مين فاكر إعلانات زمان؟

**TaoTao** · 12-04-2008 08:59 PM

عودة للإعلانات، افتكرت (وعاوزكم تفتكروا معايا) أجزاء من إعلانات عن المبيدات الحشرية، أنا فاكر الجزء الأخير ومش فاكر الأول !!
الإعلان الأول، بنت عسولة صغيرة بتشتكي من الناموس وإنهم كلهم تعبانين وجدها مش عارف ينام،
"........... مامي يا مامي حوشي الناموس بيقرصني مش مخليني قاعدة على بعضي. باااااااااااااااس، وبعدين مامي جابت سخان ماتوكس ومن ساعتها ولا ناموسة ولا هاموشة دخلت بيتنا، وارتحنا كوووووووووولنا وجدو راح في ساااااااابع نومة. تصبحوا على خير"

الإعلان الثاني، كارتون غنائي مش فاكر جزؤه الأول:
" ......
ده ناموس غلوس
بسنان وضروس
امشي يا ناموسة يا مفعوصة ماتقرصينيش
كيلين Killing أهو جالك هايفشفشك فاشافيش
قرص واحد مني والناموس يروح مايجيش

عندنا كيلينج حطينا القُرص .. عندنا كيلينج ماعندناش قَرص"

والإعلان بتاع معجون أسنان كرست:
الولد: يووووه هو كل يوم؟!
الأب: خد وإلا الدكتور هيضطر يعمل حفرة في سنانك زززززز زززز زززززززززززززز
الولد : هاااااااهأهأهأ .. اشمعنى كرست؟
الأب: ده بيحمي أسنانك فابيمنع التسوس
الولد: تسوس؟!
الأب: تعالى أوريك دكتور السنان بيشرحها إزاي، قشرة البيضة فيها كالسيوم زي سنانك تمام تكتكتك (صوت نقر بالبيضة على أسنان الولد) الناحية دي هاننظفها بكرست وهانحط البيضة جوة الخل.
الولد: خل؟
الأب: ده مفعوله على القشرة زي الحامض اللي بتكونه بقايا الأكل على سنانك (يتوقف الولد عن مضغ شيء ما ويبرق في ذهول) .. نسيبها كدة لبالليل
شايف الناحية دي بقت طرية وضعيفة وناحية كرست لسة قوية"

الإعلان ده فيه حاجتين:
1- متأثر بأسلوب حلقات العم بيتر لتبسيط العلوم
2- الحاج كان قالي شفت بقى اللي مايغسلش سنانه بيحصله ايه؟ رديت وقلت " ماهو لو دهنا ورنيش جزم بدل كرست برضه الخل مش هايوصل لقشرة البيضة" الحاج بصلي بصة (أصل محسوبكم كان طفل طبيعي من اللي بيكرهوا موضوع غسيل الأسنان ده :D)

**OlaOsman** · 12-04-2008 10:19 PM

المشاركة الأصلية كتبت بواسطة TaoTao

والإعلان بتاع معجون أسنان كرست:
الولد: يووووه هو كل يوم؟!
الأب: خد وإلا الدكتور هيضطر يعمل حفرة في سنانك زززززز زززز زززززززززززززز
الولد : هاااااااهأهأهأ .. اشمعنى كرست؟
الأب: ده بيحمي أسنانك فابيمنع التسوس
الولد: تسوس؟!
الأب: تعالى أوريك دكتور السنان بيشرحها إزاي، قشرة البيضة فيها كالسيوم زي سنانك تمام تكتكتك (صوت نقر بالبيضة على أسنان الولد) الناحية دي هاننظفها بكرست وهانحط البيضة جوة الخل.
الولد: خل؟
الأب: ده مفعوله على القشرة زي الحامض اللي بتكونه بقايا الأكل على سنانك (يتوقف الولد عن مضغ شيء ما ويبرق في ذهول) .. نسيبها كدة لبالليل
شايف الناحية دي بقت طرية وضعيفة وناحية كرست لسة قوية"

الإعلان ده فيه حاجتين:
1- متأثر بأسلوب حلقات العم بيتر لتبسيط العلوم
2- الحاج كان قالي شفت بقى اللي مايغسلش سنانه بيحصله ايه؟ رديت وقلت " ماهو لو دهنا ورنيش جزم بدل كرست برضه الخل مش هايوصل لقشرة البيضة" الحاج بصلي بصة (أصل محسوبكم كان طفل طبيعي من اللي بيكرهوا موضوع غسيل الأسنان ده :D)

انا فاكرة الإعلان ده كويس اوي و كنت باحب صوت الولد اوي و هو بيقول تثوث :D

فكرتنا بأيام حلوة و الله يا TaoTao :)

**Chicco** · 13-04-2008 10:55 PM

افتكرت اعلانين متهيألي كانوا مهمين شوية ما دام بنقول تأريخ :o

الاول بتاع انسف حمامك القديم....بوم بوم طراخ و البنت السهتانة بتاعة غير حمامك بجرافينا مواا
أول إعلان يكسر التقاليد المحافظة (بمقاييس ساعتها ) و علامة لبداية طغيان الانفتاح الاستهلاكي

التاني بتاع الهدى مصر... و على خلفية موسيقى فيلم روكي صور لمصانع و مزارع و حاجات تفرح لحد ما الناس صدقت و طبعا الكل فاكر اللي حصل بعد كده :(

**OlaOsman** · 14-04-2008 07:18 AM

المشاركة الأصلية كتبت بواسطة Chicco

التاني بتاع الهدى مصر... و على خلفية موسيقى فيلم روكي صور لمصانع و مزارع و حاجات تفرح لحد ما الناس صدقت و طبعا الكل فاكر اللي حصل بعد كده :(

الإعلان ده كان بيديني إيحاء بإن في حاجة خطيرة جدا هاتحصل في مصر و انها داخلة على منعطف سياسي و تاريخي هام جدا و اننا خلاص هنحارب.. طبعا ما هو صوت الراجل اللي في الخلفية كان ضخيم فخيم رخيم و يتكلم بمنتهى الحماس و الموسيقى كانت روكي.. يعني نشيد وطني حماسي ملتهب اسمه الهدى مصر :D

**TaoTao** · 21-04-2008 12:40 AM

والسعد وعد يا قدم السعد
في طريق قليوب، ياللا يا حبوب، ومش محتاجة فلوس في جيوب
السعد وعد يا قدم السعد

على درب الهدى مصر :)

**timer** · 21-04-2008 06:10 PM

موضوع جميل جدا جدااااااااااااااا

هقولوكم شوية اعلانات كنت بحبها :
اعلان حلاوة عرفة الجامع بتاع الواد كان عنده حق عرفة الجااااااااااامع اوعي تقوليله لا عرفة الجااااااااامع.

اعلان لومبو مصاصة بتاع لومبو مصاصة لومبو لذيذة لذاذة لومبو لومبوووووووووو اوووووووووووو .

اعلان ترشيد المياه بتاع ست ثنية سايبة المياه نازلة ترخ ترخ من الحنفية .

اعلان بسكوت كتاكيتو بني.

اعلان فليت اللي بينتشر و يتوغل و يقتل .

اعلان شيكولاتة كادبوري كانت الموسيقى بتاعته جميله اوووووووووي

**TaoTao** · 16-05-2008 12:48 AM

كنت بابحث في المنتدى عن موضوع راح طلعلي في أول نتيجة بحث موضوع الإعلانات ده (مع إني ماكنتش بادور عليه) .. بس ماقدرتش امسك نفسي لأن فيه إعلان عمال يرن في ودني بقاله كام يوم :
"أجمل لحظة في عمري باعيشها مع القط الاسود .. إفرريدي"

كلام لا له وزن ولا قافية بس متلحن والاغنية بتاعته باحبها :)

**mmolazem** · 16-05-2008 02:18 AM

ولو انى جيت متأخر ......
بجد موضوع شيق من زمن ( كنا فاكرين ان بكره احلى من النهاره)
دى بعض مقتطفات وعناوين ...... والأخوه المؤرخين مشكورين ممكن يساعدوا معانا .... ( زقه صغيره وهاتدور علطول ).

- سجاد كاااااشان كااشان سوبر شوف الوااابر شوف العووووقد شوف الشاارااشيييب.
- فروج فقيه المشوى
- دى واحده فاتحه راديو والتانيه تدق هوون ( والسقف يشرخ زى سرطان الازاز)
- من قيويرى الشمعدان ياحالاوته ..... ( بلهجه بورسعيدى ) وبورساعاد لوه فيها مطرح.
- فيرى ناعم على يديك وانت تغسلين الصحون
- ناسيت وبس
- اطلع يا لورد .... انزل يا لورد