الموضوع: اصــــل الـــعــلـــوم

المشاركة الأصلية كتبت بواسطة PRO-DRIVE

و نص اللي بيقوالوا الكلام دا ولا بيعملوا حاجه منه :)

مش اقصدك انت

بس اتخنقت من موضوع كل واحد يعملك نفسه فيها مثل اعلي في كل شيئ

و هو مزوغ من شغله ولا بيعمل اي هبل

و "مقضيها" و تلاقيه بيفتخر بعلاقاته مع دي و دي

و في الاخر يجي في الكلام و هووووووووووووب تلاقي اينيشتاين مثلا واقف بيتكلم

لأ يا برو صدقنى ..... و لا مثل و لا غيره ...... بس أنا بقول المفروض ..... ممكن أكون أنا مقصر فى شغلى أو دراستى ...... و يكون التقصير ده بسببى أو بسبب عوامل خارجية زى تحميلك أكتر من قدراتك و كده.

هى عامة منظومة تبتدى من صاحب العمل الفاهم الواعى لقدرات موظفيه و تنتهى بالعامل اللى بيقدم كل مجهوده عشان يحقق نجاح
العامل ده ممكن يكون مهندس عالم باحث طالب دكتور.... إلخ

بس عندى ملاحظة على جملة :

و نص اللي بيقوالوا الكلام دا ولا بيعملوا حاجه من

أنا لما ألاقى زمايلى بينصحونى بإنى أذاكر .. و أنا من جوايا مش عاوز أذاكر .. هدور على أى حجة أقدمها لنفسى عشان مذاكرش ......... يعنى مثلاً أقول لنفسى : بيقولولى ذاكر و هما طول النهار فى الشارع و مبيمسكوش كتاب.

تفتكر إن ده مبرر ليا إنى مذاكرش ؟!!! :)

المشاركة الأصلية كتبت بواسطة meza

ما أضافه الغرب لعلمنا ...... أكثر بكثير من أن نجرؤ أن نفكر فى إننا أصحاب الفضل فيما هم فيه. :(

صدقنى يا برو إحنا المفروض نخجل من نفسنا مش نفتخر ....... لأننا معملناش أى حاجة تذكر


طب يا سيدى أنا جد جد جد جد جد جدى الكبير كان مهندس من ضمن المهندسين اللى بنوا الأهرامات ...... هات إتنين جنيه بقى :D...... أنا طلعت من عيله عريقة.

كمان يا برو هدف الفيديوهات دى هو تأريخ فقط و إنصافاً لحق أجدادنا فى ذكر إنجازاتهم لا أكثر ....... لكن هما مش بيقولوا يا جدعان يا أوروبيين العالم العرب و المسلمين دول .... أجدادهم من زماااااااااان هما أصحاب الفضل فى اللى إحنا فيه دلوقتى ... و حياتكم بقى تحترموهم شوية و تساعدوهم باللى فيه النصيب. :p

حالياً لا مجال للإفتخار بما صنعه السابقون و لا مجال للبكاء على الأطلال ......... المجال الوحيد ... تشتغل تتعب تنجح و تجيب الخير لبلدك .

انت اللي فاهم والله

احسن افتخار بالماضى اننا نحاول نكون جديرين بيه و نحاول نستمر فى تحصيل العلم من كل مكان و ننتج و الاهم ان نأخذ بالاسلوب العلمى فى حياتنا .. ممكن حتى ناس تشتغل كتير كما لكن من غير منهج علمى و من غير تخطيط و بعدين نلاقى ان اللى انتجناه كارثه و اتعمل بعشوائية و ضاع المجهود و ضاعت الفلوس .. لو نظرنا لحياتنا فى مصر نلاقى العشوائية فى كل حاجة و مع ذلك تلاقىيناا نمدح فى نفسينا بمبالغة لو مثلا عشان كسبنا ماتش كورة او نفضل نتمسح فى ماضى و احنا كنا و كنا و نحط رجل على رجل و نبرم شنباتنا .. طيب كويس يكون لنا اسهامات فى فترة تاريخية لكن بالراحة شوية انا اردت ان الفت النظر و ابرز ايضا اننا كعرب ليس لنا الفضل كله و ان هناك شعوب اخرى كان لها فضل كبير بدلا من ان نعيش فى وهم زائد .

انا لا استطيع ان افخر كثيرا لو معى ضيف اجنبى و بازور معاه الاهرام هذا البناء او الاعجاز العلمى العبقرى و بعدين نلاقى القذارة فى كل مكان و سلوكيات متخلفة تثير استغراب و دهشة و استنكار هذا الضيف .. فى الحالة ده ما اقدرش اقول حضارة 7000 و الكلام ده مع ان اول مبادئ التحضر النظام و النظافة و السلوك الراقى ؟؟.. الذين يقولون كل شئ تمام و احنا حلوين و بلاش ننقد نفسنا هم اول عقبة فى سبيل التقدم ! ..

الامم لا تتقدم الا عندما تقر و تعترف بأن فى حاجة غلط و تقرر ان تلجأ للعلم لا الخرافات كوسيلة اساسية للتغيير و نبتعد عن الدجل و الهمبكة و المنظرة و نستبدل الفهم القاصر للدين بفهم اعمق بأن الدين ايضا وسيله لتعمير الكون بالعلم و العمل وان نطلب العلم بأستمرار و ان نتعلم حتى من اعدائنا مش عيب و نأخذ بالاسباب بدلا من ان نذهب من كارثة لكارثة و لا نتعلم شئ و نرمى كل عيوبنا و بلاوينا على الاستعمار و الصهيونية و الغرب المتعصب ! .. قال يعنى احنا اللى ملايكة و طيبين و مش متعصبيين !!

المشاركة الأصلية كتبت بواسطة pro-drive

ما داه اللي بقول فيه من الصبح انت فين !!!!

علي فكره انا اخر واحد بيمدح في النفس انت مفهمتش غرض الموضوع خاااااااااالص

طلع رد من الردود في الموضوع كله بتقول كدا !!!!!!!!!!!! حضرتك بترد في موضوع تاني ولا ايه ؟؟؟

و مين في مصر مش معترف ان مفيش حاجه غلط !!!!

انت شايفني بفتح الكوتشينه مثلا !!! ولا بقرا الفنجال !!!!!!!!!!!!!!!!!!!!!!!!!!!

كل اللي قلته و غرضي من الموضوع ان مفيش اي انسان اقل من انسان اخر لا دين ولا شعب ولا ولا ولا

انا عاوز افهم هو انت بتكلم مين بالظبط !!!!! هو مين قال عكس كدا !!!!!

--------------------------------------------------------------

يا برو كلامى الاخير مكنش موجه ليك بالتحديد و يمكن مفيش خلاف على الهدف العام ..هو كلام او تعليق عام على الموضوع فانا مقتنع تماما ان مشكلتنا الاساسية هى اهمال العلم فى حياتنا و العشوائية فى اتخاذ القرارات و التنفيذ و غالبا المسائل بتمشى لمصلحة ناس محددة و بيغلفوها بالصالح العام .. اسرائيل تنفق على البحث العلمى اكتر من الدول العربية مجتمعة ..و التعليم عندنا نزل للحضيض و الدولة لا تعطى فرصة لابنائها
المخلصين زى احمد زويل .. شوف طلعوا عينه ازاى علشان ينشئ مركز علمى فى مصر ... اذا كان موضوعك عن امجاد العلماء العرب
ممكن يشحذ الهمم يبقى شئ عظيم لكن اذا فهمه البعض اننا كويسين و حلوين قوى بدليل العلماء العرب هما اللى عملوا كذا و كذا و كفاية
كده و نشعر بالراحة يبقى مش حنفوق و نشد حيلنا و نركز على العلم زى ما بنهتم بالكورة .. و دمتم .