الموضوع: مقابلة كيا يوم 6/8/2010 ( كل التفاصيل بالداخل )

السلام عليكم ورحمة الله وبركاته

اعضاء كيا الكرام كل عام وانتم بخير بمناسبة شهر رمضان المعظم

الموضوع يعتبر نهائى بخصوص المقابلة التى تم تحديد ميعادها يوم الجمعة الموافق 6/8/2010 بأذن الله

تم تحديد المكان الذى يلق بنايل موتورز عاما وبقسم كيا خاصا وفى البداية يجب ان اشكر كل من ساهم فى تحضير هذه المقابلة

قبل الجميع ادارة نايل موتورز المحترمة التى استطاعت ان توجد الحب فى قلوب جميع الاعضاء .

استاذ / كريم منير من كل قلبى بشكرك على حضورك وتشريفنا المقابلة

الاستاذ / احمد مصطفى ( احمد TV ) والمفاجاة انه من قسم نيسان وكان منظم رحلة فايد اللى كانت مكسرة الدنيا واستعنت به لغرض واحد فقط وهو حبه للمنتدى وجميع الاعضاء فى كل الاقسام وفعلا من كل قلبى وبالنيابة عن قسم كيا بشكره على مجهوده لتنظيم المقابلة ( شكرا على التورتة )
الاستاذ / احمد سعد صاحب اكبر المفاجات وهى احضار المهندس / خالد فاروق مدير صيانة ابورواش وصاحب الافكار الجميلة

نبدا على بركة الله

اليوم / الجمعه الموافق 6/8/2010

الساعة / 2 ظهرا ( بعد صلاة الجمعه )

المكان / قرية العزية
العنوان / الهرم طريق سقارة – ترعة المنصورية

القيمة / ما بين 60ج الى 70 ج ( على حسب العدد ) شامل وجبة غداء + حمام سباحة

ده اللينك الخاص بالقرية منتدى قرية العزبهــ السياحيـهـــ/

التفاصيل

تعتبر القرية من اشهر الاماكن الموجودة فى مصر من حيث المكان والهواء الصحى والجو الريفى يوجد فى القرية اماكن كثير ما بين مفتوح حيث الهواء الطلق والاماكن المغلقة (المطاعم ) وحمام السباحة وركوب الخيل ومسرح للحفلات

تم الاتفاق على قاعه مكيفه الهواء للاجتماع والقاعه تتسع لاكتر من 40 شخص هتكون مخصصه لنا فقط .
هناك امكانية ان يتم الغداء فى مكان خارجى فى الهواء بعد الاجتماع .

والوجية عبارة عن .....
نصف فرخة على الفحم ( او ربع فرخه + 3 قطع كفتة ) + رز + بطاطس + سلاطات + عيش فلاحى + مياه معدنية + مشروب .
تم الاتفاق على تخصيص مكان لنا لركن السيارات .

كيفية الوصول الى المكان :

اسهل طريق هو الدائرى ( المنيب ) للقادم من م نصر او التجمع الخامس او حلوان او المعادى او وسط البلد

هتفضلو ماشين لحد ما تشوفو يافطة مكتوب عليها نازلة المريوطية ( فيصل او الهرم ) هنسيب النازلة دى وهناخد النازلة اللى بعدها على طول ومكتوب عليها سقارة ....ركزو معايا يا جدعان محدش ينزل نازلة المريوطية .

بعد ما تنزل انت كده مسكت طريق سقارة كمل وامشى على طول انت كده فى طريق سقارة هتفضل ماشى على طول ترعه المنصورية على شمالك كمل لحد ما هتلاقى يافطة كبيرة بالعرض قدامك مكتوب عليها معهد المدينة عديها وافضل ماشى لحد ما هتلاقى نفس اليافطة برضه ووقتها هتكون وصلت للقرية على ايدك اليمين . حسيت انك تايه اركن على طول على جنب وكلمنى فى التليفون . ( وائل ) ابو ليلى 0173066640 او 0106033228

كده كل التفاصيل موجوده طبعا فى كلام تانى هيكون فى مشاركات تانية وباذن الله هتكون مقابلة ممتعه ومفيده زى العادة لكل الناس . والرجاء مراجعه الموضوع باستمرار الى موعد المقابلة .

سيتم كتابة الاعضاء الذين اكدو الحضور فى هذا الموضوع وهيكون متجدد باستمرار .

اتمنى ان اكون وفقت فى تحضير مقابلة تليق بكم وان حصل تقصير منى فى شى ارجو ان تتقبلو اسفى

والسلام عليكم ورحمة من الله وبركاته