128 بتدور بصعوبة جدا

**hussein123** · 10-11-2011 08:57 AM

يا جماعة العربية كل اما اجى ادورها الماتور بيلف وكل اما يجى ينطق اديها سنة بنزين عشان العربية تقوم مفيش فايدة بردو وكمان الكربارتير بيعمل فرقعة...اقعد احاول معاها مرة تدور بعد معاناة ومرة البطارية تنام منى فى الاخر من كتر المحاولة...مع العلم ان البطارية تمام...ياترى دا كهرباء ماتور ولا كربارتير ولا ايه بالظبط ؟؟؟

**saadelden** · 10-11-2011 11:26 AM

لو البوجيهات شغاله بقالها كتير غيرها و جرب
و لو الكهربا مش مظبوطه بردو هاتدور بصعوبه
لو مسمار الهوا مفتوح بزياده بردو هاتدور بصعوبه

جرب و انت بتدور تدوس بنزين لحد اخر الدواسه لمدة 3 ثواني و تشيل رجلك و ترجع تدوس تاني و تشيل رجلك و انت بتدور
لو مانفعتش يبقى اكشف ع الحاجات الي كتبتها فوق

و في الشتا عموما العربيه بتحتاج وقت شويه علي ما تدور و لو سيبتها من غير ما تسخنها هتلاقيها بتبطل و تنتش

**mohamed_rhem** · 10-11-2011 11:55 AM

بص

غير بوجيهات بنوع كويس انا ارشحلك ngk ياباني ب 25 جنيه

غير ابلاتين وكوندنسر وفلتر هواء وفلتر بنزين الكلام ده كله اخره 50 جنيه

الفرقعه كده ممكن تكون التقسيمة مش مظبوطه او الاسبراتير كهربته مقدمه

لو سير الكاتينه معاده قرب غيره هو كمان وخلي الميكانيكي يراجعلك علي الاسبراتير