بنزين 80 للنوبيرا عن تجربه 11 الف كيلو باربعه اشهر

السلام عليكم
وتحياتي لكل اعضاء وزوار ومشرفي هذا المنتدي الرائع
دي اول مشاركه مني بالمنتدي مع اني كنت بدخل اشوف المواضيع واتابعها بهتمام جدا والحمدلله اني استفدت كتير جداااا من المنتدي الرائع ده بحكم اني كان عندي فكره عن الميكانيكا بشكل عام كويسه بس كنت اجهل المعرفه بتكنولوجيا السيارات الحديثه لاني امتلك سياره بيجو 504 من تلت سنين اسف عالاطاله وندخل بالموضوع

انا شوفت وقرات كتير هنا بالمنتدي ان من اكبر الاخطاء بحق السياره اننا نستخدم البنزبن ال80 وكنت نويت بالفعل او ما اشتريت العربيه احط 90 او 92 بس لافتها هتكون تكلفتها معاي اكبر من اي مشاكل هتكون جايه من ورا استخدام البنزين ال80 وبالفعل قمت بستخدم بنزين 80 من اول تمونيه لي بعد ما اشتريت السياره باول شهر 4 والحمدلله بقدر اقول عن تجربه ان البنزبن ال80 لايوجد بيه اي مشكال بالسياره وانا جربته بعربيتي نوبيرا 2006 اشترتها من اربع شهور وعامل بيها 11 الف كيلو من يوم ما اشترتها وبتعمل بالصفيحه من 190 الي 200 بالتكيف جوا البلد وحوالي من 230 الي 240 بالطرق الطويله بالتكيف برده من اني اكثر استخداماتي للسياره بشغلي بشكل يومي في حدود ا100 كيلو يعني توفير 10 جنيه باليوم بقالها اربع شهر عامله 11 الف يعني لو حسبه بسيطه من الاخوه اللي بيقولو هتقصف عمر الماتور وانا موافهم بالكلام اذا صحيح العربيه كده عامله 11 الف يعني متوسط استهلاك 110لتر بنزين يعني توفير بحدود الالف جنيه والحمدلله مدام الصيانه بتتعمل بستمرار توكل عالله ومون طيب اللي بقول هقصف عمر المحرك عشان اتاخير الاشتعال بسب نقص الاوكتين من 90 الي 80 انا معاك بس انا علي حسابي ان المشكله دي بتبان لما العربيه بيحصل فيها الارتجاج بالا( التصفبق) وانا حليت المشكله دي معاي بتعليه عدد لفات الماتور شويه عشان تزود عزم اللفات مع طبعا ان طريقه السواقه الطبعيه للسياره بدون اي عنف او شد او حرق او قرص مع العلم اني الطبيعي بتاعي بدون قرص علي الماكنيه ممكن 160 علي ار بي ام 4 وجبت بيها 185 وما حبيت اكمل لاني استحرمت اقرص عليها اكتر انا كاتب الموضوع ده عشان اقول ان راي الزملاء غلط لاسمح الله انا بس حابب اعرف اللي انا بعمله صح ولا غلط واللي استخدم البنزين ال80 وعمل معاه مشكله فابالله عليه يقولنا ايه المشكله اللي حصلت معاه

اتقل يا باشا....

الاسوء من فرق الاوكتين الشوائب اللى بتكون فى بنزين 80

حاضر هتقل بس بعد ما اتقل ايه اللي هيحصل؟؟

استاذي الفاضل اي بنزينه تنكات البنزين بتعتها بتكون مليانه شوائب وانا مع كل غيار زيت كل شهر مره بنضف الفلتر ومره بغيره والطبيعي ان الشوائب موجوده باي نوع من البنزين

+1111111111111111
و عن تجربة معايا بقالة 8 شهور ممتاز جدا جدا

انا عملت كده مع البطة و الحياة جميلة بس من غير حرق غيارات و لا شد و كمان أقصى سرعة أقل من الأول

فين الردود يارجاله ولا ماحد جرب ال80

غريب قوي الحوار ده؟؟؟ هي مش نسبة انضغاط الموتور هي اللي بتحدد نوعية البنزين, ولا في كلام جديد؟؟

واحد صاحبي معاة نوبيرا 2003 واوبترا 2008 وفيرنا 2005 كلهم بيحط فيهم بنزين 80 وما شاء الله كلهم زي الفل ومفيهومش اي مشاكل .
وبصراحة انا بفكر احطة بس مستحرم (خايف ) مع اني شايف صاحبي وكلة تمام .

أقول لحضرتك على تجربة اكبر من تجربتك بكتيييييير
انا مشيت ببنزين 80 خمسين الف كيلوا وكنت بحرق وبجيب ال180 وال 170 طبع بيبقى الي حد ما في السلانسية رخم مع التكييف بس[img3]http://yfrog.com/5h83898853p[/img3]

انا هقول وجهة نظرى
الشخصيه و ممكن نتنقاش بيها للافاده
البنزين 80 فيها
فوائد
كبيره و مهمه
اولا نسبة الحريق الخاص بالبنزين 80 بالبلدى كده مش حميه او الحريق بتاعه جامد
ده بيعمل ان ميكونش حمل حراره زائده على المحرك و ايه بيحافظ على عدم تاكل البساتم و الشميز و الشنابر من جوه
عارف السبب ايه
انو البنزين 80 الوحيد قلى بيعمل نسبة كربون من الداخل على جميع محتويات غرف الحريق فا بكده بيقلل نسبة الاحتكاك بين اجزاء المحرك و بعضها

عيوبه ايه
مينفعش تحرق على غيارات و تسارع على و القصه دى
بيعمل رجرجة فى طالعة العربيه و عاوز يكون سواقتك يكون فيها سينس و هدوء فى النقلات و فى الطالعات و الدوس على دواسة البنزين
نصيحه بقى
انا بعمل كل 10 تفويلات بنزين 80 بجى بفوال بنزين 92 علشان انضف دورة البنزين علشان فيه نسبة الاوكتان اعلى و ينضف غرف الحريق من بواقى الكربون
دى وجهة نظرى

اقتباس:

---

المشاركة الأصلية كتبت بواسطة engahmedsayed

انا هقول وجهة نظرى
الشخصيه و ممكن نتنقاش بيها للافاده
البنزين 80 فيها
فوائد
كبيره و مهمه
اولا نسبة الحريق الخاص بالبنزين 80 بالبلدى كده مش حميه او الحريق بتاعه جامد
ده بيعمل ان ميكونش حمل حراره زائده على المحرك و ايه بيحافظ على عدم تاكل البساتم و الشميز و الشنابر من جوه
عارف السبب ايه
انو البنزين 80 الوحيد قلى بيعمل نسبة كربون من الداخل على جميع محتويات غرف الحريق فا بكده بيقلل نسبة الاحتكاك بين اجزاء المحرك و بعضها

عيوبه ايه
مينفعش تحرق على غيارات و تسارع على و القصه دى
بيعمل رجرجة فى طالعة العربيه و عاوز يكون سواقتك يكون فيها سينس و هدوء فى النقلات و فى الطالعات و الدوس على دواسة البنزين
نصيحه بقى
انا بعمل كل 10 تفويلات بنزين 80 بجى بفوال بنزين 92 علشان انضف دورة البنزين علشان فيه نسبة الاوكتان اعلى و ينضف غرف الحريق من بواقى الكربون
دى وجهة نظرى

---

مجرد استفسار بهدف الاستفاده ....
افهم من كلام حضرتك ان بنزين 95 مثلا بيبوظ المحرك واجزاءه الداخليه ؟؟؟؟
وافهم من حضرتك ان في اختلاف في درجه حراره الحريق بين البنزين 80 , وباقي الانواع الموجود ؟؟؟

والله انا معاكم ومش معترض علي حد بس للاسف انا متاكد ان مع استخدامكم المتكرر للبنزين 80 هياثر علي الكهرباء للعربية وكمان الرشاشات وده في حد ذاته تكلفة كبيرة لان طقم الرشاشات لوحده في الدايو 700 جنية جديد ومهما تقول هنظف وهروق فيهم ما انت من الاول كنت عملت كده يبقي الفرق متشتري بيه راحة بالك ده رأي وانا شايف كمان ان اي واحد بيحط 80 بيقف طابور ولا طابور العيش يعني انتظار وكمان تلف في السياراة وعموما ربنا يسترها عليكم وعلينا

اقتباس:

---

المشاركة الأصلية كتبت بواسطة engahmedsayed

انا هقول وجهة نظرى
الشخصيه و ممكن نتنقاش بيها للافاده
البنزين 80 فيها
فوائد
كبيره و مهمه
اولا نسبة الحريق الخاص بالبنزين 80 بالبلدى كده مش حميه او الحريق بتاعه جامد
ده بيعمل ان ميكونش حمل حراره زائده على المحرك و ايه بيحافظ على عدم تاكل البساتم و الشميز و الشنابر من جوه
عارف السبب ايه
انو البنزين 80 الوحيد قلى بيعمل نسبة كربون من الداخل على جميع محتويات غرف الحريق فا بكده بيقلل نسبة الاحتكاك بين اجزاء المحرك و بعضها

عيوبه ايه
مينفعش تحرق على غيارات و تسارع على و القصه دى
بيعمل رجرجة فى طالعة العربيه و عاوز يكون سواقتك يكون فيها سينس و هدوء فى النقلات و فى الطالعات و الدوس على دواسة البنزين
نصيحه بقى
انا بعمل كل 10 تفويلات بنزين 80 بجى بفوال بنزين 92 علشان انضف دورة البنزين علشان فيه نسبة الاوكتان اعلى و ينضف غرف الحريق من بواقى الكربون
دى وجهة نظرى

---

مع احترامي لحضرتك
بنزين 80 بحرق على الغيارات لحد 6.5 ار بي ام
وبجيب على الاول لحد 62 و التاني 120
و التالت 160
و جبت من 0 ل 100 كلم/ساعه في 11 ثانيه
ومابعملش رجه في الطالعه
و بجيب الدواسه في الارض

اقتباس:

---

المشاركة الأصلية كتبت بواسطة mohamedrabia

والله انا معاكم ومش معترض علي حد بس للاسف انا متاكد ان مع استخدامكم المتكرر للبنزين 80 هياثر علي الكهرباء للعربية وكمان الرشاشات وده في حد ذاته تكلفة كبيرة لان طقم الرشاشات لوحده في الدايو 700 جنية جديد ومهما تقول هنظف وهروق فيهم ما انت من الاول كنت عملت كده يبقي الفرق متشتري بيه راحة بالك ده رأي وانا شايف كمان ان اي واحد بيحط 80 بيقف طابور ولا طابور العيش يعني انتظار وكمان تلف في السياراة وعموما ربنا يسترها عليكم وعلينا

---

البنزين مالوش علاقة بكهربه العربيه و بعدين النوبيرا فيها Knock Sensor
و طقم الرشاشات محدش بيجيب الرشاشات اللى انت بتقول عليها دي كله بيغير لرشاشات البي ام اللي ب 200 جنيه و احسن من الروتشستر الاصلي بتاعت العربيه

اقتباس:

---

المشاركة الأصلية كتبت بواسطة محمد الشامي

مجرد استفسار بهدف الاستفاده ....
افهم من كلام حضرتك ان بنزين 95 مثلا بيبوظ المحرك واجزاءه الداخليه ؟؟؟؟
وافهم من حضرتك ان في اختلاف في درجه حراره الحريق بين البنزين 80 , وباقي الانواع الموجود ؟؟؟

---

اكيد درجة حرارة الحريق بتاع كل البنزين واحده
لكن اللي بيختلف درجة حرارة الاشعال الذاتي لكل نوع من انواع البنزين
فمثلا البنزين 80 بيشتعل عند درجة حرارة 350
و البنزين 92 بيشتعل عند درجة حرارة 410

اقتباس:

---

المشاركة الأصلية كتبت بواسطة yahiahelaly

أقول لحضرتك على تجربة اكبر من تجربتك بكتيييييير
انا مشيت ببنزين 80 خمسين الف كيلوا وكنت بحرق وبجيب ال180 وال 170 طبع بيبقى الي حد ما في السلانسية رخم مع التكييف بس[img3]http://yfrog.com/5h83898853p[/img3]

---

جرب تظبط فيشه الاوكتان هاتلاقي التكييف ظبط معاك

اقتباس:

---

البنزين مالوش علاقة بكهربه العربيه و بعدين النوبيرا فيها knock sensor
و طقم الرشاشات محدش بيجيب الرشاشات اللى انت بتقول عليها دي كله بيغير لرشاشات البي ام اللي ب 200 جنيه و احسن من الروتشستر الاصلي بتاعت العربيه

---

انا كان معايا دايو واشتريت الطقم بتاعها وكان 700 جنية تجربة شخصية

اقتباس:

---

المشاركة الأصلية كتبت بواسطة mohamedrabia

انا كان معايا دايو واشتريت الطقم بتاعها وكان 700 جنية تجربة شخصية

---

هو حضرتك مش معاك دايو حاليا ؟؟؟؟؟؟؟؟

طيب جميل كل الكلام ده انا محتاج بقا حد يقولي المشاكل اللي حصلت معاه بالعربيه بسبب استخدام البنزين ال80 بس يكون السبب فعلان البنزين ال80 مش المكانيكي حب يقنعه بشي ويفهمه انه فاهم قاله ده بسبب البنزين

[
البنزين مالوش علاقة بكهربه العربيه و بعدين النوبيرا فيها Knock Sensor
و طقم الرشاشات محدش بيجيب الرشاشات اللى انت بتقول عليها دي كله بيغير لرشاشات البي ام اللي ب 200 جنيه و احسن من الروتشستر الاصلي بتاعت العربيه


ممكن اعرف من حضرتم السينسور ده بتاع ايه وايه وظفته Knock Sensor

انا معايا شاهين ومن ساعة ما البنزين غلي وانا بحطلها 80 زي الفل

لما تحسب فرق سعر ال 80 وال 90 هتلا قى الهتصرفة على طرمبة البنزين والرشاشات والموتور أقل بكتير من فرق السعر وكفاية وقفة الميكانيكية الرخمة عند التصليح
وبعدين دا كل الميكانيكية دلوقتى بتقولك مون 90 علشان نسبة الانضغاط للمحرك بيجى أحنا نوفر ونحط 80
وعجبى

مافيش حاجه اسمها بنزين و اوكتين في مصرنا من وجهة نظري 80 ايه و 90 ايه و 92 ايه ؟؟؟؟؟؟؟؟
كل ده بطيخ في سوق العبور بيتعصر و يروح محطات البنزين على انه بنزين ...
يا اخونا حطو اي بنزين مش هتفرق والله كل بيتحرق و كله بيولع و ممكن يتشرب كمان
يا جدعان في دول الخليج تعالوا شوفوا البنزين عامل ازاي ... نضيف اخر عشرين حاجة
و البنزين 3 انواع بردوا بس صح المرادي و مش بطيخ ... 91 اوكتين و 95 اوكتين و الترا اللي هو 98 اوكتين

نفسي افهم بقا فين رقم 80 ده اللي الناس كلها عاوزه تحطوا في عربيتها و فرحانه بيه في مصر
ياخونا حطوا اي بنزيم (بالميم) و خلاص اهو كلنا في الهوا سوا

اقتباس:

---

هو حضرتك مش معاك دايو حاليا ؟؟؟؟؟؟؟؟

---

حاليا معايا نيسان صني 2007

معايا نوبيرا 2001
وبحط بنزين 80 والحمد لله مفيش مشكلة

الكلمة امانة.....

لما تحسب فرق سعر ال 80 وال 90 هتلا قى الهتصرفة على طرمبة البنزين والرشاشات والموتور أقل بكتير من فرق السعر وكفاية وقفة الميكانيكية الرخمة عند التصليح
وبعدين دا كل الميكانيكية دلوقتى بتقولك مون 90 علشان نسبة الانضغاط للمحرك بيجى أحنا نوفر ونحط 80
وعجبى

مفيش علاقة بين تلف طرمبة البنزين و رقم الاوكتان اطلاقا كل انواع البنيزن كثافتهم ومدى اللزوجة ان وجدت اصلا واحد وبلنسبة للرشاشات العلاقة هي بين نضافه تنك محطة البنزين فقط يعني ممكن تفول 95 من بنزينة تنكها وحش ويبقى في شوائب وانا ديما بعمل حسابي اول ما التانك ينزل عن النص التاني بفول كل الفرق الملحوظ ان في فرق طبعا في لاتسارع ولو حسبناها ماديا انا ماشي بي 52 الف كيلو في متوسط الصفيحة 200 كيلو ما بين جو البلد وسفر
يعني
52000+200=260 صفيحة
260*18 ج(سعر صفيحة ال80)=4680
260*35ج(سعر صفيحة ال90)=9100
الفرق الي وفرتة =4420:36_6_3[1]:
يعني لو غيرت الموتور كامل بطقم الرشاشات مش هيعمل 2000 جنية دة بفرض ان الموتور هيتأثر اصلا :B4_388:
على فكرة من زمان كان نفسي اعمل الحسبة دي شكرا ليكوا:satelite:
بجد مهما كان فرق التسارع والكلام دة ميضاهيش فرق الفلوس دي حتى على الاقل بلنسبالي انا والي مقدرتهم المادية زيي:B4_282::36_1_8[1]:

اقتباس:

---

المشاركة الأصلية كتبت بواسطة mohfud

لما تحسب فرق سعر ال 80 وال 90 هتلا قى الهتصرفة على طرمبة البنزين والرشاشات والموتور أقل بكتير من فرق السعر وكفاية وقفة الميكانيكية الرخمة عند التصليح
وبعدين دا كل الميكانيكية دلوقتى بتقولك مون 90 علشان نسبة الانضغاط للمحرك بيجى أحنا نوفر ونحط 80
وعجبى

---

البنزين 80 مالوش علاقه بطرمبة البنزين ولا بالرشاشات

اقتباس:

---

المشاركة الأصلية كتبت بواسطة yahiahelaly

مفيش علاقة بين تلف طرمبة البنزين و رقم الاوكتان اطلاقا كل انواع البنيزن كثافتهم ومدى اللزوجة ان وجدت اصلا واحد وبلنسبة للرشاشات العلاقة هي بين نضافه تنك محطة البنزين فقط يعني ممكن تفول 95 من بنزينة تنكها وحش ويبقى في شوائب وانا ديما بعمل حسابي اول ما التانك ينزل عن النص التاني بفول كل الفرق الملحوظ ان في فرق طبعا في لاتسارع ولو حسبناها ماديا انا ماشي بي 52 الف كيلو في متوسط الصفيحة 200 كيلو ما بين جو البلد وسفر
يعني
52000+200=260 صفيحة
260*18 ج(سعر صفيحة ال80)=4680
260*35ج(سعر صفيحة ال90)=9100
الفرق الي وفرتة =4420:36_6_3[1]:
يعني لو غيرت الموتور كامل بطقم الرشاشات مش هيعمل 2000 جنية دة بفرض ان الموتور هيتأثر اصلا :B4_388:
على فكرة من زمان كان نفسي اعمل الحسبة دي شكرا ليكوا:satelite:
بجد مهما كان فرق التسارع والكلام دة ميضاهيش فرق الفلوس دي حتى على الاقل بلنسبالي انا والي مقدرتهم المادية زيي:B4_282::36_1_8[1]:

---

:3mla::3mla:

اقتباس:

---

ممكن اعرف من حضرتم السينسور ده بتاع ايه وايه وظفته Knock Sensor

---

حساس التسقيف :
ده حساس لكشف التسقيف في المحرك
فلما يلاقي مثلا تسقيف في الموتور يقوم يبعت اشاره لوحده التحكم عشان تعدل توقيت الاشعال عشان البوجيهات تاخر الشرارة
وهوه موجود في النوبيرا بس مش موجود في اللانوس
و عامة الدايو كلها فيها فيشه اوكتان لتعديل توقيت الاشعال

معني الكلام انا البنزين ال80 هيناسب الدايو والنوبيرا طيب نفرض اني عايز اجربه في النيسان مع العلم ان فلتر البنزين للنيسان جوة طرمبة البنزين ومش بيتغير الا بالطرمبة نفسها وعلي حد علمي الطرمبة 1500 جنية يبقي ينفع معايا ده سؤال لاهل الخبرة

اقتباس:

---

المشاركة الأصلية كتبت بواسطة mohamedrabia

معني الكلام انا البنزين ال80 هيناسب الدايو والنوبيرا طيب نفرض اني عايز اجربه في النيسان مع العلم ان فلتر البنزين للنيسان جوة طرمبة البنزين ومش بيتغير الا بالطرمبة نفسها وعلي حد علمي الطرمبة 1500 جنية يبقي ينفع معايا ده سؤال لاهل الخبرة

---

نسبه انضغاط المحرك عندك اد ايه لو 10 يبقى الموتور هايسقف
لو 9 ممكن تجرب لو محصلش تسقيف يبقى اديها 80 و ماتقلقش
بس اهم حاجة تمون من بنزينه محترمه

اعرف منين نسبة انضغاط المحرك وبعدين هو في بنزينة محترمة عندها 80 تقريبا مش موجود الا في التعاون وانا بشوف التعاون صراحة نفسيتي بتتعب

اقتباس:

---

المشاركة الأصلية كتبت بواسطة mohamedrabia

اعرف منين نسبة انضغاط المحرك وبعدين هو في بنزينة محترمة عندها 80 تقريبا مش موجود الا في التعاون وانا بشوف التعاون صراحة نفسيتي بتتعب

---

من الكتالوج

هاتلاقي في مصر للبترول و اسو و كتير برده بس بلاش التعاون دي خالص كل ما امون من عندهم ولو حتى 92 العربيه مابتبقاش مظبوطة

ده القول الفاصل للموضوع
حقيقة أن موضوع نوع البنزين والرقم الأكتيني أو الأوكتاني للبنزين ومدى ملائمة النوع للمحرك
وهو يعتمد على خاصية في المحرك تسمى بنسبة الإنضغاط وهي تقريباً من 7 إلى 12 في السيارات البنزين عموماً

تعريف نسبة الانضغاط:
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر))

نسبة الإنضغاط = حجم الإسطوانة / حجم غرفة الإحتراق
= تتراوح بين 7 إلى 12 وقد يصل إلى 15 في بعض محركات سيارات السباق ولكن على حساب عمر المحرك الذي يقصر بشدة في هذه الحالة

وكلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان

وهذه بعض النسب التقريبية لكل محرك ونوع البنزين المناسب له:

بنزين 80 لمحرك ذو نسبة إنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11


لو أن نسبة الإنضغاط منخفضة مثل الشاهين وال 128 واللادا فعليك أن تمونها بنزين 80 وأنت مطمئن أنها ستعطي آخر قدرة لها بدون مشاكل مع ضبط توقيت الشرارة
بمعني أن السيارة ال 128 موتورها قديم وبالتالي نسبة إنضغاطه منخفضه إذن الأفضل أن تضع له بنزين ذو أقل رقم أوكتاني يعني 80
ولو وضعت بنزين برقم أوكتيني أعلى من 80 تصبح كأنك ترمي فلوسك في الهواء بدون مبالغة

لو نسبة الإنضغاط عالية زي المواتير الحديثة عموما وهذا يكون موضح في الكاتلوج وأعلى نسب إنضغاط تكون في السيارات الغالية مثل المرسيدس والبي إم والسيارات الرياضية أيضاً أو كل سيارة من مستواهم في هندسة المحركات الحديثة
ولو لم يحدد في الكتالوج الخاص بتلك النوعية من السيارات المتقدمة ذات نسب الإنضغاط المرتفعة نوع البنزين الموصى به (إحتمال ضعيف)
فعلينا أن نبحث بالكتالوج عن نسبة إنضغاط المحرك
ومن النسب التى وضعتها بالأعلى نختار نوع البنزين
أو نسأل التوكيل
أو نبحث عن موقع السيارة على شبكة المعلومات الدولية وننظر ما هو نوع البنزين المناسب للمحرك
وهناك مواقع على الإنترنت بها تفاصيل نسبة إنضغاط المحرك لعدد هائل من السيارات ومنها الموقع التالي:

ومن الطبيعي أن نضع في تلك السيارات الحديثة ذات المحركات المتطورة رقم بنزين عالي لأن محركات هذه السيارات متقدمة ونسبة انضغاطها عالية ومصممه للبنزين ال 95 مثلا أو 92 على الأقل لكن لو وضعنا بها بنزين 80 مثلاً وإسترخصنا فكأننا نقوم بتدمير المحرك بدون مبالغة ولكن على المدى الطويل (ليس تدمير فوري)

أما لو كانت سيارة موديل قديم أو سيارة جديدة لكنها مركب بها موتور تصميم لم يتغير منذ زمن مثل اللادا 2107 أو ال128 وأمثالهم في هذه الحالة نضع بنزين 80 ولو لم نجد 80 نضع 90 (والفرق اللي مش كبير إنت أولى به) ولا تزيد عن ذلك حتى لا تكون مبدد للمال بدون فائدة

هناك إعلان بمحطات شركة موبيل يقول : الفرق يستاهل أو الفرق بسيط (مش فاكر بالضبط) وهذا الإعلان ما أسميه نصب وتضليل علني
والحق هو : فلوس البنزين اللي ميلزمش سيارتك وهي غير مصممة له أساساً أنت أولى بها


السؤال الأول: ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه

2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة

3- قد يحدث في المحرك ظاهرة التصفيق (Detonation) والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك

وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)

4- التصفيق الكتير يقصر عمر المحرك على المدى الطويل

5- زيادة في إستهلاك البنزين لأن التصفيق والموجات الناتجة تزيد من فواقد القدرة داخل المحرك
وهذا السبب موجود في موضوع بعنوان (بعض أسباب زيادة إستهلاك البنزين):
السؤال الثاني: ماذا يحدث لو وضعت بنزين ذو رقم أوكتاني أعلى من الموصى به لسيارتي أو أعلى من المناسب لنسبة إنضغاط محرك سيارتي ؟؟
الجواب:
أما في حالة أن تضع بنزين أعلى من الموصى به:
قد يكون السيارة موصى لها بنزين 92 ولكن عندما تضع بنزين 95 فإن السيارة تعطيك أداء أفضل
وفي هذه الحالة فإن جيبك هو الذي سيحكم لأن بنزين ال 95 سيعطيك إحساس قوي بفلوس كثير والبنزين ال 92 سيعطيك القدرة القياسية من المحرك وسيوفر لك فلوسك بدون ضرر نهائي على المحرك
في هذه الحالة لك مطلق الحرية

ولكن لو وضعت بنزين 95 ولم تحس بفرق فاتركه فوراً وارجع لبنزين 92 الموصى به لسيارتك


أخيراً هناك معلومات أو إشاعات خاطئة:
الإشاعة الأولى:
أن البنزين ال 80 مضر بالبيئة أكثر من البنزين ال 90 أو البنزين ال 92 وهذا كلام لا أساس له من الصحة
لأن البنزين كله حاليا خالي من الرصاص ومركباته واحدة مع اختلاف نسب المركبات في كل نوع

والإشاعة الثانية:
يقول لك البنزين ال 92 أنظف من البنزين ال 80 ولا يحتوي على شوائب تقوم بسد الفلاتر وغيره !!
والحقيقة أن مسألة النظافة تتعلق بنظافة خزانات المحطة وليس لها علاقة بنوع البنزين سواء بنزين 80 أو بنزين 98

الإشاعة الثالثة:
أن بنزين 80 يسبب ضرراً شديداً للرشاشات في حالة السيارات ذات الحقن الإلكتروني أو يضر الصمامات أو أي أجزاء أخرى للمحرك
وهذا أيضاً كلام خاطيء
بنزين 80 مثل بنزين 98 في تأثيره على أجزاء السيارة
لكن كما قلنا أعلاه أنه في حال إستخدام بنزين ذو رقم أوكتاني أقل من الموصى به من الصانع فإنه قد يحدث تصفيق
وهنا التصفيق هو الذي يضر المحرك كما قلنا


ولكن يوجد حل جيد لطالبي التوفير والإقتصاد في مصاريف بنزين سياراتهم:
والذين يريدون وضع بنزين أوكتان 80 مثلا في سيارة ذات نسبة إنضغاط عالية أو يريدون وضع أي نوع بنزين أقل من الموصى به
الحل أنك تؤخر توقيت الشرارة (تخفض كهربة السيارة) وتجربها حتى تجد أن التصفيق (التسقيف) قد تلاشى
وهذا الحل مجرب تجربة شخصية مع المواتير الكربراتير فقط.

والفائدة من تأخير توقيت الشرارة:
بما أننا أخرنا توقيت الشرارة فستحدث الشرارة في غرفة الإحتراق بعد بداية نزول المكبس لأسفل بقليل وكأننا كبرنا حجم غرفة الإحتراق وقت خروج الشرارة
وفي النهاية كأننا خفضنا من نسبة إنضغاط المحرك وقت خروج الشرارة
والخلاصة أننا جعلنا نسبة إنضغاط المحرك منخفضة بحيث تقبل نوع بنزين ذو رقم أوكتان منخفض مثل بنزين 80 مثلاً


بالطبع فإن هذا الحل سيقلل من كفائة السيارة وسحبها بنسبة بسيطة لكن مقبولة في سبيل التوفير
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين

فأنا مثلا أحياناً أضع في الجولف2 بنزين 92 وأحياناً أضع فيها بنزين 80
حيث أني قمت بضبط توقيت الشرارة (خفضت الكهرباء) ليكون مناسباً للبنزين أوكتان 80

وللعلم فبعض السيارات الحديثة بها ما يسمى بحساس الأوكتان أو حساس التصفيق
وهذا الحساس له فائدة عظيمة حيث يقوم بالتعرف على نوع البنزين المستخدم ومن ثم يقوم آلياً بضبط توقيت الشرارة لتلافي حدوث أي تصفيق

أنا حاليا بأستعمل 80 مع النوبيرا

والدنيا وردى

وشكلها حتلعب

اقتباس:

---

المشاركة الأصلية كتبت بواسطة samirayad

أنا حاليا بأستعمل 80 مع النوبيرا

والدنيا وردى

وشكلها حتلعب

---

أنا بأستعمله من وقت ما جبت الاسبيرو

من سنة و أربعة أشهر

و الحمد لله سحب و عزم تمام

و ياما سمعت و مطنش

و برده هستعمله

الفرق يستاهل

اقتباس:

---

و ياما سمعت و مطنش

و برده هستعمله

الفرق يستاهل

---

:S_thum1[1]:

فعلا لازم تاخد حقك فى الدعم

ولا هو حرام علينا

دا النص بالنص

اقتباس:

---

المشاركة الأصلية كتبت بواسطة sala7

مافيش حاجه اسمها بنزين و اوكتين في مصرنا من وجهة نظري 80 ايه و 90 ايه و 92 ايه ؟؟؟؟؟؟؟؟
كل ده بطيخ في سوق العبور بيتعصر و يروح محطات البنزين على انه بنزين ...
يا اخونا حطو اي بنزين مش هتفرق والله كل بيتحرق و كله بيولع و ممكن يتشرب كمان
يا جدعان في دول الخليج تعالوا شوفوا البنزين عامل ازاي ... نضيف اخر عشرين حاجة
و البنزين 3 انواع بردوا بس صح المرادي و مش بطيخ ... 91 اوكتين و 95 اوكتين و الترا اللي هو 98 اوكتين

نفسي افهم بقا فين رقم 80 ده اللي الناس كلها عاوزه تحطوا في عربيتها و فرحانه بيه في مصر
ياخونا حطوا اي بنزيم (بالميم) و خلاص اهو كلنا في الهوا سوا

---

وعجبي عليكي :3_3_102[1]::3_3_102[1]:

اقتباس:

---

المشاركة الأصلية كتبت بواسطة mohfud

لما تحسب فرق سعر ال 80 وال 90 هتلا قى الهتصرفة على طرمبة البنزين والرشاشات والموتور أقل بكتير من فرق السعر وكفاية وقفة الميكانيكية الرخمة عند التصليح
وبعدين دا كل الميكانيكية دلوقتى بتقولك مون 90 علشان نسبة الانضغاط للمحرك بيجى أحنا نوفر ونحط 80
وعجبى

---

انا اسف جداااا استاذي انا لي اختلاف معاك بالراي ممكن اقوله ودي وجهت نظري اذا كانت العربيه بتوفر باليوم عشره جنيه اقل توفير بيوم استخدام عادي لي طيب لوحسبتها هتلاقيها 300 جنيه بالشهر يعني بتمن بسبع شهور بتوفر تمن مكنه استراد ودي اقصي حاجه يكون ضرها البنزين وده طبعا مستحيل المكنه تتاثر بالفتره دي

اقتباس:

---

المشاركة الأصلية كتبت بواسطة mohamedrabia

اعرف منين نسبة انضغاط المحرك وبعدين هو في بنزينة محترمة عندها 80 تقريبا مش موجود الا في التعاون وانا بشوف التعاون صراحة نفسيتي بتتعب

---

استاذي ال80 موجود ومتوفر جدااااا باي بنزينه بس تكون بره قاهره المعز او تكون اي بنزينه مستخبيه عفكره اي بنزنبه ممكن تسبب زحمه بالشارع بيمنعو عنها حصه ال80 لان دلوقتي اغلب اصحاب البنزنات بيجري ورا حصته من البنزين ال80 لان فيه نسبه ربح كبره جداااا ليه وافضل من حصته باي بنزين اوسولار لانهم بيبيعو التر بجنيه وتنك البزين اللي عالتريلا بتاعت البنزبن الصغيره بيكون فيه 40 الف لتر يعني 4 الف جنيه زياده من الهوا وبالتالي ال80 هو اللي يكسب وسلملي عالترماي