الموضوع: استخرت الله واشتريت المرسيدس السي 180

الف مبروك عليك وربنا يحفظهالك ويباركلك فيها

متشكر لكم والله يبارك فيكم سأنقل انطباعاتي الأولية عن المرسيدس والفارق بين احساس القيادة بينها وبين الباسات:

1- المرسيدس السي بالطبع اقل حجما وصندوق الأمتعة أصغر كثيرا 475 مقابل 565 لتر للباسات، الا انه يوجد مكان اخر للتخزين في المرسيدس بدل العجلة الاستبن عشان ما بقاش فيه عجل استبن في العربيات الجديدة ما اعرفش ليه

2- المرسيدس اليجانس والتابلوة فخم لكن منظر تبلوة الباسات برضه حلو ومن وجهة نظري شكله احلى من بتاع المرسيدس، بالرغم من ان السي صغيرة لكن مقصورة السائق مريحة جدا وما تفرقش كتير عن الباسات، لكن مساحة الأرجل للجالس في الكنبة الخلفية صغيرة جدا واقل كتير من الباسات

3- المرسيدس بأحس انها اثبت على الهاي واي من الباسات لكن تجميعها في السرعة اقل من الباسات بالرغم من ان سرعتها القصوى اعلى من الباسات

4- المرسيدس صحيح اوطى من الباسات بس بالرغم من كده لما جربتها في شارع مدشدش شوية حسيت انها انعم من الباسات في المطبات بس التجربة تكون اوضح في شوارع مصر .

دي انطباعات اوليه ومن الأخر العربيتين ممتازين بس محتاج شوية وقت عشان اتعود على المرسيدس

مبروك يا أستاذ طارق ربنا يباركلك فيها .

المشاركة الأصلية كتبت بواسطة hegazio

مبروك مبروك
بس ازاي بس سحبها اقل من الباسات؟ دي سوبر تشارجر 1600 بتطلع 156 حصان حصان؟
طب ممكن تقولنا هي كام العزم عند كام ار بي ام؟

هي سوبر تشارجر و156 حصان والباسات 122 حصان فقط، موضوع العزم ده ما اعرفوش ، لكن موضوع السحب ده احساسي الشخصي وده احتمال راجع لحاجتين ان العجل اللي فيها شتوي مش صيفي واحنا في الصيف وده بيخللي العربية اتقل ، الحاجة التانية ان الدواسة اتقل من دواسة الباسات وانا لسة ما خدتش عليها لأنها معايا من يوم 28/7 ما كملتش اسبوع ، حاجة كمان في شركة مرسيدس نصحوني اخليها على السي اول 1000 كيلو وبعد كده ممكن اخليها على s، عامة انا محتاج وقت عشان اتعود عليها انا كنت بأتكلم عن انطباعي الأولاني