الموضوع: رسوم النظافة ......... استعباط بالبقسماط

المشاركة الأصلية كتبت بواسطة shnory

ههههههههههههههههههههههههه ههههههههههههههههههه
انا اللي بروح ارمي الزباله
والاكراميات اللي باخدها من الوالده ربنا يخليها تخلي اي حد ياكل الزباله مش يرميها بس هههههههههههههههههههه
----------------------
طيب اهي الزباله فيه عربيه بتاخدها
انما ابقوا بصوا بصه كده في وصل الميه
حوالي 50 % من قيمه الوصل تحت بند صرف صحي
يعني بتدفع وانت بتشربها
وبتدفع تاني وانت بترجعهالهم
بس تقريبا عاملين حساب العرق والبخر والناس الي بتفك زنقتها بره البيوت
يعني ممكن الواحد يكون مزنوق وينزل تحت شجره
ويلاقي الشجره طلعتله منديل ووصل بربع جنيه

شكلك كدة معترض على اسلوب الدولة في الحفاظ على الصحة العامة ... وبتدعو المواطنين البسطاء السذج اللي مش فاهمين وممكن ينضحك عليهم للعصيان .... وكمان مش عاجبك الحال ..... يعني الحكومة تعمل ايه اكتر من كدة
ده مش ناقص غيبر انهم يغيرو البامبرز للشعب كل يوم قبل النوم ..... بصراحة انت خطر على الامن القومي ومنابع نهر النيل .... سلم نفسك يا شنوري ..... المكان كله محاصر ... وفيه مخبر على كل إمة

المشاركة الأصلية كتبت بواسطة elassar2010

احنا ماعندناش حاجة اسمها حد يطلع ياخد الزبالة من عندك
كل يوم باليل او الصبح والواحد نازل الشغل بياخد كيس الزبالة ويرمية تحت الرصيف بتاع البيت
غير الناس الى بترمى الزبالة من البالكونات بعد الساعة 12 باليل تسمع انفجارات الاكياس

وبندفع رسم النضافى طبعا على الكهربا

بص يا باشا
ترمي الزبالة بنفسك ..... يشيلها الزبال ..... يحدفوها من شباك الطيارة ... طل دي شكليات
المهم كله بيدفع ...... ادفع الاول وبعين نتكلم .... وكل واحد من حقه يتكلم .... والحكومة من حقها تطنش