دلونى أكرمكم الله

**elmohandeskimo** · 04-08-2010 06:54 PM

أنا بعت عربيتى من أسبوعين و من ساعتها و أنا محتار كا ما حدد عربية يكرهونى فيها أبتديت بالنيسان ex و قلولى نط شوية و هات الأحسن عجبتنى الألنترا 2011 قالولى أوعا دى خفيفة و الغريب أن اللى سايقنها بيقولولي جميلة و ثابتة وقطع غيار متوفرة و أنا عارف أن الواحد يسأل اللى سايقنها و لكن كمية اللى بيقولوا لأ كرهونى فيها المهم قالولى نط شوية وهات السيراتو عربية جامدة المهم أستلفت و أتداينت وجمعت 95500 للسيراتو مانيوال و لما رحت أجيب قالوا السيراتو مانيوال غير متوفرة خليك فى الأتوماتيك ب 101000 قلت كفاية مش قادر .
المهم عشان مطولش عليكوا أنا عايز مشورتكم الكريمة أشوف كسر زيرو ولا زيرو و أنا متفرقش معايا الشكل مع أعترافى بتفوق السيراتو الكاسح فى الشكل و المساحة و لكن أنا عايز عربية فى حدود 95000 أجيب سيراتو أوتوماتيك كسر زيروا و لا لانسر 1600 بومة كسر زيرو و أنا مفرقش معايا الشكل أوى و لكن يهمنى الحجم للصالون للأننى طويل وثبات العربية و تحملها مع الزمن.
أخيرا أرجو أفادتى فى الأعلان التالى .
1

ميتسوبيشي
لانسر 2009

97000 ج
1600 سى سى | 10000كم

هاف سبورت لون فيرانى ميتالك فابريقة بالكامل رخصت ولم تستخدم جميع الكماليات اتوماتيك ايرباج سبلير جنط عتب بدون فتحة سقف 1600 سىسى رخصة سنة باكياس واستيكر المصنع

**mr_vampire** · 04-08-2010 07:46 PM

حلوة اوي وانا رايي فعلا تخليك فالانسر

**M!SHO** · 04-08-2010 07:54 PM

حضرتك فى قسم ميتسوبيشى ..... أكيد الناس هتقولك لانسر
حضرتك ميال لأيه ونفسك فى أيه ؟؟
عشان متجيبش حاجه وترجع تندم

**أبو_حمزة** · 05-08-2010 11:40 AM

لو بتقارن لانسر بومة و سيراتو و الانترا
لانسر تيجى فى الاخر لانها جيل قديم و الاتنين التانيين احدث
العربيات الكورى بقت جودتها عالية
سيراتو شكل احدث لكن هى هى الانترا من حيث المضمون
عشان كده و فى حدود ميزانيتك ارشح لك الانترا و فعلا ملاكها بيشكروا فيها و عن نفسى جربت سواقتها و سواقة لانسر 2008 1600 و الانترا تتفوق فى كل حاجة تقريبا
أما لو دخلت لانسر شارك فى المقارنة فالترتيب ها يتقلب تماما

**medo666** · 05-08-2010 12:52 PM

لانسر وبس................

**wael2sh** · 05-08-2010 01:00 PM

الإنترا كسر زيرو اوتوماتيك أو هات النترا منوال زيرو بل معاك

**mr_vampire** · 05-08-2010 01:01 PM

المشاركة الأصلية كتبت بواسطة هشام حمزه

حضرتك فى قسم ميتسوبيشى ..... أكيد الناس هتقولك لانسر
حضرتك ميال لأيه ونفسك فى أيه ؟؟
عشان متجيبش حاجه وترجع تندم

انا والله مش برشحله لانسر عشان ميال ليها . بس فعلا حسيت بكفاءة الياباني وعايزه يستمتع بانه راكب حاجة ياباني وكفاءة عالية. عموما هو فالاخر الاختيار ليه وعلي حسب امكانياته.

**M!SHO** · 05-08-2010 02:18 PM

المشاركة الأصلية كتبت بواسطة mr_vampire

انا والله مش برشحله لانسر عشان ميال ليها . بس فعلا حسيت بكفاءة الياباني وعايزه يستمتع بانه راكب حاجة ياباني وكفاءة عالية. عموما هو فالاخر الاختيار ليه وعلي حسب امكانياته.

يا فندم أنا عارف والله
( مقصدش حضرتك )

بس مش كل الناس بتحسبها زى حضرتك

**M!SHO** · 05-08-2010 03:02 PM

المشاركة الأصلية كتبت بواسطة elmohandeskimo

أخيرا أرجو أفادتى فى الأعلان التالى .

1

لانسر 2009
1600 سى سى | 10000كم

97000 ج

هاف سبورت لون فيرانى ميتالك فابريقة بالكامل رخصت ولم تستخدم جميع الكماليات اتوماتيك ايرباج سبلير جنط عتب بدون فتحة سقف 1600 سىسى رخصة سنة باكياس واستيكر المصنع

السعر ده يجيبلك سبورت أو سام مش هاف أسبورت