الموضوع: مين فاكر إعلانات زمان؟

المشاركة الأصلية كتبت بواسطة TaoTao

اسمحولي أضيف ع الأغنية:
مشهد أول: فصل في مدرسة والمدرسة تتهجى حروف "بلهارسيا"

ب لام هيه و ألف ريه..

يردد خلفها التلاميذ

ب لام هيه و ألف ريه..

تكمل الأستاذة:
سين ويِه وألف أهِه .. سين ويٍه

يكمل الأطفال: وألف أهه

تتساءل الأستاذة:
تبقى ايه تبقى ايه تبقى ايييييييييييه؟

يرد الأطفال:
بلهارسيا.. بلهارسيا (مع صورة لدودة البلهارسيا)

تتساءل الأستاذة:
يعني ايه يعني ايه يعني اييييييييه؟

يرد الأطفال:
دودة قوية.. دودة قوية
انتقال لمشهد خارجي على الترعة حيث تجلس سيدة متوسطة العمر تغسل

فيسألها الأطفال باستنكار:
و انتي يا ست يا قاعدة و ناسية.. ناسية ان الدودة هنا راسية

تسأل السيدة في توتر واضح ناظرةً للكاميرا:
دوده ايه؟

يجيبها الأطفال:
دودة موجودة تحتيكي في المية
دودة موجودة و النية أسية

ترد السيدة التي تم "خضها"
ياختي اسم الله.. اسم الله علية

وهنا يأني النجم محمد رضا ليلقي موعظته:
غسيل نزول هنا ممنوع.. ده الدود بيشغي في المنقوع
مرض و عايم عشان يصيب.. اللي يهوب مالوش حبيب
الست العاقلة الراسية.. ما يجيلها بلهارسيا

تقول السيدة في رعب واضح
بلهارسيي؟ و العياذ بالله

يسأل شاب أسمر رفيع:
[FONT=Microsoft Sans Serif]طب والحل؟[/FONT

يرد محمد رضا:
في الوحدة علاجك ولا تحتاس ..
من قرص واحد لأربع تقراص (*أربعة أقراص وهي الحد الأقصى للجرعة)
حسب الحالة .. بميزان حساس
انفد بجلدك ده العلاج ببلاش

.... جزء مش فاكره في الإعلان .....
طول ماندي ضهرنا للترعة .. عمر البلهالاسيا في جتتنا ماترعى

افتكرت الجزء الناقص:
في الوحدة علاجك ولا تحتاس ..
من قرص واحد لأربع تقراص (*أربعة أقراص وهي الحد الأقصى للجرعة)
حسب الحالة .. بميزان حساس
انفد بجلدك ده العلاج ببلاش
ولا عمرك تشكي وجيعتك للناس
هي كلمة (بيشخط في الحتة دي)
طول ماندي ضهرنا للترعة .. عمر البلهارسيا في جتتنا ماترعى
بالمناسبة الإعلان ده من الإعلانات القليلة اللي ماكانش فيها الفنان عبد السلام محمد، أعتقد أنه كان قد توفى، رحم الله الجميع

المشاركة الأصلية كتبت بواسطة hazem_khidr

و اعلانات لبان بم بم
بم بم بيقدم جوايز بيقدم جويز:)
......................
اعلان هولز اللي كان كل ما ياكل واحده شعره و كرفتته تطير.
............................
اعلانات جولد ستار
يا شاشه الهنا بريموت كونترول
يا جولد ستار صوره مش معقول
و الجوده مش معناها غلويا جولد ستار بريموت كونترووول:)
جولد ستار ليه تدفع اكتر لما ممكن تدفع اقل .
........................
اعلان شركه النصر لصناعه السيارات عن الشاهين
و كانو بيقولو الاختين الحلوين دوجان و شاهين.
..............................
منديل للبيت من كارمن
فوط السفره من كارمن
كله جاي من كارمن :)
..........................

إعلان كارمن ده افتكرته من كام يوم ع المنتدى واللي فكرني بيه واحد كان بيسأل عن مصنع يبيع كراتين للبيض، افتكرت على طول الإعلان ودليته عليه :)

إعلان ريري بقى للي عاوزه (هاقوله من غير وصف تفصيلي لأنه طويل وينفع أوبريت)

الصلا ع الزين الصلا ع الزين
يا ورد مفتح ع الخدين
جبتي الجمال ده يا حلوة منين؟
البركة في ريري يا ضي العين البركة في ريييري ريري

اجري بسرعة يا واد يا حسين
تقب وتغطس في دقيقتين
شوفلنا ريري بيتباع فين
هات لنا منه باكو واتنين
هات لما منه باكو واتنين

أنا جيت أهني بشكل جديد
ومعايا فيتامين كله حديد
من رضعة واحدة ابتك هايزيد
غير مشيه بدري ده بالتأكيد
غير مشيه بدري ده بالتأكييييييييييد

ريري جه هل هلاله
والكل هيصله وقالوا
جانا ريري جانا
صقفوا وقولوا معانا
(فاصل موسيقي وعلبة ريري ترقص عليه)

يا مشبعنا ومغذينا ومكبرنا ومقوينا (الإعلان اللي بيقول كدة عشان اللي هايعترض)
جانا ريري جانا
البركة في ريييييرييييييي
هاتلنا ريري هاتلنا ريري
هاتلنا منه باكو واتنين

الصلا ع الزين الصلا ع الزين

أي خدمة :)

المشاركة الأصلية كتبت بواسطة TaoTao

إعلان ريري بقى للي عاوزه (هاقوله من غير وصف تفصيلي لأنه طويل وينفع أوبريت)

الصلا ع الزين الصلا ع الزين
يا ورد مفتح ع الخدين
جبتي الجمال ده يا حلوة منين؟
البركة في ريري يا ضي العين البركة في ريييري ريري

اجري بسرعة يا واد يا حسين
تقب وتغطس في دقيقتين
شوفلنا ريري بيتباع فين
هات لنا منه باكو واتنين
هات لما منه باكو واتنين

أنا جيت أهني بشكل جديد
ومعايا فيتامين كله حديد
من رضعة واحدة ابتك هايزيد
غير مشيه بدري ده بالتأكيد
غير مشيه بدري ده بالتأكييييييييييد

ريري جه هل هلاله
والكل هيصله وقالوا
جانا ريري جانا
صقفوا وقولوا معانا
(فاصل موسيقي وعلبة ريري ترقص عليه)

يا مشبعنا ومغذينا ومكبرنا ومقوينا (الإعلان اللي بيقول كدة عشان اللي هايعترض)
جانا ريري جانا
البركة في ريييييرييييييي
هاتلنا ريري هاتلنا ريري
هاتلنا منه باكو واتنين

الصلا ع الزين الصلا ع الزين

أي خدمة :)

ده انت مرجع

ما شاء الله لا قوة الا بالله :)

المشاركة الأصلية كتبت بواسطة hanyfarrag

فى كمان إعلان شاى البراد الأزرق
الدنيا تملى حلوة معاك تقريبا
يا ريت علا تفتكره :)

مزاجي عال العال

المشاركة الأصلية كتبت بواسطة DODY

فاكرين انا اجدع صرصار ............طالع واكل منشار

انا و ديكسان.. لا يمكن نجتمع ابدا في مكان.

المشاركة الأصلية كتبت بواسطة abdelaziz-waleed

ولا عجن ورص وشغل صاجات ونتيجة حسب الحظ
دا كحك وغريبة بسكو مصر

مش

قاكر

ايه ده 48 مشاركة في 4 ساعات يعني 12 مشاركة في الساعة رقم منتدياوي جديد يا علا احنا مش بنحسد احنا بنق

انت المفروض تحسد المنتدى عشان فيه الناس المتفاعلة بالشكل الجميل ده :)

المشاركة الأصلية كتبت بواسطة ahmed_3omda

ألفنان الجمـيل عبد السلام محمد ومحمد رضا :)


واسمحولي بقا أشترك معاكم بكام اعلان :)



1- أعلان شامبو لاكتويل :D
الاعلان بتاع البنت الىنازله على طياره و شعرها بيهفهف و تقول

Lactuel I Like Itttttttttttttttttttttt



2- أعلان حنه حنه الشعر خمس خمسات :D
و شعورك ضاءت كالأنوار حنه حنه الشعر خمس خمسات.


3- أعلان جيلي كولا جيلي كولا
أكلت منها حسيت كأني
حته منها و هي حته مني
جيلي كولا رسمت ازازة :D


4- أعلان سمنه النخلتين :D
البنت اللى زى القمر جوزى يا دكتور سابلى البيت ومشى
الدكتور النفسانى اللى كان قمرين بقا
سمنك فى الاكل كتير
لاء
ولا قليل برضه
لاء
سمنك النخلتين
لاء
قومى جربى النخلتين
حبك يرجع فى اكلتين :D


5- أعلان شيكولاته جيرسي :D
بستك بستك بستك ناااااااااااااو
شيكولاته جيرسي واكله الجااااااااااااااو :D

6-ألاعلان القنبله وكل مأفتكرو اضحك أعلان لبان هارتي :)مامتش و خالتش و طانطشي حريفة ليبااان قولتشلهم على هارشى قالولي يا سلاااام :D


الله يرحم ايام زمان :(

عالم رايقـه بتعمل الحاجه بحساب وببساطه شديده وبيطلع في الاخر دمها خفيف ..

آه و الله عندك حق.. بأقل التكاليف و أبسط الأفكار كانت بتطلع أحلى الأعمال و بتدخل القلب على طول.

بمناسبة اعلانات اللبان كان فيه اعلان لشرين رضا بتحكي فيه حكايتها هي و بابلو و اللبان.. و في الآخر بتقول: و حبني بابلو و اتجوزنا على طول و خلفنا عيال كتشيييييييييير كتشير كتشير...
انما عشان بأه حملة تحديد النسل اللي كانت ماشية ايامها، غيروا الإعلان و خلوه بيقول و حبني بابلو و اتجوزنا على طول و كلنا لبان كتشيييييييييير كتشير كتشير...

و بهذه المناسبة تحضرني الحكاية الشهيرة عن الولد اللي راح قال لابوه علمني الغلاسة يا والدي.. قال له تعالى في الهايفة و اتصدر :D