الموضوع: إيه هو كله شكاوى شكاوى ما فيش حاجة عدلة فى العربية أو التوكيل؟......... (دعوة للنقاش)

بس برضوا الصراحة الواحد ماكنش متخيل ان الناس القدامي يشيلوا ايديهم كدا من المنتدي ..
دلوقتي تقريبا مافيش غير كام عضو هما الي بيتجابوا مع اي استفسار بينزل ومعظمهم من الجداد ..
انا حتي لو في حاجة مش عارفة بحب اسيب لصاحب الاستفسار رد حتي احسسة اني مهتم معاة ..
والواحد كان حابب يفيد ويستفيد .. من الناس الي كانت موجودة وعارفة بروتون من قبلنا بس للاسف معظمهم بيخش علي استحياء ..

دلوقتي حتي لو في حاجة في العربية عندي بستفسر عنها مش بنزل مواضيع بسال ع الخاص والناس دي مشكورة بترد علطول ..

اعتقد في الحالة دى, دور الأعضاء القدامى هو النصيحة للجدد. و اكيد الناس طباع مختلفة و مع زيادة عدد الأعضاء هتلاقي حاجات هايفة و رخمة.

بس أنا مش شايف ان الكلام كله سلبي بدليل اني لما دخلت القسم علشان آخد قرار الشراء كانت النتيجة اني و الحمد لله اقتنعت و اشتريت!!!
كما ان الانتقاد يبرز المميزات أيضاً بشكل أو بآخر لأن الردود تضع الأمور في حجمها الحقيقي... لا فوق أوي ولا تحت أوي!!!
وبعدين كل الكلام الكويس اتقال خلاص و المواضيع المتثبتة مغطياها و أي تكرار حيكون تكرار ليس إلا..

لما كنت معرفش حاجة عن العربية....دخلت المنتدى ولقيت ناس بتتكلم عن العربية....سمعت منهم....واستفدت منهم....وكونت رأى عن العربية.....حتى لو كان فى شخص ما....مكنتش موافق على رأيه.....كنت أحترمه.....لانه مشكورا قاللى رايه....ولا عمرى اتهمته انه بيكدب او بيشتغل فى التوكيل او بيحابى او ليه مصلحة خفيه ....ولما قررت اشترى العربية كانت على مسئوليتى الكاملة ...حبا فيها واقتناع بيها

لكن دلوقتى اصبح الوضع مختلف.....وبعد كام حوار ونقاش....قررت انى برده ادخل المنتدى على استحياء ......ليه بقى؟؟؟؟؟؟؟؟؟؟؟؟؟

أقولك ليه

لأنى زى أى حد فيكو....وزى اى حد فى الدنيا بيشوف نفسه انسان محترم.....ولا احب ان اتهم بشئ او ادخل فى حوار وزميل يكلمنى بطريقة مش كويسة وهو لايعرف انا مين ولا سنى كام ولا بشتغل ايه.....فطبيعى جدا ان الجو العام يتوتر ويبقى غير مشجع...لان اسلوب الحوار والتفاهم للأسف أصبح غير مناسب

الموضوع مش تصنيف ناس قديمة وناس جديدة......الموضوع ان الشئ اللى بيجمعنا هنا هو عربية ....والمفروض انى ادخل المنتدى علشان افيد اخوانى واستفيد منهم وأقضى وقت ممتع مع العربية......لكن لو كل ده محصلش....ممكن أعرف هاخش ليه.....وهاشارك ليه....

عادى جدا ان الناس تسأل وتقول مشاكلها.....لكن مش عادى ان يبقى فى ظلم للعربية....وان لازم الناس كلها توافق على الظلم ده...والا يبقى عميل وغير منصف وغير حيادى و...و....و

أنا العربية بفضل الله وكرمة كويسة معايا.....ومظهرش معايا مشاكل تذكر.....والتوكيل معملش معايا اى حاجة وحشة.....يبقى ازاى اخش فى موضوع واقول كده.....وانا عارف تماما انى هاعامل بطريقة مش كويسة وهاسمع من الايحاءات والتلميحات ......أظن كده الدنيا بقت واضحة شوية

وفعلا أنا فى مرات كتير وبعد نقاشات عديدة.....كنت بخرج منها وكلى اقتناع ورغبة فى عدم دخول المنتدى مرة اخرى.....ولولا تشجيع بعض الاخوة لى بالاستمرار مكنتش هابقى موجود علشان اكتب السطرين دول

وأسف للاطالة

والناس الا موجوده فى قسم بروتون محترمه بتتبادل الخبرات والمعرفة على قدر الحاجه والاستطاعه كانوع من الترفيه بعد يوم عمل طويل ا
وانا لم اسفه فى حياتى من راى انسان اى كان ولعله احب الى الله منى ويكفى انى اتكلم فى المواضيع بدون تكلف الا عايشين فيه طول النهار عيشوا اللحظة بدون قيود ولنتقبل بعضنا البعض بدون تعقيدات

لا ياس مع الحياة ولا حياة مع الياس

اذا كان بعض الناس كان ليها اقتراحات ولم تنفذ ده لا يعنى انه يحس بانه لا جدوى من المنادة باتحاد
مالكى بروتون لحماية مالكى البروتون من الوكيل المصرى والصانع الماليزى
وتقديم العون لمالكى السيارة كافضيلة انسانية فطرنا الله عليها وميزنا بها عن المخلوقات الاخرى

.