الموضوع: ممكن حد يقول لى راية بجد بسرعة النهاردة

المشاركة الأصلية كتبت بواسطة meggieboy

أنا مع حضرتك طبعا إن لا يمكن مقارنة التكييف الأوروبى بالتكييف الأسيوى...الفرق كبير لصالح الأسيوى و كمان معاك إن الجيتا أو كتير من الأوروبى تقيل فى السحب طبعا فى الأول فقط لكن بعد كده السحب طياره....بس يا ترى هو ليه تقيل كده مع كل التكنولوجيا الأوروبى المتطورة جدا عن الأسيوى....الفرق ببساطة علشان فرق سماكة الصاج لصالح الأوروبى و ده بيدله أمان عالى جدا فى حالة الحوادث لا قدر الله...على عكس الأسيوى عامة....الصاج خفيف فبيديك إحساس بقوة موتور السيارة لكن سماكة الصاج رفيعة جدا و لما تفتح باب العربية بتحس هو أد إيه خفيف مقارنة لو فتحت باب الجيتا أو الأوكتافيا و هو ده الأمان اللى أوروبا مش ممكن تتنازل عنه فى سبيل السحب...لو عايز تجميع أعلى للعربية الأوروبى عليك و على ال2000 سىسى أو المواتير الجديدة الtsi.

طبعا هذا التقل اللى هو بيقلل سحب العربية فى الأول عامل مهم جدا جدا فى ثبات العربية على السرعات العالية اللى مش ممكن نقارنه أبدا بأى عربية أسيوى....

لاحظ أن أغلب العربيات الأوروبية خاضعة لإختبار الأمان euroncap و محققة فيه 5 نجوم اللى هى أعلى درجة للأمان سواء للركاب داخل السيارة أو للمشاة وقت الإصطدام...الكلام ده المدرسة الأسيوية مش تبعه خالص...يا إمتن مش بتشارك فى الإختبار يا إمتن بتاخد تقدير ضعيف فيه....

طبعا مش هكلمك على دهان الأسيوى اللى هو لو أخدت تجريحه بسيطة...على طول يكشف و يصدى و بتطبق من أقل شىء على عكس الأوروبى اللى واخد بطانة و ضمان 12 سنة ضد الصدأ...

يعنى كل مدرسة ليها عيوبها و مميزاتها....لكن فى رأى الشخصى..لو غالبية سواقتى داخل المدينة هفضل على طول الأسيوى لأن سحبه فى السرعات البطيئه أقوى و تكييفه أشد و عربيه مفهومه و إعادة بيعها كويس.

لو بسافر كتير على طول هروح للأوروبى علشان أخد أهم نقطتين فيه الثبات الخرافى و الأمان.....

بصراحه اختلف مع حضرتك تماما
كلام حضرتك كلام وراي شخصي وغير صحيح
ايه علاقة ثقل الصاج بمدى الأمان
وايه علاقة ثقل الصاج بكفائة العربيه وقوتها

حضرتك المسالة لا تقاس بمين اكبر ومين اثقل
ثانيا انت بتقارن ايه اسيوي بأيه اوروبي
بتقارن عربيات تحت 100 الف جنيه بعربيات اضعاف تمنها وتقول ثقل صاج
لما اعمل عربيه بمبلغ 100 الف جنيه اوعربيه بــ 200 الف او 400 الف اكيد هيبقى فيه فارق في الخامات اكيد اكيد مش محتاجه تفسير خالص
وبعدين اغلب الأسيوي دلوقتي وهو تمنه نص الأوروبي وبيدخل اختبارات الأمان وبياخد 5 نجوم
في النهاية الأمان ليس ثقل صاج
سعر السيارة عامل مهم في مقارنة سيارة بأخرى مينفعشي اتغاضى عنه ابدا مادام الفارق اضعاف كمان
ونفس الموضوع في قوة واداء المواتير
حضرتك الأسيوي في بلدنا سي سي اقل بكتير من الأوروبي عامة
ثانيا الأسيوي بيتعمال بمبدأ توفير الطاقة يعني بيصنع مواتيره بحيث تكون اوفر في استهالك البنزين
على عمس الألماني مثلا اللي بيهتم بقوة الاداء حتى لو على حساب البنزين
هات عربيه اسيوي وخليها متوفرشي في البنزين وانت تشوف

من الأخر مححدش يقدر يقارن بين الأوروبي والأسيوي الا اللي ركب عربيتين نفس الفئة بالظبط ومفيش عربيه منهم مش كاملة الأوبشن والكماليات
يعني هات اتنين نازلين مواصفات اوروبي واركب وشوف
اما غير كده فمينفعشي خالص
احنا بنتكلم واحنا مركبناش اسيوي فئات عاليه
كل اللي بنتكلم فيه في حدود 100 الف جنيه
والأوروبي اللي تقصده بكلامك معدي 200 الف وانت طالع
فين وجه المقارنة

وفي النهاية كلام الأوروبين واحصائياتهم بيعملوا مقارنات
مش بيقولوا مفيش وجه مقارنة
مقارنات اوروبا بتقول غير كلام حضرتك
بتقارن بين الأسيوي والأوروبي والأسيوي بيكسب كمان في حالات كتير

هو الورق بياخد وقت شوية انا برده جبتها من احد الوكلاء فى الجيزه والورق خد حوالى عشرة ايام علشان كده لو تفتكر فى مشاركتى ولما بعت لحضرتك على الخاص انصحك بالتوكيل نفسه علشان هما ورقهم جاهز انا لما جبتها لصديقى من التوكيل استلم ورخص فى 48 ساعة بالتمام
بالنسبة لعوانك اعتقد طالما عنوانك بالاسكندرية سوف ترخص هناك والله واعلم
بالنسبة للورق حضرتك هتاخد الافراج الجمركى وتصورة صورة وكمان فيه جدول ببقى فيه رقم الشاسيه بتاع عربيتك فى وسط عربيات تاتنية مفرج عنها جمركيا معاك وبالنسبة لملكيتك للعربية بناء على المبايعة اللى حيديهالك بس لازم تشوف المبايعه اللى بينه وبين التوكيل وتبقى معاك علشان تتاكد انى الشاسية والموتور من التوكيل وليس خليجى او مضروب يعنى انا عملت كده لما اخدت الشاسية والموتور اتصلت بتويوتا وقلتهم على الرقم وفعلا قالولى تبعنا ومن عندنا
ارجو انى اكون افدتك

المشاركة الأصلية كتبت بواسطة ranon73

شفتوا القرف دفعت تمن العربية كاملا كاش و العربية جت وشفتها و لسة مستلمتش عمار يا مصر و كل دة علشان شهادة البيانات لسة مطلعتش و طبعا مش عارف ارخص بس ممكن سووال لو حد يعرفة انا بطاقنى اسكندرية بس مقيم فى القاهرة و معى ايصال نور حديث باسمى هل ينفع ارخص هنا ولا لا ؟؟
2- اية الورق الة باخدة من المعرض علشان اروح المرور هو لازم مبايعة عليها ختم النسر ولا باخد اية يثبت ملكيتى للعربية و شكرا ليكم ممكن لو حد راكب 2010 كورولا يقول لى اية راية فيها انا بجد انا لسة مستلمتش