
بيتنقل دائما وابدا عن طريق الاكل, منتشر بشده في المدارس والحضانات ودور الرعاية بتاعة الاطفال,
مصدر اخر للعدوى هي القشريات والجمبري اللي مش مستوي كويس!
انتقال جنسي : نادر الحدوث جدا : لاحظ ان معظم العيانين اطفال
نقل دم: نادر جدا برضه احنا بنتكلم على اطفال
ليه قلت عليه جميل وزي الفل وفخور اني جالي وانا صغير:
- مفيش عدوى مزمنة
- مفيش مرض غير ظاهر
- مناعة صامدة طول الحياة : يعني ممكن آكل دلوقتي من مقلب زبالة : حيجيلي اي حاجه غير الايه
- مفيش سرطان في الكبد
- مفيش التهاب او تليف كبدي مستمر
فيروس B
عدوى عن طريق اي شكة
نقل دم ملوث
دق الوشم : ينتشر في الارياف حيث يدق الفلاح تاريخ ميلاد عيلته وانجازاتهم على دراعة بالوشم : سيد العكر عين اعيان كفر العكر مركز قها قليوبية !!!!!
المسلمون ثلاث نقط للدلالة على انه مسلم والمسيحيون بدق الصليب
في امريكا بيعتبروا اي واحد داقق tattoo خصوصا الهبل بتوع الموتوسيكلات عنده فيروس بي حتى يثبت العكس
موس حلاق, ملقاط لحبوب الوش, شكة ابره, دبوس طرحة بين البنات, بنسة شعر, طبيب اسنان , باختصار فيروس
بيتلكك عشان ييجي : لو واحد عنده ايدز وعنده فيروس بس واتشكيت بحقنة منه : اللي حيجيلك غالبا هو فيروس بي مش الايدز (نسبة الايدز ساعتها 3 في الالف فقط)
رابع المستحيلات ييجي عن طريق الاكل
من أقذر الفيروسات الكبدية
- التهاب مزمن
- عدوى مزمنة
- المناعة بتاعته ممكن تحصل بس مش لازم
- تليف كبدي
- سرطان كبدي : المرحلة الاخيرة لان الاستاذ بيحط الحمض النووي بتاعه جوا الخلية : بيعمل سرطان بنفسه
الحل: 3 حقين تطعيم الواحدة ب20 جنيه في المصل واللقاح
اخدتهم من ايام امتياز وريحت نفسي وطعمت بنتي قبل ما تتم 6 شهور
فيروس C
مشابه لفيروس بي بس عايز كمية دم كبيرة (بيسموه فيروس نقل الدم)
صعب ييجي عن طريق :
- النقل الجنسي (ناس عندها الفيروس 30 سنة وزوجاتهم طبيعيات)
- شكة الابره (نسبته في الدم قليلة اوي زي الايدز كده)
- طبيب الاسنان والحلاق لنفس الاسباب
- رابع المستحيلات ييجي عن طريق الاكل
اثره:
زي البي
- التهاب كبدي مزمن
- عدوى مزمنة
- تليف كبدي
- سرطان كبدي بسبب تليف الكبد الرهيب وليس بسبب الفيروس نفسه وإن كان برضه حيحصل سرطان
ملوش تطعيم وان كان في بعض الاحيان له علاج بالانترفيرون بس بيتكلف فوق 100000 جنيه
وربنا يسترها علينا
المفضلات