الموضوع: مشكله بعد غسيل المحرك

طيب بعد اذنكوا ليا استفسار
قريت في المنتدي كذا مرة عن غسيل الموتور بالهوا أو الغسيل الكيميائي لتجنب المشاكل اللي بتحصل من غسله بالميه
إيه هو بقي الغسيل الكيميائي ده؟ والغسيل بالهوا المقصود بيه بضغط الهوا يعني وبس؟ وهل ده كافي؟
ولو حد ممكن يفيدني فين الأماكن اللي بتعمل ده تكون قريبة نوعا ما من وسط البلد والمهندسين والدقي

المشاركة الأصلية كتبت بواسطة nour3alanour

طيب بعد اذنكوا ليا استفسار
قريت في المنتدي كذا مرة عن غسيل الموتور بالهوا أو الغسيل الكيميائي لتجنب المشاكل اللي بتحصل من غسله بالميه
إيه هو بقي الغسيل الكيميائي ده؟ والغسيل بالهوا المقصود بيه بضغط الهوا يعني وبس؟ وهل ده كافي؟
ولو حد ممكن يفيدني فين الأماكن اللي بتعمل ده تكون قريبة نوعا ما من وسط البلد والمهندسين والدقي

افضل حاجه لغسل حوض الموتور هي الجاز والميا والصابون , والهوا كمرحله اخيره
لكن مع مراعاه الابتعاد قدر الإمكان عن اماكن الحساسات والبوبينه والدينامو , وكل شئ له علاقه بالكهرباء
وعدم استخدام تدفق ميا قوي جدا اثناء عمليه التنضيف

في البدايه بيستخدم الجاز لإذابه وتفكيك الشحوم , وبعد الإنتهاء من المرحله دي بتيجي مرحله الميا والصابون لأزاله اثار الجاز , ويفضل تكرار موضوع الميا والصابون اكتر من مره, وبعدها بيتم نفخ الحوض كله بالهواء بشكل متواصل لمده كافيه بهدف طرد رواسب الميا من الاماكن اللي بيصعب الوصول ليها جوا الحوض

انا شخصيا احيانا بعمل الموضوع ده بنفسي , لان مفيش بنزينه هيكون عندها الوقت والصبر انها تغسل وتنشف كويس

وفي محطات البنزين بيغسلو العربيه بالفوم , وده بيدي نتايج كويسه , لكن غالبا مش زي الطريقه التقليديه

الاماكن في الدقي والمهندسين :-
- بنزينه موبيل على النيل قبل نفق الجلاء من ناحيه شارع نوال والعجوزه (غسيل فوم)
- بنزينه موبيل في شارع التحرير بالقرب من سينما التحرير (غسيل فوم)
- بنزين التعاون تحت كوبري الدقي على ناصيه شارع مصدق (غسيل تقليدي) وكويسه
- بنزين موبيل في شارع البطل احمد عبدالعزيز بالقرب من معرض سيراميكا كليوبترا
- بنزينه (التعاون او مصر للبترول, مش فاكر) في ميدان الجلاء في الدقي (غسيل تقليدي) , ولا انصح بها , لان عندهم شغل كتير ومش مهم العربيه يحصلها ايه المهم انها تمشي من تحت ايده وياخد البقشيش

مش عارف ليه حاسس ان الناس بتدخل المنتدي علشان تحاول تعمل مشاكل مش لحل المشاكل وعلشان نعمل عداء مع بعض والموضوع ابسط من كده والكلام لما يبقي تريقة بيبقي واضح ومش محتاج توضيع ورائي انا قلته بلاش نتعامل مع حد منعرفوش او علي الاقل يكون اتجرب من اكتر من شخص وبجد مش عارف اقول ايه بس بجد فيه ناس هدفها جلب المشاكل مش الحل

ميرسي جدا علي الافادة أ. محمد الشامي وكمان طبعا م. محمد ممدوح
الموتور لسه جديد يادوب عليه شوية تراب بس
ان شاء الله أروح قدام وزارة الاوقاف واخليهم ينضفوا بضعط الهوا

انا متريقتش على حد
بمنتهى البساطة لو كنت تعبت نفسك و فكرت شوية فى سبب سؤالى هتعرف ان فى فرق بين النوبيرا و الانوس

و كان سبب السؤال انا ديما فى الانوس خرطوم منافولد الهواء بيقع من اى حاجة تيجى علية و بيعمل المشكلة دى

و دا مش موجود فى النوبيرا ولا الليجانزا

ارجو انك تكون فهمت قبل ما تهجم كدة

المشاركة الأصلية كتبت بواسطة sherif khalifa

انا متريقتش على حد
بمنتهى البساطة لو كنت تعبت نفسك و فكرت شوية فى سبب سؤالى هتعرف ان فى فرق بين النوبيرا و الانوس
و كان سبب السؤال انا ديما فى الانوس خرطوم منافولد الهواء بيقع من اى حاجة تيجى علية و بيعمل المشكلة دى
و دا مش موجود فى النوبيرا ولا الليجانزا
ارجو انك تكون فهمت قبل ما تهجم كدة

قلبك ابيض يا مستر :-)