الموضوع: إيه هو كله شكاوى شكاوى ما فيش حاجة عدلة فى العربية أو التوكيل؟......... (دعوة للنقاش)

المشاركة الأصلية كتبت بواسطة momenhamdy

+1111111111111111111111111111111

الله ينور عليك يا استاذ احمد

و مفيش غير كدا ممكن يتقال علي مستوي القسم حالياً

و كل سنه و انت طيب و كل اعضاء منتدي بروتون المحترمين بخير

تحياتي

أستاذ مؤمن مجرد مرور حضرتك على الموضوع شرف ليا

المشاركة الأصلية كتبت بواسطة raul_7

أنا بصراحة متضايق جدا إن الناس القديمة مبقتش تدخل القسم ولا تشارك خالص.

ماهو لو كل واحد ريح كده هنلاقي القسم فضي وماحدش هيرد على حد.

ولا ايه ؟

يا ريت الناس القديمة ترجع, أنا فعلا مفتقد مشاركاتهم.

تحياتي

المشاركة الأصلية كتبت بواسطة solly2net

اعتقد في الحالة دى, دور الأعضاء القدامى هو النصيحة للجدد. و اكيد الناس طباع مختلفة و مع زيادة عدد الأعضاء هتلاقي حاجات هايفة و رخمة.

أنا بضم صوتى لصوت حضراتكم بس لازم المزاضيع تبقى هادفة أكتر من كده و هدفها فعلا الاستفسار مش الهجوم و أكيد زيادة الأعضاء هيزود نوعية المواضيع اللى اتذكرت فى الآخر بدون توصيف لكن المشكلة لما تبقى أغلبية المواضيع كده

المشاركة الأصلية كتبت بواسطة mido_soliman

انا يمكن مختلف شوية مع الاستاذ يوسف فى اللى هوة قايلة فى الموضوع ومعترض تحديدا على المسمى للموضوع
مع احترامى للجميع فى فرق كبير جدا بين الاستفسار والشكوى لو حبينا نستعرض اول صفحتين من المنتدى باعتبارهم الاحدث مواضيعا حنلاقى ان مفيش شكوى من العربية انما استفسارات لمواقف حدثت مع مالكين جدد وينبغي للمالكين السابقين تقديم العون نتيجة لخبرات طبيعية اكتسبوها نتيجة الممارسة ولكن ما يظهر الاتى وياريت محدش يزعل منى
فين الاخوة الاعضاء القدامى دول ؟؟؟؟؟ مكانهم فين يعنى ؟؟ ورا الشاشة بيتفرجوا على اللى بيتكتب ومحدش بيرد طب لية ؟؟ اذا كان على حد بيشتكى فكان اسم عضو انا وايمن تحديدا عارفينوا ولما شدينا علية شوية كام مرة كدة مبقاش بيتكلم خالص والنغمة اختلفت تماما وكل ما هنالك وهو ما خصص المنتدى فى الاساس لة هو التعارف وتبادل الخبرات والاراء حول كل ما هو جديد وغير تقليدى للسيارة سواء كان شىء جيد او شىء غير جيد
كل ما اريدة منك يا استاذ يوسف ان تحدد لى بالاسماء اشخاص بعينهم يشكون لغرض الشكوى والتذمر فقط لا غير اعتقد ان الموضوع دة مش موجود فى المنتدى لان مفيش واحد جديد او قديم معاة العربيية وكارهها
التوكيل دى حاجة محدش فينا لية حكم على الاخر ولا حاجة تزعل ولا تدايق دى اراء ووجهات نظر مختلفة ومواقف مختلفة لكل عضو حصلتله مع التوكيل فبالتالى منقدرش كمان ان احنا نقول الناس بتشتكى من التوكيل انا واحد من الجدد ليس لى عندى ادنى مشكلة لا مع السيارة ولا مع التوكيل بل بالعكس لكن مقدرش احكم على التوكيل لما حد يقولى دة توكيل اى كلام او عادى او او الخ لكن السيارة لا غبار عليها وكل مالك لها عارف الكلام دة كويس ومحدش بيشتكى منها فى فرق مرة اخرى بين الشكوى والاستفسار الشكوى دى اعتقد بنلاقيها خارج المنتدى وخصوصا من الفتايين
وخلاص خليتوا المنتدى جدد وقدامى ودة شىء مش حلو اصلا وانا بصراحة لا اعترف لة العضو بفاعليتة فى المنتدى ومشاركاتة البناءة (مش الف مبروك وربنا يديك خيرها ويكفيك شرها لحد ما يبقى عندة 5000 مشاركة ) التى من خلالها تكسبة خبرات وتساعد اخرين فى حل استفساراتهم قدر المستطاع
اتمنى ان محدش يزعل منى لكنى بصراحة شايف ان الموضوع مش فى محلة وان كان هناك تقصير فهو من رواد المنتدى بحكم التسمية وليس من الاعضاء الجدد وتحياتى للجميع وكلامى عام لا اقصد منة اى تجريح فى اى شخص ايا كان فكلكم اخوة لى

طبعا من حق حضرتك تختلف معايا زى ما حضرتك عايز بس أولا أنا هختلف معاك فى إن اسم أخوك فى الله صاحب الموضوع هيثم مش يوسف.

ثانيا أنا متفق معاك تماما إن كلمة جدد و قدامى تعتبر عنصرية شوية بس أنا متأكد برده إن الناس اللى قسمت التقسيم ده و قد يكونوا محقين فيه بصرف النظر عن مسمى التقسيم ما يقصدوش عضو جديد و عضو برونزىو عضو نحاسى و عضو خشبى لكن المؤكد إنهم يقصدوا الملاك القدامى لبروتون و اللى أكيد من خلال المدة الطويلة اللى قضوها مع العربية خبرتهم أعلى من الأعضاء الجدد اللى لسه مشترنها.
فيه فرق فعلا بين الاستفسارات و الشكاوى و اللى أنا شايفه شكاوى أكتر منها استفسارات و اعذرنى أنا مش داخل أتهم حد بعينه عشان أحدد لحضرتك أسماء لكن نوعية المواضيع بتتكلم عن نفسها يعنى مثلا موضوع الفرامل اللى استفز المنتدى كله الفترة اللى فاتت حضرتك شفت التعليقات فيه ازاى و من ناس ما جربتش حتى العربية و موضوع العضو اللى اتكلم على البرسونا و الأسباب اللى خلته يفضل عليها النيسان أنا طبعا لا بصادر على كلامه و لا رأيه لكن أنا لما كنت بقارن نفس المقارنة و استقريت فى الآخر على البرسونا و عن اقتناع دخلت على منتدى بروتون قلت أنا اخترت بروتون ليه و ليه فضلتها على النيسان مش دخلت منتدى نيسان أقول دى أسباب رفضى إنى أركب نيسان معرفش إيه الفايدة اللى هتعود عليه من ذكر الموضوع هنا و برده الناس اللى تتسأل عن عربية معينة تقول رأيها فيها و تعممه و كأنه رأى مطلق و ما عداه شذوذ فى التفكير زى مثلا اللى قال إن سبب عدم انتشار الساجا إنها عربية وحشة أوى شكلا. هل ده شكل الحوار اللى ممكن حضرتك ترد عليه؟ أنا متذكر إنى أول ما اشتركت كانت البرسونا لسه نازلة و كنت داخل أشوف صورها و لقيت الناس اللى ماكنتش عاجباها شكلها كانت كاتبة هى مجرد محاولة للحفاظ على شكل الجين بس ما نجحتش أوى و افتقدت الشكل الثورى للجين. الكلمة دى بالنص كانت بدون مبالغة أسوأ كلمة اتكتبت عن العربية وقتها و أكيد حضرتك ملاحظ فرق مستوى الحوار و الاحترام بين الأعضاء لكن عشان أدخل أهاجم العربية و لما حد يدافع عنها يبقى متعصب و عميل و بيسوق لها بدون وعى. إيه اللى يخللى الواحد يستحمل النوعية دى من الإهانات و هو كل هدفه إنه بس يفيد غيره و يستسمتع بوقت لطيف مع ناس كويسة و يتعرف على ناس جديدة مش عشان يحرق دمه و ممكن يتشتم كمان إذا قال كلمة حق و آسف على الإطالة و أكيد أنا متأكد من حسن نواياك و إنك مش بتجرح فى حد بس حبيت أوصل لحضرتك وجهة نظرى

المشاركة الأصلية كتبت بواسطة م.محمد مختار

بس أنا مش شايف ان الكلام كله سلبي بدليل اني لما دخلت القسم علشان آخد قرار الشراء كانت النتيجة اني و الحمد لله اقتنعت و اشتريت!!!
كما ان الانتقاد يبرز المميزات أيضاً بشكل أو بآخر لأن الردود تضع الأمور في حجمها الحقيقي... لا فوق أوي ولا تحت أوي!!!
وبعدين كل الكلام الكويس اتقال خلاص و المواضيع المتثبتة مغطياها و أي تكرار حيكون تكرار ليس إلا..

أنا مش بعمم أخى الكريم أنا بقول معظم أو أغلبية المواضيع و أنا متفق معاك تماما فى كلامك

المشاركة الأصلية كتبت بواسطة مصطفى_صديق

لما كنت معرفش حاجة عن العربية....دخلت المنتدى ولقيت ناس بتتكلم عن العربية....سمعت منهم....واستفدت منهم....وكونت رأى عن العربية.....حتى لو كان فى شخص ما....مكنتش موافق على رأيه.....كنت أحترمه.....لانه مشكورا قاللى رايه....ولا عمرى اتهمته انه بيكدب او بيشتغل فى التوكيل او بيحابى او ليه مصلحة خفيه ....ولما قررت اشترى العربية كانت على مسئوليتى الكاملة ...حبا فيها واقتناع بيها

لكن دلوقتى اصبح الوضع مختلف.....وبعد كام حوار ونقاش....قررت انى برده ادخل المنتدى على استحياء ......ليه بقى؟؟؟؟؟؟؟؟؟؟؟؟؟

أقولك ليه

لأنى زى أى حد فيكو....وزى اى حد فى الدنيا بيشوف نفسه انسان محترم.....ولا احب ان اتهم بشئ او ادخل فى حوار وزميل يكلمنى بطريقة مش كويسة وهو لايعرف انا مين ولا سنى كام ولا بشتغل ايه.....فطبيعى جدا ان الجو العام يتوتر ويبقى غير مشجع...لان اسلوب الحوار والتفاهم للأسف أصبح غير مناسب

الموضوع مش تصنيف ناس قديمة وناس جديدة......الموضوع ان الشئ اللى بيجمعنا هنا هو عربية ....والمفروض انى ادخل المنتدى علشان افيد اخوانى واستفيد منهم وأقضى وقت ممتع مع العربية......لكن لو كل ده محصلش....ممكن أعرف هاخش ليه.....وهاشارك ليه....

عادى جدا ان الناس تسأل وتقول مشاكلها.....لكن مش عادى ان يبقى فى ظلم للعربية....وان لازم الناس كلها توافق على الظلم ده...والا يبقى عميل وغير منصف وغير حيادى و...و....و

أنا العربية بفضل الله وكرمة كويسة معايا.....ومظهرش معايا مشاكل تذكر.....والتوكيل معملش معايا اى حاجة وحشة.....يبقى ازاى اخش فى موضوع واقول كده.....وانا عارف تماما انى هاعامل بطريقة مش كويسة وهاسمع من الايحاءات والتلميحات ......أظن كده الدنيا بقت واضحة شوية

وفعلا أنا فى مرات كتير وبعد نقاشات عديدة.....كنت بخرج منها وكلى اقتناع ورغبة فى عدم دخول المنتدى مرة اخرى.....ولولا تشجيع بعض الاخوة لى بالاستمرار مكنتش هابقى موجود علشان اكتب السطرين دول

وأسف للاطالة

+11111111111111111111111111111111111

المشاركة الأصلية كتبت بواسطة alarabiya11

والناس الا موجوده فى قسم بروتون محترمه بتتبادل الخبرات والمعرفة على قدر الحاجه والاستطاعه كانوع من الترفيه بعد يوم عمل طويل ا
وانا لم اسفه فى حياتى من راى انسان اى كان ولعله احب الى الله منى ويكفى انى اتكلم فى المواضيع بدون تكلف الا عايشين فيه طول النهار عيشوا اللحظة بدون قيود ولنتقبل بعضنا البعض بدون تعقيدات

طبعا كل الناس هنا محترمين وفعلا انا اكتسبت صداقات وعرفت ناس من المنتدى قمة فى الاحترام والاخلاق مكنتش أتصور ان لسة فى ناس كده

ناس بتحب تساعد الغير بدون هدف او مصلحة....وانا قلت الكلام ده قبل كده فى موضوع لوحده....ان فى الوقت اللى احنا فيه ده بقى نادر جدا فى عصر سيطرت فيه الانانية وحب النفس

واكيد أنا مقصدش حضرتك بأى شكل من الاشكال....وسامحنى لو اتفهم كلامى بالخطأ

بس الفكرة مش موضوع تعقيدات ولا قيود....أنا مهندس....وكتير هنا ميعرفش انى مهندس....وميهمنيش ان حد يقولى ياباشمهندس او يامصطفى او يا استاذ....حتى لو فى فرق فى السن...مش موضوع تعقيدات ولا قيود

لكن انا بتكلم فى اسلوب الحوار والتفاهم...اللى لازم يكون مبنى على الاحترام مهما اختلفنا....

أرجو انى اكون وضحت وجهة نظرى

تحياتى

المشاركة الأصلية كتبت بواسطة pedro732000

طيب لما متخشش تقدر تقولى برسونتى ازاى هاتطمن على جى جى عندك
بعد اذنك حتى ماتفكرش فى الموضوع ده تانى والا ... دار الفؤاد .....
انت عارف
والله بتوحشنى
اوعه تعملها بجد مش قدر اعبر لك
سلام

دار الفؤاد تانى.....هو انا هالاقيها من مين ولا مين....

ربنا يخليك....وربنا يديم المحبة بينا جميعا

مساء الخير
احب ابدي برأيي بعد اذنكم
اولاً احي صاحب الموضوع على اهتمامة بالقسم وعلى اسلوبة في طرح المشكلة
ثانياُ احيي كل الاعضاء على مشاركتهم المتحضرة والواقعية
ثالثاً من فترة للتانية يظهر موضوع جديد يطالب فيه عضو برجوع المنتدى إلى ما كان عليه من سنة او اكتر هذا عن طريق مشاركات الاعضاء البنائة وطرح ناتج خبرتهم مع العربية

ولكني اتسأل لماذا هذه المواضيع دائمة الظهور من فترة لأخرى..؟؟!!!
هل لأن اعضاء بروتون مفتقدين المواضيع الجديدة البناءة التي كانت تشبع حب معرفتهم وتزيد خبراتهم بمجرد قراءة الموضوع
هل لأن اعضاء بروتون على يقين انه لا يوجد مكان اخر لزيادة معرفتهم وخبرتهم بالعربية غير نايل موتورز
هل لأن اعضاء بروتون شهدوا العصر الذهبي للقسم بمشاركات اعضاء احبوا العطاء بدون مقابل وكان هدفهم هو نشر المعرفة والنصيحة لكل من يملك العربية
هل لأن اعضاء بروتون استطاعوا من خلال القسم التعرف على بعضهم وتمتعوا بصداقة حقيقة واقعية من خلال عالم افتراضي


كثرت الشكوى من القسم في الفترة الأخيرة ولكني احب ان اضع يدي على المشكلة الاساسية
المشكلة في وجهة نظري هي التواكل كل مننا منتظر الاخر ليبدأ , اعضاء جديدة منتظرة اعضاء قديمة لتكتب, لماذا لا تبداء بنفسك..
اكتب لنا موضوع جديد مفيد
اكتب لنا وجهة نظرك في شيء ودعنا نتحاور بهدوء
اكتب لنا عن تجربتك وشاركنا خبرتك مهما كانت
اكتب لنا عن استفساراتك وستجد الإجابة
اكتب لنا عن مشاكلك وسنساعدك

هذا الكلام لي ولك...
فكفا شكوى وهيا نعمل معاً

تقبلوا تحياتي

المشاركة الأصلية كتبت بواسطة eng. Rafy samy

مساء الخير
احب ابدي برأيي بعد اذنكم
اولاً احي صاحب الموضوع على اهتمامة بالقسم وعلى اسلوبة في طرح المشكلة
ثانياُ احيي كل الاعضاء على مشاركتهم المتحضرة والواقعية
ثالثاً من فترة للتانية يظهر موضوع جديد يطالب فيه عضو برجوع المنتدى إلى ما كان عليه من سنة او اكتر هذا عن طريق مشاركات الاعضاء البنائة وطرح ناتج خبرتهم مع العربية

ولكني اتسأل لماذا هذه المواضيع دائمة الظهور من فترة لأخرى..؟؟!!!
هل لأن اعضاء بروتون مفتقدين المواضيع الجديدة البناءة التي كانت تشبع حب معرفتهم وتزيد خبراتهم بمجرد قراءة الموضوع
هل لأن اعضاء بروتون على يقين انه لا يوجد مكان اخر لزيادة معرفتهم وخبرتهم بالعربية غير نايل موتورز
هل لأن اعضاء بروتون شهدوا العصر الذهبي للقسم بمشاركات اعضاء احبوا العطاء بدون مقابل وكان هدفهم هو نشر المعرفة والنصيحة لكل من يملك العربية
هل لأن اعضاء بروتون استطاعوا من خلال القسم التعرف على بعضهم وتمتعوا بصداقة حقيقة واقعية من خلال عالم افتراضي


كثرت الشكوى من القسم في الفترة الأخيرة ولكني احب ان اضع يدي على المشكلة الاساسية
المشكلة في وجهة نظري هي التواكل كل مننا منتظر الاخر ليبدأ , اعضاء جديدة منتظرة اعضاء قديمة لتكتب, لماذا لا تبداء بنفسك..
اكتب لنا موضوع جديد مفيد
اكتب لنا وجهة نظرك في شيء ودعنا نتحاور بهدوء
اكتب لنا عن تجربتك وشاركنا خبرتك مهما كانت
اكتب لنا عن استفساراتك وستجد الإجابة
اكتب لنا عن مشاكلك وسنساعدك

هذا الكلام لي ولك...
فكفا شكوى وهيا نعمل معاً

تقبلوا تحياتي

أولا أنا اللى أحب أحيى حضرتك على مشاركة أثرت الموضوع يمكن أكتر من الموضوع نفسه.
ثانيا مع اتفاقى مع حضرتك فى كل اللى حضرتك بتقوله أنا حاسس إن كل الأعضاء اللى شاركوا أو أغلبهم اتكلم بس فى جودة المواضيع و مدى فايدتها بالنسبة لباقى الأعضاء و طبعا ده مهم بس أساس الموضوع و يمكن هتتخضوا لما تعرفوا أنا كتبت الموضوع ده ازاى و إيه اللى خلانى أفكر فيه من أساسه. الحقيقة إنى كنت هكتب موضوع شكر فى أكتر من موقف رجولى و ذوق حصللى فى التوكيل لأنى كنت بتناقش مع أيمن على أخلاقيات الشخص صاحب الموقف فقال فيه شعر و نفس الشخص ده فى الصيانة أنا الحقيقة اتكلمت عليه بأسلوب ساخر شوية (أنا ما غلطش فيه طبعا) بس سخرت من أسلوبه فى المعاملة و أيمن أحرجنى جدا لما قاللى مواقفه اللى أنا مبدئيا جربتها بنفسى المرة دى و كمان أحرجنى أكتر لما قاللى إنه عضو فى نايل موتورز و إنه بيتابع كل المواضيع و خاصة بتاعة التوكيل و أنا كمان كنت ذاكره بالاسم. حسيت وقتها إن احنا بنشتكى وبس كام واحد من كل كام مرة بيدخل يشكر حد مش عشان بس قام بشغله لأن ده واجبه أكيد و بيقبض عليه فلوس لكن لما حد يحصل معاه زيى و يتخدم خدمة خاصة و بدون وسايط و لا زعيق و لا خناق و ياخد حق مش حقه (بس برده مش حق غيره عشان ماحدش يعتقد إنى جيت عليه) يبقى لازم زى ما بنشتكى نشكر الناس الذوق اللى بيقدمولنا الخدمات دى و نشكر فى التوكيل اللى زى ما بيضم ناس بصراحة ربنا يسامحها على تعاملاتها و تصرفاتها برده بيضم ناس ذوق و محترمة و أعتقد المهندس آمر مثال لا خلاف عليه و أكيد العربية زى التوكيل زى أى حاجة تانية فيها الكويس و الوحش فمش عايزين كلامنا عموما يبقى بس عن الكويس و نسيب الوحش و استنوا موضوعى عن يوم محترم فى توكيل محترم و مع ناس قمة فى الحترام و الذوق.