الموضوع: ازاى اكشف على الدايو المستعمل ساعة الشراء ؟

اولا تكشف كويس على الشاسية والصاج ذى اى عربية ولو مش راشة يبقى احسن وترفع الربية وتبص عليها من تحت وهل فى ترشيح او تنقيط اوخبطاط بعد كدة حالة العفشة وبعدين حالة الفرش الداخلى والتابلوه وبص على الموتور وهل فيه شغل او تعديلات ويستحسن يكون معاك ميكانيكى وسمكرى ومفيش مانع تكشف عليها فى التوكيل ومش هكلف اكتر من 50 جنيه ويريت العربية الى هجبهه ميكنش فيها مصاريف حتى لو هتدفع الف زيادة

المشاركة الأصلية كتبت بواسطة MMamdouh

الشاسية اهم حاجة... اصلة مبيتغيرش

لازم سمكرى فاهم يبص على الشاسية و الحوض

MMamdouh

+1
كشف على كفائة الموتور فى محضة البنزين
- اتئكد من هنا لبكرة من تسريبات الزيت و خصوصا من منطقة وش السيليندر و كمان اى تسريب من تحت العربية
- علشان تتئكد من ان العربية مش مرشوشة من الداخل شيل فرش الشنطة مفروض تلائى دهان الصاج زى ما يكون مموج او علية معجون لى شكل معين بس مش زى الدهان الخارجى
و العربية لما تترش عمرها ما هترجع بالشكل الى قلت لك علية دة
- لاحظ اى اختلاف للون ما بين الباب و القائم الداخلى للباب و دا هيعرفك اترش ولا لا

- من الحاجات المهمة بردة حالة الصالون علشان دا بيدل على نظافة استخدام الراجل للعربية من عدمه

- جرب سوق العربية علشان تجرب العافشة و استجابة المتور و قوة السحب و الفرامل

ملحوظة: متتوقعش انك ممكن تلائى عربية مفهاش غلطة بسهولة فا اى عربية اكيد هتعمل فيها شغل بس حاول تخلى الشغل دة فى حاجات بسيطة متعبش العربية

المشاركة الأصلية كتبت بواسطة atamim

و لو قال مثلا اداء المحرك 75% دا معناة اى طالما بقالها بس 6 سنين ماشية و فقدت ربع اداء محركها ؟

طيب العمرة بكام و بتكلف كام ؟

و يا ترى اشترى عربية اساساتها كويسة و اظبت الماتور ولا تنصحونى باى؟

على فكرة مفيش عربية هتلائى كفائة المحرك 100% حتى لو كانت BMW على الزيرو
لازم يكون فى نسبة فقد
يعنى لو الانوس طلعت حوالى 80% او 81% دى تبئة حاجة ممتازة جدا