الموضوع: اتخرجت الحمدلله و جائت مرحله البحث عن عمل و ال cv

المشاركة الأصلية كتبت بواسطة horsepower

السلام عليكم,
هو ده الخطأ الشائع المستمر للأسف لحد اليوم ... حديثي التخرج بينضمو لمكاتب إستشارية دون أي خبرة في التنفيذ وبيتكون النتيجة تصميمات غير قابلة للتنفيذ ... لازم تعرف تنفذ علشان لما يطلب منك تعمل تصميم لحاجة تبقى عارف إللي إنت بتصممه ده هايتنفذ إزاي ... مش كدة واللا إيه

مثلا علشان المهندس ياخد لقب إستشاري بيحتاج يكون نفذ شغل لمدة عشرين سنة مثلا وبيقدم أوراق ورسوماته للنقابة.

طبعا إحنا بنتكلم على أساس إن الشغل كتير والفرصتين موجودين ... الواقع غير كدة ... بس أنا باتكلم إن البداية الصح مع مقاول.

انا داخل على بكالريوس عمارة و عايز أشتغل تنفيذ الحقيقة ....

بس مين هيأخذ واحد حديث التخرج تنفيذ فى شركة مقاولات و هو لسه طالع من البيضا ... حتى التدريب الصيفى ده لا يسمن و لا يغنى من جوع و زى قلته فى الخبرة .... مجرد إنك شفت الحاجات على الطبيعة ...

طب حضرتك رأيك إيه؟

المشاركة الأصلية كتبت بواسطة hazoom2006

لا انا مش خريج هندسة خالص بس بحب المجال دة

انا دلوقتى شغال بالماكس هل ادخل الاتوكاد ولا ممكن اشتغل فى المجال ده بالماكس فقط ولا مينفعش اشتغل بيه لانى مش خريج هندسة ؟؟؟

أصل حضرتك هتشتغل إزاى فى المجال ده و حضرتك معندكش فكرة عن العمارة و تنفيذها ...

يبقى هترسمها إزاى ؟؟؟ الأوتوكاد و الحاجات إللى بتتطلب إنك تكون عارف إنت بترسم إيه مستحيل تشتغل فيها ...

ممكن الماكس على أساس إنك مجرد هتنفذ موديل محطوط قدامك .. رغم إنه صعب بردوا إنك ترسم حاجة مش فاهمها ... بس ممكنه لو متمكن فى الماكس و الناس مدينيك الرسوم جاهزة مجرد هتنقلها

المشاركة الأصلية كتبت بواسطة hazoom2006

لا انا مش خريج هندسة خالص بس بحب المجال دة

انا دلوقتى شغال بالماكس هل ادخل الاتوكاد ولا ممكن اشتغل فى المجال ده بالماكس فقط ولا مينفعش اشتغل بيه لانى مش خريج هندسة ؟؟؟

لو حضرتك تقصد مجال الرسومات الهندسية والإظهار في مكاتب إستشارية يبقى غالبا زي ما قلت لحضرتك هاتحتاج أوتوكاد كبرنامج رسم هندسي أساسي.
ولو إني من رأيي إن حضرتك تركز أكثر على الجرافيكس طلما حابب الصناعة دي ... و تشوف إنت حابب تحترف في إيه فيها Animation واللا Modeling واللا Materials editor واللا Lighting واللا إخراج لأن نفس المشكلة في المجال ده إنك تلاقي الناس بتقول عايز أشتغل بال 3D Max ... 3D Max ده برنامج كبير جدا إن حد يقول أنا باشتغل بال 3D Max زي مايجي واحد يقول أنا باشتغل بالهندسة كلها (عمارة ومدني وكهرباء وكيمياء وميكانيكا ... إلخ)

المشاركة الأصلية كتبت بواسطة seiffoz

انا داخل على بكالريوس عمارة و عايز أشتغل تنفيذ الحقيقة ....

بس مين هيأخذ واحد حديث التخرج تنفيذ فى شركة مقاولات و هو لسه طالع من البيضا ... حتى التدريب الصيفى ده لا يسمن و لا يغنى من جوع و زى قلته فى الخبرة .... مجرد إنك شفت الحاجات على الطبيعة ...

طب حضرتك رأيك إيه؟

ربنا يوفقك إن شاء الله,
الموضوع مش كدة خالص ... كل شركات مقاولات بتكون عايزة مهندسين حديثي التخرج لشغل مناصب تنفيذ أصبحت شاغرة بعد ترقية المهندسين إللي كانو فيها ... دي سنة الحياة ... علشان مهندس يترقى ويمسك شغالانة أكثر مسؤولية لازم أجيب واحد يمسك مكانه ... وده إللي تخلي بالك منه لما ربنا يكرمك في شغل معين إنك تعرف مين كان ماسك الشغلانة دي قبلك وتشوف راح فين وليه والمكان إللي راحه كان مين موجود فيه وسابه وراح فين ... وهكذا ... كل ده هايفهمك بسرعة السلم الوظيفي في الشركة وتبقى عارف الناس بتتحرك إزاي وليه.

المشاركة الأصلية كتبت بواسطة korkor

orascom construction industries - oci academy
اللينك ده لاكاديميه اوراسكوم عندهم برنامج تدريبى ممتاز جدا لحديثى التخرج لمده سنتين بيلففوك على كل الاقسام من تنفيذ ومكتب فنى وجوده وامن صناعى, تخطيط ومتابعه ,احتياجات , حقيقى فرصه هايله لحديثى التخرج وبعد مابتخلص بتتعين فى الشركه مع العلم ان فى مميزات حلوه جدا اثناء البرنامج التدريبى ده سواء من مرتبات او مزايا اخرى متعدده

+1
بس خللي بالك إنك لو قدرت تتدرب مع أوراسكوم تلتزم بالمواعيد جدا معاهم حضور و إنصراف.
مش شرط إنك تتعين في أوراسكوم لأنك كنت بتتدرب عندهم ... بس لو قدرت تثبت نفسك في التدريب و تخللي اللي فوق ياخد بالو من مجهودك وشطارتك ممكن طبعا يكون ليك أولوية عندهم عن إللي مايعرفوهوش ... ده في حالة عدم تدخل عنصر "الواسطة"