حد يساعدنى من فضلكم وضرورى

**hardman20060** · 01-08-2010 04:53 PM

لو العربيه حاله شاذه زي ما انت بتقول لو 38 تبقي تمام لان سعر الحاله الحلوه العاديه بتاعتها في حدود 30-32 وموضوع الحساسات والكلام ده لو العربيه ماشيه 68 الف بس يبقي متشيلش همه خالص العربيه تعتبر لسه بحالتها.

**ameros** · 01-08-2010 05:08 PM

انا اتباعت واحده بتاعت اخت زميل ليه ب ٤١ كحلي وعامله ١٢٠٠٠٠ موديل ٩٩ بس وارد الخارج معايه اختها ولو فكرت فالبيع مش هبيع اقل من ٤٥ لانها بصراحه ممتازه وبعدين عربيه مش اساسيه عندي واستخدامها قليل

**tananybasha** · 02-08-2010 12:40 AM

و ده كلام تمام
اللى يمسك سعر عربيته تجيبله سعر اللى هو عايزه

**Adham** · 02-08-2010 09:10 AM

طالما عاجباك قوي كدة و شايف حالتها نادرة توكل على الله

و لو الموتور ضايقك و اتخنق مع تشغيل التكييف (ودة عادي في اي عربية اقل من 2000 سي سي) يا تبطل التكييف لما تقرص و تشد يا تمشي هادي لو انت حران قوي في زحمه وسط البلد

و يوم ماتغلب قوي بيعه و اشتري واحد 1600 استيراد بتاع استرا او الكورسا الجديد

**arakysolom** · 02-08-2010 09:58 AM

السلام عليكم
ابتعد عن الكورسا 1000 سي سي بها مشاكل حساس هوا و بيتغير بشكل مستمر و هو بحوالي 3000 جنية مع واحد صحبي و بيعيط منها الكورسا الحلوة فعلا 1200 سي سي بس مشكلتها مفيهاش تكييف

**Adham** · 02-08-2010 10:07 AM

المشاركة الأصلية كتبت بواسطة arakysolom

السلام عليكم
ابتعد عن الكورسا 1000 سي سي بها مشاكل حساس هوا و بيتغير بشكل مستمر و هو بحوالي 3000 جنية مع واحد صحبي و بيعيط منها الكورسا الحلوة فعلا 1200 سي سي بس مشكلتها مفيهاش تكييف

حساس هوا ب 3000 جنية !!! ليييييية دة لو حساس هوا bmw موديل 2006 مايبقاش بنص السعر دة, اتأكد من معلومتك لو سمحت

دة الموتور كلة استيراد ما يجيبش 3000 جنية !!!

**ameros** · 02-08-2010 10:31 AM

الحساس الي انت بتتكلم عنه اسمه mas air flow sensor ودا سعره فالتوكيل ب ٢٠٠٠ برا التوكيل ب ١٢٠٠ ومفيش حاجه اسمها بيتغير بشكل مستمر اكيد صحبك عنده حاجه غلط

**ameros** · 02-08-2010 10:32 AM

يا جماعه يا ريت لما ندي معلومه يا نقولها صح يا بالش منها

**Adham** · 02-08-2010 10:59 AM

المشاركة الأصلية كتبت بواسطة ameros

يا جماعه يا ريت لما ندي معلومه يا نقولها صح يا بلاش منها

+1111111111

الحساسات دي كمان ممكن استيراد و مش حايعدي ال 300 جنية مثلاً

و اللي يبوظ الحساس دة فتاوي الميكانيكية لو مثلا حاول ينضفة ب دبليو دي 40 (او اي سبراي بة ماده زيتية) او حط جواة مفك او اي شيء للتنضيف, لان الحساس دة عبارة عن شعرتين بيتم قياس كمية الهواء عن طريق انتقال الشحنة من احداهما للاخرى (يعني زي المكثف كدة) فسهل ان شعرة تتقطع لو حد بيحاول يفتي و ينضفة من جوة بحاجة

سؤال للاخ اللي بيقول صاحبة بيغيرة كل شوية:

صاحبك غيرة كام مرة ؟؟