حضرتك أنا برد على صاحب الموضوع اللى بيقارن جيتا و أوكتافيا مع التويوتا ...إذا أحنا محددين بنقارن إيه أسيوى بإيه أوروبى و بنقارن فى أى شريحة سعرية....محدش إتكلم على 200000 و لا 400000 علشان نقول فرق خامات....و كمان كلهم 1600 CC إذا السعة واحدة...مفيش إختلاف مواتير....
إحنا بنتكلم على كورولا فى رينج 150000 و أوكتافيا a5 برده فى رينج 150000 و جيتا بتبتدى من 165000....أعتقد دى مقارنة عادلة و فى نفس الشريحة السعرية و المفروض أخد نفس الخامات الأساسية بغض النظر عن الكماليات اللى بتزود السعر بعد كده.....
لما بقول تقل صاج (و دى لغة دارجة) مش معناها إن إحنا بنوزن لكن معناها إن الصاج سميك بالدرجة اللى يستحمل بيها الصدمات و يشتتها عن ركاب المقصورة....طبعا ناهيك عن نقط الإنهيارات اللى محسوبه علشان وقت التصادم كل تقويص الصاج يكون بعيد عن الركاب ده غير الموتور اللى بينزل تحت أرجل السائق فى حالة الصدمات الأمامية الشديدة... هذا الكلام بعيد تماما عن فكر المدرسة الأسيوى فى نفس الشريحة السعرية للدقة....حاول كده تشوف شكل الصاج لو سندت على الأسيوى و التطبيق اللى هيحصل فيه و حضرتك هتعرف كلامى.....تقل الصاج كمان ليه دور فى تقل العربية ككل و تقل العربية بيزود إتزانها مع الأرض أكثر......أكيد حضرتك سمعت كلمة العربية خفيفة على الطريق أو بتعوم لبعض سائقى الأسيوى و كمان سمعت العربية زى الصخرة على الطريق و العربية راكزة على الأرض لبعض سائقى الأوروبى...و طبعا فى نفس الفئة السعرية...يعنى عمر محد نزل من أوكتافيا أو جيتا و قال العربية خفيفة معايا فى السفر أو بتعوم على السرعة العالية او فى اللفات..و لكن العكس تماما بيقولوا إحنا مكناش حاسين إن إحنا ماشيين على 160 مثلا من ثبات العربية و كانها ماشية على 60.
طبعا متكلمناش خالص على فرق الدهان بين الإتنين....الأسيوى عامة و كأنه واخد إشره من الدهان لو أخدت أقل حكه تانى يوم تكون مصدية...على عكس الأوروبى لما بيتحك بتلاقى بطانة بيضاء بتحميه من الصدأ...طبعا بتكلم عن الحكات الخارجية مش الغائرة علشان أبقى أكثر دقة.....
أنا لم أذكر إن تقل الصاج له علاقة من قريب أو بعيد بكفاءة العربية أو قوتها...و لو حصل يبقى أنا أسف....
يا ريت حضرتك تقولى مين من أغلب الأسيوى اللى فى نفس فئة مقارنتنا و فى نفس السعر تقريبا أخد 5 نجوم....
حضرتك مأخدتش بالك إنى بشكر جدا فى العربيات الأسيوى لأنهم بالفعل موفرين فى البنزين سعرهم رائع فى الشراء و ماسكين سعر فى البيع ...صيانتهم معقوله مقارنة بالأوروبى و ممكن ورش عادية كمان تشتغل فيهم...حساسات قليلة و أعطال تكاد تكون نادرة....و لكن و عن تجربة لا تقارن ثباتهم و أمانهم بالأوروبى...وهذا راى الشخصى...
المفضلات