الموضوع: اخر نداء قبل الشراء

من رأيي المتواضع,, قارن بين اللوجان و الساجا,,, لو اوتوماتيك خليك في الساجا طبعاً,, لو منوال,, اتفرج على الأثنين و اختر الي ترتاح لها.
اللوجان انا كنت هاجيبها خلاص بس لقيت الساجا نزلت و اراء الناس في الأثنين ممتازة و مشاكلهم لا تقارن بمشاكل مثيلاتهما.

مع احترمي لآراء كل الناس بس انا شايف كمية فتي,, يا ريت يا جماعة محدش يشكر او يشتم بدون علم.
الساجا مش بتاكل بنزين و مفيهاش عيوب تقفيل و عالية عن الأرض, العيب الوحيد في علبة الدركسيون و مش عند كل الناس و بتتغير في التوكيل ,,, اللوجان, كفاية الي مكتوب في قسمها.

نصيحة الى المشتري, انظر في اقسام العربيات الي بتقارن بينها احسن ما تسمع الفتي

انا سمعت طلبك في العربيهاللوجان قطع غيارها غاليه نسبيا و ثباتها قليل, الساجا نفس الكلام و البيكانتو فعلا متنفعش سفر علشان مفيهاش شنطه! ايه رأيك في الفيات بونتو كلاسيك؟ كانت ب 73000 و عملوا عليها عرض ب 65500 دلوقتي بس ! عربيه 1400 صناعه ايطالي بالكامل ثبات عالي و استهلاك بنزين قليل 2 ايرباج و فل اوبشن و قطع غيارها في كل حته للصيانه لأنها في مصر من 16 سنه!! يا دوب الشكل بتاع الفوانيس و اخرك تأمن عليها و خلاص و فعلا سيبك من الصيني. اللي بيشتري الصيني بيضحك على نفسه لانه بقى بسعر الياباني. و ييجي يقولك العربيه زي الفل بس العجله بتصفر و المقبض بتاع الباب ضعيف و الازاز بيزيق و تقيل و النور بيعلق و العفشة ناشفه و الكماليات بتبوظ بعد كام شهر و التكييف ضعيف بس ما عدا كده العربيه زي الفل و مريحاني! يعني العربيه الصيني بتبقى زيرو و تروح بيها للتوكيل خمسين مره يصلحوا و يظبطوا فيها على تبقى بحالة ياباني او كوري شغال بقالوا 5 او 6 سنين

اللوجان ثم الساجا
فى بعض الكلام مش مظبوط
زى اللوجان ثباتها وحش وده كلام واحد لا عمره ركب لوجان ولا حتى دخل قسم لوجان عشان يسمع ملاكها بيقولوا أيه
مفيش حد بيكره اللوجان يتكلم على ثباتها

المشاركة الأصلية كتبت بواسطة mostafashokry

السلام عليكم . استأذن حضرتك فى معلومة إن الارتفاع عن الأرض ليست ميزة بل بالعكس العربية العاليه عن الأرض بتكون أقل ثبات فى السرعات العاليه, أيه رأى حضرتك فى السينا عاليه عن الأرض ولكن!!!!!!!!!!!!! عشان بس ماحدش يزعل منى
كل العربية ما تكون ارتفاعها قليل تكون أكثر ثباتاً و العكس صحيح و المشطلة ألى بتقابل مصممين السيارات التوفيق بين العملية (الأرتفاع) و المثاليه (الثبات). والسلام عليكم

طبعا كلام حضرتك اختصار مخل
يعنى الارتفاع عامل من العوامل الى بتأثر على الثبات بس مش هو كل العوامل (زى نظام التعليق وقاعده العجلات ووزن العربيه )
لو كلامك صح لكانت الفيرنا الاكثر ثباتا فى مصر
ثبات اللوجان بالمقارنه بنفس الفئه ممتاز