اتمني من كل الاصدقاء اللي جايين عن طريق الدائري انهم يركزو اوي في الفتحة اللي لازم يدخلوها
لما بنكون ماشيين علي الدائري بنواجة فتحة طريق سطحي علي اليمين يدخل لترعة المريوطية ولكن للي رايح شارع الهرم مش اتجاهنا خالص وعلي ايدنا الشمال في نفس المكان تقريبا مطلع الوصلة الجديدة اللي بتودي للسادس من اكتوبر والطريق الصحراوي وطبعا دي ملناش دعوه بيها يا زواوي ارجوك اللي يهمنا اننا نكون في وسط الدائري في المنطقة دي علشان لا ندخل يمين (سطحي) ولا شمال (مطلع الوصلة)
وبنسير في الوسط لحد لما نعدي من تحت الوصلة الجديدة وندخل الفتحة اللي علي ايدنا اليمين بعد الوصلة علي طول وأتذكر ان عليها يافطة كبيرة لشركة اسمها ( sgs ) والفاتحة دي لترعة المريوطية للي رايح طريق (الحرانية ثم سقارة ) واول لما بننزل سطحي بتكون ترعة المريوطية علي شمالنا من هذا المكان بالضبط بنمشي علي عداد العربية حوالي 3 كم حتي القرية بأذن الله واللي جاي من شارع الهرم حوالي 8 كم واللي عاوز احداثيات دي احداثيات تقريبية عن طريق جوجل ايرث
( 90 06 57 29 N ) ان شاء الله كلنا نوصل بالسلامة ( 60 43 10 31 E ) وانا حبيت اساعد العزيز ابوليلي باللي اعرفة حتي نخف الضغط عنه شويه وده رقمي للي يضل الطريق ربنا يستر
( 0101963110 )
م.حاتم السباعي
المفضلات