الموضوع: إيه هو كله شكاوى شكاوى ما فيش حاجة عدلة فى العربية أو التوكيل؟......... (دعوة للنقاش)

المشاركة الأصلية كتبت بواسطة jisso82

أستاذ مؤمن مجرد مرور حضرتك على الموضوع شرف ليا

ربنا يخليك يا باشا كلك ذوق و الله العظيم

وياريت اي عضو فاضل ليه اي استفسار بخصوص العربيه يراسلني علي الخاص و انا حرد عليه فوراً بأمر الله

تحياتي ليك و لكل اعضاء بروتون المحترمين

موضوع فعلا جميل جدا وده الطبيعي في القسم الجميل الي عمري مزعلت اني دخلته في يوم من الايام راجع التوبيك ده كده وانت تعرف بقول كده ليه كاتب راي فيه

http://www.nilemotors.net/Nile/168057-a.html

خلوها على الله وعيشوا اللحظة بالحب والصدق والصفاء بلا مكر ولا كراهية او تعقيدات

قال رسول الله عليه الصلاة والسلام (ما أنا في هذه الدنيا إلا كراكب أستظل تحت شجرة ثم قام وتركها)
صدق رسول الله عليه الصلاة والسلام

المشاركة الأصلية كتبت بواسطة momopersona

انا رأيى فى الموضوع كالاتى
ابراز العيوب اهم بكتيييير من ابراز المميزات
لان العضو الجديد اللى ناوى يشترى لو فضلنا نقول له المميزات فقط وراح اشترى وهو مقتنع انه بيشترى عربيه خاليه من العيوب وكلها مميزات وكمان سعرها قليل
و قابل عيوب هايزعل مننا كلنا

أنا بختلف معاك يامحمد ابراز العيوب زى إبراز المميزات لازم يتساوا و حتى المساواة بينهم كمان ممكن يبقى حرام لأننا كملاك كلنا عارفين إن الممزات أعلى بكتير من العيوب و كمان المميزات كلها فى أساسيات و العيوب فى أوبشنز فى الغالب الأعم و حاجات مالهاش دخل فى تقييم العربية و أدائها و طبعا ماحدش قال إن احنا نذكر مميزات بس و نضحك على الناس و نقولهم إنها خالية من العيوب لكن ما نديش الموضوع أكبر من حجمه يعنى لما واحد فى موضوع قديم شوية يقوللك إزاى عربية جديدة و مافيهاش نور فى التابلوه و لا اللى قال مرة إن لمبة الصالون اتحرقت و العربية لسة ما عملتش صيانة ال1000 و بيستشهد بالموقف ده على إن خامات العربية الداخلية سيئة و دون المستوى

ورأيى ان السبب فى انتشار المواضيع اللى بصيغة شكوى او استفسار سببه اكيد وجود مشاكل مش ظلم للعربيه ولا حاجه
وده ممكن يكون انتشر فى الموديلات الحديثه فقط فبالتالى الناس القدام بيزعلو مش مصدقين وجود المشاكل او فاكرن فى مبالغه

انتشر فى الموديلات الحديثة أكيد يا محمد انت مش متابع كويس ده الموديلات الحديثة أقل عيوب بكتير من القديمة و ده بشهادة الملاك القدامى قبل الجدد

وزى مافى ناس بتشتكى فى ناس بتشكر جامد فى العربيه

هل يا ترى انا المفروض اشكر على طول وانا بواجه مشاكل بردو ؟؟
طب هل مفروض لما تقابلنى مشكله مانقلهالكوش هنا بالكامل ؟؟

ماحدش قال كده أنا ما طلبتش من حد ينافق بس مراعاة ضميرنا و المساواة فى ذكر الكويس و الوحش
لازم نقول المميزات بالكامل وايضا العيوب بالكامل وده اللى انا شايفه بيتم فعلا فى القسم بتاعنا بالظبط كده

وبكده نبئا بنفيد بجد

وطبعا باتمنى مشاركة اصحاب الخبره فى المنتدى تزيد وترجع زى زمان

اهمية ابراز العيوب وفوائدها بالتجارب :
1- لما اشتكينا اكتر من عضو من مشكلة طول مشوار الفرامل :
سعى المهندس رامى الخبير صاحب افضل موضوع فى رأيى وحل المشكله نهائيا لانه كان متأكد ان المشكله مش فرديه عنده نقلهالنا وبكده استفادنا
2- لما اشتكينا اكتر من عضو من صوت الهواء بمثلث الشباك :
تم حل المشكله ونقل التجربه بالكامل بردو لان صاحب الموضوع كان عارف ان المشكله مكرره مش معاه بس
3- لما اشتكينا من مشكلة صوت علبة الدريكسيون :
لما عضو حلها فى التوكيل نقل التجربه لنا وعلى وشك الانتهاء من المشكله نهائيا ان شاء الله
الخ الخ الخ

وتبقى السياره الافضل كقيمه مقابل سعر
وكسياره رياضيه رخيصه ذات ثبات ومحرك وكماليات ممتازه
وتبقى العيوب الغير مؤثره على الاداء موجوده ايضا ويجب ابرازها ونقل جميع التجارب للافاده والاستفاده من البجارب السابقه.

ميرسى يا محمد عموما لمشاركتك و أتمنى أكون قدرت أوصلك قصدى

المشاركة الأصلية كتبت بواسطة eslamkasem

بصراحه موضوع مميزه جدا وبجد يستاهل النقاش من كل الاعضاء

بس انا شايف ان احنا هنا كلنا بنفيد بعض والي عنده مشكله ممكن حد يحلها ودا منتدي تبادل اراء وكل واحد ليه حرية انو يقول الي عوزه ومش معقول كل الناس عربيتها بايظه ومش كل الناس عربيتها سليمه التوكيل مستوي متوسط ولازم نعترف بكدا ومفيش حد بيحل فيه مشكله ظهرت زي علبة الدركسيون دي تقريبا مع ناس كتير المشكله ومفيش حل وانا عن نفسي كنت امبارح في التوكيل للمره التانيه في اقل من شهر عشان الصوت الظاهر من علبة الدركسيون لكن مفيش اي حلول طيب دا توكيل يرضي طموح العميل واي حد تكلمه في التوكيل وتقوله ازاي اجيب عربية زيرو ويطلع فيها عيب زي دا يقولك حضرتك شاري عربية بكام كأني المفروض عشان شاري عربي ب90الف يبقي لازم فيها عيب ولما اروح اجيب عربية ب130الف يبقي مفهاش عيب عشان فرق الفلوس دا كلام مش منطقي

التوكيل معترف بمشكلة علبة الدركسيون بس مش عارف يحلها وكل كلامهم مستنين بتوع ماليزيا في تعديل جاي هنركب خرطوم بلاستك بدل الخرطوم الحديد الي بيوصل الزيت لعبلة الدركسيون وكلام غريب بكده المفروض الواحد يقول التوكيل تمام معيا وكويس ولا اقول نقطه سلبيه حصلت معيا

ولماالتوكيل بيعمل حاجه كويسه بنقول انو عمل حاجه اجابيه ونشكر الي عملها ونشيد بيه ونقوله كتر خيرك

والف شكر لصاحب الموضوع

أنا متفق معاك إن التوكيل متوسط لا هو بالسيء و لا الممتاز و لكن بيحاول و بيتحسن و أكيد احنا بنحبط الناس لما بنرز المساوىء بس

المشاركة الأصلية كتبت بواسطة momenhamdy

ربنا يخليك يا باشا كلك ذوق و الله العظيم

وياريت اي عضو فاضل ليه اي استفسار بخصوص العربيه يراسلني علي الخاص و انا حرد عليه فوراً بأمر الله

تحياتي ليك و لكل اعضاء بروتون المحترمين

جزاك الله كل خير على مساعداتك يا باشا

المشاركة الأصلية كتبت بواسطة betza

موضوع فعلا جميل جدا وده الطبيعي في القسم الجميل الي عمري مزعلت اني دخلته في يوم من الايام راجع التوبيك ده كده وانت تعرف بقول كده ليه كاتب راي فيه

http://www.nilemotors.net/nile/168057-a.html

:10d5c8w1107::10d5c8w1107::10d5c8w1107:

متشكر لحضرتك على الكلام الجميل

المشاركة الأصلية كتبت بواسطة alarabiya11

خلوها على الله وعيشوا اللحظة بالحب والصدق والصفاء بلا مكر ولا كراهية او تعقيدات

قال رسول الله عليه الصلاة والسلام (ما أنا في هذه الدنيا إلا كراكب أستظل تحت شجرة ثم قام وتركها)
صدق رسول الله عليه الصلاة والسلام

أجمل ما كتب فى الموضوع ربنا يباركلك

الله ينور يا استاذنا كلنا انتا فين من زمان بجد قسم بروتون محتاج لنوجيهاتك عشان انا واحد من الناس مشاركاتي قات جدا بسبب الخناقات والصراع وطريقه الحوار الي في القسم عشان كده بكتفي بي المشاهده فقط

المشاركة الأصلية كتبت بواسطة karim_monir

سلام عليكم شعب بروتون وخاصة الجيناوية
طبيعي جدا ان يبقى فيه شكاوي
لان فيه ناس دفعت فلوس وعايزة اداء عالي للعربية
مابصتش انها دفعت نص تمن عربية زي الجولف وواخدة اداء عربية زي الجولف
ليه مش بنحط النقط دي في اعتبارنا لما بنيجي نشتري
في امريكا بيقولو على السيراتو (سيمي كرولا)
اي شبيه الكرولا
هما عارفين انهم دافعين تلتين تمن الكرولا وواخدين نفس الاداء والاعتمادية عشان كدة لازم يكون فيه عيوب بسيطة تغطي بقية الفرق في التمن

النقطه المهمه بقي في الموضوع اننا كثقافة شعب البعض وليس الكل مايطلعش صوته الا لما يزعل
ولما تتحل مشكلته تلاقيه سكت
طب يا عمي ماتقول للناس اللي خلصت مشكلتك دي كلمة شكر
دي ناس ساعدتك بدون اي مقابل
لاء
طبيعة انه ياخد ومايديش حتى كلمة شكر

نفس اللي حصل هنا هو اللي حصل في اقسام تانية زي رينو ومشاكل الميجان
وزي كيا ومشاكل السيراتو

مشاكل عادية بتحصل كل يوم
لكن مع انتشار العربية اكتر من اللازم النسبه بتزيد
تبدء شكوى
ويقولو العربية وحشة
بالنسبة ده كلام
عربية بتبيع الف وحدة في السنة لو ظهرت مشاكل في 2% يعني 20 عربية
طيب لما عربية تبيع 10 الالاف وحدة في السنة
نفس النسبة هاتكون ال 2 % = 200 عربيه

وهكذا
يا ريت كلنا لما تظهر لينا مشاكل وتتحل نقول فعلا ان في ناس ساعدتنا وما ننكرش مجهودهم
لان ده هايصيبهم بالاحباط ومش هايدخل يساعدك تاني
ولما تحصلك مشكلة مش هاتلاقي حد واقف جنبك
وافتكر كويس العضو اللي كان بيمشي على 190 كل يوم وجابت نص موتور ودخل شتم في التوكيل وبعد كدة دخل اعتذر لما عرف ان الغلط منه
مش عيب اننا نغلط لكن العيب التمادي في الغلط وعدم الاعتراف به

عذرا للاطالة
تحياتي
كريم منير

حقيقى ده فى حد مايشكرش الا سعده لا عيب ده قول الشرع والعرف فى الشكر

عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح رواه أحمد وأبو داود والترمذي

(( هل جزاء الإحسان إلا الإحسان )

(( إن الله شاكرا يحب الشاكرين ))