الموضوع: المارشدير بيعششق بصعوبة

المشاركة الأصلية كتبت بواسطة محمد الشامي

لما بيعشق بصعوبه حضرتك جربت تشيل رجلك من على الدبرياج وتدوس تاني وتجرب ؟؟؟؟؟؟

ايوة بالضبط بدوس دبرياج متين كدة و بعدين تيجى ... بس بحس ان التروس بتدخل فى بعض بصعوبه عن الأول و ممكن تخبط فى بعض كام مرة لغايه ما تعششق

المشاركة الأصلية كتبت بواسطة محمد الشامي

والله اتوقع ان المشكله في طقم الدبرياج !!

طيب هو طقم الدبرياج عندك عامل كام الف بالتقريب ؟؟؟؟ او حالته العامه ايه ؟؟؟؟

انا بيحصل عندي نفس الحوار بس على خفيف , وكل اللي بعمله بشيل رجلي من على الدبرياج مره وادوس تاني واعشق المارشيدير عادي

بس هو عامه مارشيدير اللانوس حساس , واعتقد اي خلل في الدبرياج بيأثر على النقله دي تحديداً

حضرتك بردو استنى باقى الاراء لكي تكتمل الفكره بإذن الله

عندك حق فعلا هى شكلها دبرياج كدة .. انا شارى العربية من بيه و عامله معايا 30 الف بعد 80 الف اللى شاريهم بيها ممكن يكون تعب فعلا
الف شكر ليك يا محمد بيه

المشاركة الأصلية كتبت بواسطة محمد الشامي

انا تحت امر حضرتك

بس بردو هقول لحضرتك حاجه

من علامات تلف طقم الدبرياج هو :-
1- ضعف في تجميع السرعات
2- شبه رجه مع بدايه الطلوع
3- الاحساس بإن صوت الموتور عالى مقارنه بالسرعه اللي عليها العربيه

وكان في اختبار لمعرفه حاله اسطوانه الدبرياج وهو على ما اتذكر :-

1- خلي العربيه واقفه تماما - يعني وضع الثبات
2- شد فرامل اليد على الاخر
3- عشق الغيار الرابع
4- ابدأ اطلع بالعربيه عادي , كانك مش رافع فرامل اليد وكانك معشق الغيار الاول

احتمالات التجربه
1- لو العربيه بطلت فورا :- يبقه اسطوانه الدبرياج سليمه ومفهاش اي مشكله
2- لو العربيه رجرجرت شويه وبعدها بطلت :- يبقه كده غيير طقم الدبرياج كله احسن لان الاسطوانه متهالكه

يارب اكون افدتك

اكيد افدتنى يا باشا و الله ... انا هجرب اللى حضرتك قولت عليه و جزاك الله كل خير