الموضوع: الحقونى مع ال sir

المشاركة الأصلية كتبت بواسطة M_Nabil

أوكى نبدأ بالحاجات المطلوبة و أسعار تقريبية

1- ماتور SiR بالفتيس مانيوال بالضفيرة بالكنترول بجوز الكبالن سعره 6000 الى 8000 جنية
2- طنابير أمامى 14 أو 15 وخلفى سكاكين ( ديسكات ) سعرها من 1000 الى 1500 جنية
3- طلمبة بنزين 300 جنية
4- لو العربية أوتوماتيك وهتقلب مانيوال هتحتاج عداد مانيوال و عصاية فتيس وطقم بدالات مانيوال

دى الأساسيات ..

ممكن بعد كدة زى ما سمسم باشا قال شكمان وسيرفو حسب الميزانية

طبعاً لو لقيت نص SiR أمامى يبقى أفضل أو قطعية امامى الحوض كامل يعنى عشان اللى هيسقط هيحتاج يعمل تعديل في ضفيرة الطابلوه عشان العربية كاربوريتر وهاتتقلب انجكشن وقصه كدة طويلة بس خد بالك من حاجه أنك مش هتستفيد من الطابلوه ولا علبه الدركسيون لأن في الغالب العربية بتكون دركسيون يمين مش شمال شغل اليابان و شرق أسيا بقى ...

أخيراً اللى يعمل الموضوع ده عندك كذا أختيار, أسمع عن محمد سعيد انه تمام بس ماتعملتش معه بس أسمع أن مصنعيتة زيادة شوية و عندك منير كويس وفي المعقول وفي عادل وجدى تمام برضه وأسعارة حلوة كل الناس دى في الحرفيين المهم تتفق معهم على التسقيط وكل التعديلات اللى هاتتعمل وضبط الضفيرة وكله يعنى تستلم على المفتاح العربية شغالة ومافيهاش اى شغل عشان في ناس تقولك أنا أسقط لك بس على القواعد بمبلغ كذا وبعد كدة تروح للكهربائى يضبط الضفيرة وتدفع هناك ثانى مبلغ وقدرة أنت برضه محتاج لفة تجيب متوسط أسعار الحاجات و بالمرة تسئل عن أسعار المصنعيات أرجوا أن أكون أفدتك بعض الشىء وربنا يوفقكم تحياتى.

+11111111111111111111111

كلام تمام يباشا

بس بالنسبة للشكمان دة لازم لان شكمان الex, el كلهم صغيرين بخلاف الsi , sir اكبر فى الحجم

دة غير انة لازم يجيب حساس الشكمان عشان يظبط معاة كل حاجة