استخرت الله واشتريت المرسيدس السي 180

**tarekfar** · 02-08-2010 09:37 PM

المشاركة الأصلية كتبت بواسطة hegazio

ايه ده ... ده انا ماخدتش بالي من موضوع المانيا ده!
طب ممكن من حضرتك تبعت الأسعار؟

العربية اليجانس تمنها 26700 يورو ودي عربية من المخزون بعد توقف انتاج السي 180 1600 سي سي للسوق الألماني من شهر مارس اللي فات ، وعن طريق صديق عرفت ان فيه هجوم على العربيات اللي في المخزون من العربيات دي وخصوصا من المصريين والأتراك عشان سعة الموتور والعربية كان عليها خصم كبير جدا هي من انتاج اكتوبر 2009 ولكن تعتبر من موديلات 2010 ففكرت اخدها وخصوصا ان العرض كان اخره شهر 7 اللي فات.

**Hegazio** · 02-08-2010 09:47 PM

ايه ده ؟ .. مش رخيصة خالص؟
و لو جمركتها حتبقي اغلي من هنا .. ده حتي كمان سمعت ان فيه ضريبة استهلاك محلي عشان بنتنج في مصر

**Hegazio** · 02-08-2010 09:54 PM

انا برضه اول مرة اسمع الكلام ده!!
اللي اعرفه ان فيه اليجانس سيدان ب 313 الف

**FrozenFire** · 03-08-2010 12:45 PM

على رأي الألمان يا أستاذ طارق
mercedes ist mercedes
بس في حاجة مهمة
إنت قارنت بين فئتين مختلفتين، قارنت بين الباسات وال سي كلاس
مع إن المفروض المقارنة تكون بين الباسات والإي كلاس أو تكون بين الييتا (أو الجيتا زي مابنقول عليها هنافي مصر) وال سي كلاس
عن تجربة، الباسات فعلا أوسع في الصالون من ال سي وعلى الطريق فعلا الباسات أسرع. ولكن لو حنقارنها بال إي كلاس فالمقارنة حتكون لصالح الإي بعدة مستويات.
على حسب معرفتي
ال إيه كلاس من نفس فئة البولو
وال سي كلاس من نفس فئة الييتا
وال إي كلاس من نفس فئة الباسات
لكن لو الباسات بتقارن بال سي كلاس يبقى ده من حيث الفئة التسعيرية وده أنا مابفضلوش
لأن مثلا ماينفعشي أقارن الكورولا فول أوبشن بال إيه كلاس مثلا
على العموم مبرووووووووك العربية الجديدة وربنا يعطيك خيرها ويكفيك شرها
والسلام ختام

**tarekfar** · 03-08-2010 02:11 PM

المشاركة الأصلية كتبت بواسطة frozenfire

على رأي الألمان يا أستاذ طارق
mercedes ist mercedes
بس في حاجة مهمة
إنت قارنت بين فئتين مختلفتين، قارنت بين الباسات وال سي كلاس
مع إن المفروض المقارنة تكون بين الباسات والإي كلاس أو تكون بين الييتا (أو الجيتا زي مابنقول عليها هنافي مصر) وال سي كلاس
عن تجربة، الباسات فعلا أوسع في الصالون من ال سي وعلى الطريق فعلا الباسات أسرع. ولكن لو حنقارنها بال إي كلاس فالمقارنة حتكون لصالح الإي بعدة مستويات.
على حسب معرفتي
ال إيه كلاس من نفس فئة البولو
وال سي كلاس من نفس فئة الييتا
وال إي كلاس من نفس فئة الباسات
لكن لو الباسات بتقارن بال سي كلاس يبقى ده من حيث الفئة التسعيرية وده أنا مابفضلوش
لأن مثلا ماينفعشي أقارن الكورولا فول أوبشن بال إيه كلاس مثلا
على العموم مبرووووووووك العربية الجديدة وربنا يعطيك خيرها ويكفيك شرها
والسلام ختام

الله يبارك فيك انا عارف ان الباسات تتقارن بالاي كلاس بس انا كان مشكلتي إني نازل اخر السنة دي بالعربية مصر والباسات في مصر سعرها اقل من المانيا بعد اضافة الجمرك لأن الباسات بالأوبشنز بتاعتها وقفت عليا ب 30 الف يورو وحط عليهم 125 الف جمرك حتلاقيها اعلى من تمنها في مصر بكتير ده غير ان شكلها حيتغير اواخر السنة الجاية ، ، وانا نازل مصر ان شاء الله وبعد 8 سنين ما عرفش الظروف ايه ولو احتجت فلوس المرسيدس في مصر ممكن ما اخسرش فيها كتير زي الباسات وانا طرحت الموضوع ده في المنتدى من فترة وسالت عن النصيحة وكان اتجاه معظم الناس في تأييد المرسيدس ، لكن كعربيتين الفئتين مختلفتين طبعا وانا لو مكمل في المانيا ما كنتش بعت الباسات دلوقتي.

السي كلاس فعلا في حجم الييتا ويمكن شنطتها اصغر شوية لكن في مصر برضه مش محتاج اكتر من كدة

بس كلامك اثبتلي ان احساسي صحيح وان الباسات أسرع على الطريق

**Hegazio** · 03-08-2010 04:19 PM

تمام يا معلم..ماتنساش تعمل الأتي فورا
توثق فاتورة الشراء باسمك ف الغرفة التجارية أو ما يعادلها ثم وزارة الخارجية الالمانية ثم سجل مروري يؤكد انك اول مالك ثم توثق الكل ف لقنصلية
ثم تترجمه ف مركز ترجمة معتمد!!!
اوعي اكون صدمتك

**aly_hosny** · 03-08-2010 05:34 PM

ربنا يباركلك فيها
اللون الابيض جاااااااااامد جدا عليها بتاعة حضرتك لونها ايه ؟

ولازم عشان تنزل تبقى اشتريتها في نفس سنة الصنع
والمقصود بسنة الصنع هو الموديل وبتهيالي بتاعة حضرتك موديل 2010