أيه أكتر برنـــامج على الـتيـليـفزيون بيــــــــحرق دمـــــــــــــــك ؟؟؟؟؟؟؟

**Meedo** · 02-03-2008 05:34 PM

عم يتسائلون للمذيع الغريب جدا أحمد عبدون الذى يحاول فرض ارائه الشخصيه الغير سويه على العلماء ولكنى أعتب على المشايخ الذين يقبلون الظهور مع هذا الشخص الغريب

**Noha.M** · 02-03-2008 05:56 PM

انا عمرى ما اقتنعت باحمد عبدون دة كمذيع برامج دينية !!!! يكفي انه معندوش مصداقية و محدش مصدقه و دةغير كمان الهاتف الاسلامى اللى عامله

اموت و اعرف مين اللى ممكن يكلم احمد عبدون يطلب منه النصيحة او معلومة دينية

**Karim_Monir** · 02-03-2008 11:53 PM

احمد عبدون !!!!!!!!!!!!!!
فاكرين الحلقة اللي كان جايب فيها الحاجة عبلة الكحلاوي تقريبا وواحد اتصل وقالة انت انسان سمج وتلم وغلس وهيا مقدرتش تمسك نفسها من الضحك
وهو وشه احمر واخضر
انا كنت بسمعة بالصدفة عشان مراتي كانت بتحب تسمع عبلة الكحلاوي
وكنت بسمعة لما كان بيجيب الشيخ محمد هدايت الله يباركلة وببقي هاين عليا اطفي التليفزون بس بحب محمد هدايت
وبقيت افرح قوي لما الشيخ هدايت بقي يطلع مع علاء بسيوني
تحسه انسان فاهم وواضح وعارف امتي يسكت لما الشيخ يتكلم مش يقاطعة وخلاص عشان يبان بيتكلم
وبعيدن عبدون ده فلاح قوي وكل لبسة وكرافاتاتة تهلك من الضحك ومعندوش ذوق خالص
بقي عبدون بيرد على هاتف اسلامي
خليه يشيل في ذنوب الخلق عشان شوية ملاليم
لو يعرف عظم ذنبه هايتمني يعيش ويموت حافي اشعث اغبر على انه يفتى بغير علم
ده انا اعرف شيوخ يقدروا يألفوا مجلدات من غزارة علمهم ومع ذلك ما بيردوش يدوني فتوة الا لما يسالو زميل واتنين ويتشاورو معاهم

**Noha.M** · 03-03-2008 12:24 AM

عندك حق يا كريم

دة لما ببص بس في وشه والله يا جماعة حاطط كمية powder , foundation على وشه الست نفسها مش بتحطها !!!!!!!!!!!!!!!

لأ و مفتخر اوى بالموضوع دة .. كان ليه حوار في مجلة الاهرام العربي بيقول فيه : انــــا اول مذـيع الشيوخ اللى بيحضروا برنامجه بيوافقوا يعملو ميك اب عشان التصوير ( اللى هو يعني يظبطلهم وشهم بشوية بودرة و كدة !!!!!!!!!!!

اقول ايه طيب !!!

رحــــــــــــــــم الله مشـــــــــــــــــــــــ ـــــــــــــــايخك و علمــــــــــــــــــــــ ــــــــــائك يا مــــــــــــــــــــــــ ــــــصر

**MEDO80** · 03-03-2008 11:06 PM

لا البرنامج بتاع الجدع الي بيقولوا علية رجل اعمال دا الي بيجي في رمضان و بيجيب مطربين و مشاهير من لبنان و بيدفعلهم فلوس علشان يستضيفهوم و يسمحولة انة يعمل فيها مضيف

**Chicco** · 04-03-2008 06:38 AM

و الله انتم ناس زاي العسل فكرتوني بابداعات الريادة الاعلامية

**sab3aawy** · 04-03-2008 03:05 PM

حاولت انى اشارك معاكم فى الموضوع ده وفضلت اعصر كماغى علشان اكتشف اسم البرنامج الغلس الرخم اللى بيحرق دمى ، لكن للأسف..............ملقيتش

عارفين ليه؟

انا نفسى مكنتش عارف ليه لكن بعد ما عصرت دماغى اكتشفت انى مش بتفرج غير على نوعين فقط من المواد التليفزيونية

الافلام الجيدة (والجيدة فقط) سواء كانت عربية او امريكية

وافلام الثنائى الأشهر توم وجيرى اللى بتيجى على قناه الأطفال الإماراتية سبيس تون فى السابعة مساء

احيانا قليلة باتفرج على الأخ وائل الإبراشى او الأخت منى الشاذلى لما يكونوا جابين موضوع يستاهل (آخر حاجة اتفرجت عليها للإبراشى كان موضوع البهائيين، وفى نفس الليلة لقيت منى عاملة برنامج فى نفس الموضوع مع نفس الضيوف) ، لكن لما بدخل البيت الاقى التليفزيون مفتوح على مذيعة دلوعة جايبة راقصة وتسالها عن نوع بنس الشعر المفضلة لديها، او الاقى برنامج من برامج التلصص المقنن بتاعة الرياليتى تى فى او الاقى واحد من نجوم الشخط والزعيق اياهم (يجعل كلامنا خفيف) بقصر وبشترى راحة دماغى واقوم اقرالى كتاب او افتح الإنترنت ادور على مقال جديد لأحمد خالد توفيق او مقال قديم للمرحوم محمد عفيفى

لذلك اعذرونى انا مش قادر اشارك باسم حاجة بتحرق الدم لأنى دمى اغلى عندى من انى احرقه فى حاجة هايفة|، كفاية علينا الزحمة والغلاء والبارشوتات

**Karim_Monir** · 04-03-2008 03:23 PM

المشاركة الأصلية كتبت بواسطة onna

عندك حق يا كريم

دة لما ببص بس في وشه والله يا جماعة حاطط كمية powder , foundation على وشه الست نفسها مش بتحطها !!!!!!!!!!!!!!!

لأ و مفتخر اوى بالموضوع دة .. كان ليه حوار في مجلة الاهرام العربي بيقول فيه : انــــا اول مذـيع الشيوخ اللى بيحضروا برنامجه بيوافقوا يعملو ميك اب عشان التصوير ( اللى هو يعني يظبطلهم وشهم بشوية بودرة و كدة !!!!!!!!!!!

اقول ايه طيب !!!

رحــــــــــــــــم الله مشـــــــــــــــــــــــ ـــــــــــــــايخك و علمــــــــــــــــــــــ ــــــــــائك يا مــــــــــــــــــــــــ ــــــصر

بودر وميكاب يا نهار مش فايت
وانا بقول مالوة شكله كدة لا مؤاخذة مش ولا بود
ده حتى مستضيف شيوخ وليهم دقون
يحترم الناس اللي قاعدة دول اللي اقل شعرة في دقن واحد منهم توزن الف من عينته
طب ده يقدر يقعد قدام الشيخ محمد حسن يعقوب مثلا ولا الشيخ ابي اسحاق
ده كان يقولوة قوم اتفز من قدامي هاتلي راجل اكلمه