أيه أكتر برنـــامج على الـتيـليـفزيون بيــــــــحرق دمـــــــــــــــك ؟؟؟؟؟؟؟

**dr.ayman** · 08-03-2008 12:22 AM

طبعا الموضوع حلو اوى ولكن فكرنى ببرامج تجيب الضغط و الشلل
و خصوصا برنامج هاله شو و هاله و الناس ولا السينما
بحس انها عامله قاعده فى بيتها و جايبه كاميرا و ناس يصوروا و خلاص و مفيش اى حد بيوقفهم
و تحسسك انها جايبه علماء فى الدنيا و الدين
و طبعا مش محتاج اكلم عن تاريخ وحياه كل واحده من اللى كانوا بيجوا معاها
و فى البرامج بتاعت العربيات
لا يمكن و مستحيل و تاسع المستحيلات ان تجيب برنامج اسوء و لا اردأ و لا يجيب الشلل الكلى اللى جالى لما شوفته زى برنامج Vroom Vroom
اه قلبى انا مش مستحمل اكلم عنه حتى
ارحمنا يا رب

**meza** · 08-03-2008 01:06 AM

المشاركة الأصلية كتبت بواسطة eng / AhmeD

بس اكتر برنامج بحبه و بعشق مذيعه
((حبة عسيلي)) علي o tv

+100000000
برنامج رهييييييب .. مناسب قوى للشباب

و فى كام برنامج برضه على otv حلوين قوى بصراحة ... زى كونكت و اللى يعيش يا ما يشوف و مساءك سكر زيادة >> بموت فى فقرة الأكل .. جايبين فيها شيف تحفة ..... :)

**casperinoo** · 08-03-2008 01:52 AM

اكتر حاجه بتنقطني المذيعه بتاعت برنامج صبايا..ديه ملهاش في حاجه خالص...
وبرنامج الطب البديل.. الراجل ده بيحور قوي ولا فاهم حاجه في اي حاجه
برنامج ست الستات بتاع هاله شوووز... الله يخرب بيوتهم
وبرنامج سيد كابوس بتاع تفسير الاحلام

واعلانات الضيعه زي بتاعت علاج السكر ..جايبين واد من الشارع بيقول
انا من ساعات لما خدت sugarومبقاش نفسي في اي حاجه....
.مش عارف سد نفسه ولا ايه !!!

كان فيه اعلان زمان بيجي بموت علي نفسي من الضحك لما بشوفه...
جايبين مكنة فشار علي شكل كلب... وكان عملين عرض خاص لفتره محدوده.
.اشتري الماكنه واحصل علي كيس دره هديه :)...يلا اتصل بسرعه .

**fahd_628** · 08-03-2008 01:57 AM

انا اكتر مزيعة بتجبلى حساسية و شلل و كل الأمراض المزيعة انجى الى فى دريم ياااااااااااااااااااااااا اااااااااااااااة دية بتنقطنى خالص خالص خالص خالص خالص بكون عاوز اقلب القناة بس بحب اتفرج علشان اتعصب :)

**ahmed ismail** · 08-03-2008 05:31 AM

فى برامج صراحة لا تستحق المشاهدة من الاساس حتى تستفزنى فالبعد عنها غنيمة ولكن اكثر برنامج يثير شفقتى على مقدمية هو برنامج حالة حوار على القناة الثانية

**eng / AhmeD** · 08-03-2008 12:00 PM

برنامج رهييييييب .. مناسب قوى للشباب

و فى كام برنامج برضه على otv حلوين قوى بصراحة ... زى كونكت و اللى يعيش يا ما يشوف و مساءك سكر زيادة >> بموت فى فقرة الأكل .. جايبين فيها شيف تحفة ..... :)

+1
فعلا يا ميزا
وواحشني يا راجل
مبتفتحش ايميلك ليه؟
--------------------------------
في برنامج اسمه ((حيلهم بينهم)) علي ابو ظبي المذيع بتاعه ارخم مذيع علي وجه الكرة الأرضية
ربنا يكون في عون الضيوف اللي في البرنامج

**eng / AhmeD** · 08-03-2008 12:03 PM

وبرنامج سيد كابوس بتاع تفسير الاحلام

هههههههههههههههههههههههه
حلوة سيد كابوس دي

**meza** · 08-03-2008 07:13 PM

المشاركة الأصلية كتبت بواسطة eng / AhmeD

+1
فعلا يا ميزا
وواحشني يا راجل
مبتفتحش ايميلك ليه؟

و إنت أكتر صدقنى

إيميل إيه يا راجل يا طيب ؟!!
ده أنا بلاقى وقت بالعافية أقعد على نايل موتورز ...... و كمان مزنوقين قوى فى إمتحانات العملى اليومين دول
فمفيش وقت خالص أفتح المسنجر.... معلش بقى فى الأجازة إن شاء الله :D

**DONYO** · 09-03-2008 09:03 AM

برضة في برنامج على قناة فضائية على النايل سات بطلة مذيع تخين دمة تقيل كل دورة في الحياة والبرنامج انه يسافر دول العالم وينزل في افخم فنادق -على حساب البرنامج - وياكل في افخم المطاعم ويقعد يوصفلنا ...والله الخدمة في الفندق دة هايلة .... والله المطعم كويس بس ناقصة شوية تظبيط ... حتى هدومة بيوديها الدراي كلين بتاع الفندق ويوصفلنا جودة نظافة الفندق وكلة على حساب البرنامج بالذمة مش حاجة تفور الدم

**Moh.Fahmy** · 09-03-2008 09:38 AM

الحقيقة بالرغم من تحفظي الشديد علي قناة الجزيرة و برامجها الا اني احب اتابع الاخبار عليها و ايضا برنامج هيكل اكثر من رائع خلاف ذلك بقية برامجها مأجورة و موجهة

من المذيعين الغلسين اوي و رخمين جدا و مش عارف ده بقي مذيع ازاي............ بندق و شهرته خالد الغندور و الله مش عشان انا اهلاوي فمش بحبه بدليل اني بحترم و بقدر اي زملكاوي محترم زي طه بصري و حسن شحاتة و فاروق جعفر انما خالد الغندور جواه كمية كره للاهلي و لكل ما هو اهلي بشكل مستفز جدا يعني لازم يدخل الاهلي في اي جملة مفيدة و مبيقدرش يخبي مشاعره ابدا يعني مثلا شوبير مبيحبش الزمالك انما متقدرش تلاحظ ده انا مش عارف سايبينه ليه و معندوش اي فكرة عن برتوكول عمل المذيع بالرغم من انه خريج اعلام يعني تلاقيه يقاطع ضيوفه بشكل مستفز و بيتكشف قوي لما بيقعد مع محمد شبانة او مصطفي عبده
بصراحة مصطفي عبده بيعجبني جدا اسلوبه محايد جدا و محترم قوي و مالوش حسابات مع حد زي شوبير
مني الشاذلي بقي اللي بحس ان البرنامج كبير عليها قوي و لازم يشوفولها حد يساعد معاها لانها بتتلخبط كتيير و تحس انها دايما ملخومة
القاهرة اليوم احيانا بيعجبني و احيانا بحس ان عمرو اديب هايف جدا يعني مثلا ممكن يكون فيه احداث كتير قوي و هو جايب نجوم فيلم طباخ الريس انما احيانا بتكون حلقاته ساخنة جدا
الظاهرة الصعبة قوي و ملاحظها زي ما حضراتكم ملاحظينها هي موضة القنوات الرياضية ابناء الحاج سبورت يعني مودرن سبورت و دريم سبورت و الحياة برضه سبورت و انتشار القنوات دي بالشكل ده حيعمل ربكة و يعمل بلبلة و احنا مش ناقصين يعني لو اي مشكلة تافهة حيضخموها و تبقي مصيبة كبيرة و اهه كله علي دماغنا

محمد فهمي