مين فاكر إعلانات زمان؟

**TaoTao** · 12-08-2008 10:30 PM

افتكرت إعلان كان بينزل في مجلة الشباب عن بلاي ستيشن 1:
"أنظمة ألعاب بلاي ستيشن من سوني بـ 1050 جنيه فقط .. أي مشكلةٍ في ذلك؟" وصورة لشخصية من لعبة فتالية كان شكله مخيف وكان بأربع أذرع على ما افتكر ..

**KoDaK_Gti** · 13-08-2008 01:50 AM

هههههههه انتو ناس رايقة
خدوا شوية الدعاية دى يمكن تفكركو بايام زمان
شيكولاتة كورونا

فاكرين الاتارى دى ؟؟ انا كنت يكسر الدراعات علطول وانا بلعبها

ولعبة كرة السلة دى كانت جيالى هيدية من 15 سنة تقريبا

وياسلام ع البيفى واغنية الشهيرة لو تفتكروها

هات الفينو ... خدلك نصه ... شيل اللبابه ... متحط البيفى
وعدى يا وعدى ... بيفى من بلدى.....وعدى يا وعدى
على ما اتذكر
هات الفينوخدلك نصهشيل اللبابهمتحط البيفيوعدي يا وعديبيفي من بلديوعدي يا وعديبيفي من بلدي

**KoDaK_Gti** · 13-08-2008 02:00 AM

اغلبية الشباب تعرف المشروب ده سباتس الدبانة

فاكرين تييييييم

عصائر ومربات قها

اعلان لكاميرات كودك المجسمه هههههههههه
شكلها كانت بتطلع الناس عاملة زى بتوع افلام الكارتون

ايه رأيكم فى الكلام ده

**SHNORY** · 13-08-2008 08:30 PM

شويه اعلانات بقي تجنن لقيتهم في جروب علي الفيس بوك
ودول تقريبا قبل ما يخترعوا التليفزيون من اساسه

**TAREK ZIAD** · 14-08-2008 11:38 PM

ديكسان ديكسان .... لا تستعملوا ديكسان
دة مبيد خطير لى و لإخوانى المناشير
ديكسان ديكسان ... و أنا رحت فى خبر كان ......

المفروض إنه إعلان مبيد للصراصير من السبعينات ..... بس هو فعلا كان مغذى مش مبيد

**TAREK ZIAD** · 14-08-2008 11:58 PM

سنة 1974 ... أول إعلان أوروبى ...
Dop Dop
Sham Shampoo Dop

و سنة 76 ...Mamamia Mamamia
Bac.... It's Bac
Bac.... That's Bac

:D

**drfarow** · 22-10-2008 05:00 AM

ان مش عارف اقول ايه الحلاوة دى
رجعتونا للايام الجميلة
للاسف لسه شايف الموضوع النهارده
حاجة جميلة
فى عندى شوية اعلانات:
اعلان الفول السودانى
بى نت .....فول سودانى مملح
اعلان السيراميك لما كان يملا المكان امام الاهرامات بالسيراميك
ليسكو ....لمسة جمال فى مصر
اعلان ماجد الكدوانى بتاع كرانشى
لما يفضل يتحايل على حد يشترى عجلة
تشترى عجلة يا امووووره

**OlaOsman** · 22-10-2008 06:46 AM

المشاركة الأصلية كتبت بواسطة drfarow

ان مش عارف اقول ايه الحلاوة دى
رجعتونا للايام الجميلة
للاسف لسه شايف الموضوع النهارده
حاجة جميلة
فى عندى شوية اعلانات:
اعلان الفول السودانى
بى نت .....فول سودانى مملح
اعلان السيراميك لما كان يملا المكان امام الاهرامات بالسيراميك
ليسكو ....لمسة جمال فى مصر
اعلان ماجد الكدوانى بتاع كرانشى
لما يفضل يتحايل على حد يشترى عجلة
تشترى عجلة يا امووووره

أهو إعلان ليسيكو ده كان كل اللي بيقلقني فيه انه لما باشوف الأرض كلها عند الأهرامات اتكست سيراميك كنت باتخيل ان لما عاصفة رملية تهب على الحتة دي السيراميك ده هايبقى بيزحلق و هايوقع كل الناس :D

**mr_kenawy** · 22-10-2008 12:15 PM

بنبوناية بالقهواية سولا سولا
دوقها يالا هتلاقيها بنبوناية مفيش زييها
للكبار للصغار سولا سولا
الاعلان ده كانت بتعمله نرمين الفقى.

اكلت منها حسيت كأنى حتة منها و هى حتة منى
جيلى كولا جيلى كولا
وده كانت بتعمله ياسمين عبد العزيز

شااى العروسة عروسة اشرب منه كتير
شاى العروسة دوق ده طعمه خطير
شاى العروسة عروسة لمزاج البهوات
شاى العرووووسة هاتلى منه هات

صاحبنا جه م اليابان
ماسك ف ايده المدام
دى تلاجة و ده تليفون
امااال فين التلفزيون
قال هجيبه من هنا مضمون
nec تليمصر يابانى منه فيه

ادينى لبانة من السحرى
اشمعنى السحرى مصر عليه
جرب و هتعرف وحدك ليه
السحرى لبان تمضغه تلقاه الوان الوان
يا نهار اخضر
دوق دوق

بستك بستك بستك نااااو
شوكلاتة جيرسى واكلة الجاااو
و الحشو جوة بجوز الهند

و فاكرين قبل نشرة ستة اعلانات اين تذهب هذا المساء و بعدها اضف الى مكتبتك هذا الكتاب الجديد.