ارجو مساعدتى بسرعة أكرمكم الله 325 موديل 2004 هاى لاين تسوى 185000 ولا غالية

**bahloulcom** · 23-05-2010 02:39 AM

العربية فابريكة ماعدا الاكسدمات ونصف رفرف خلفى حالة جيدة جدا جدا 325 هاى لاين موديل 2004 عاملة 140000 كيلو اسبشال اوردر فرش جملى عن طريق معرض واخدها من اول يد وصيانتها فى التوكيل مع انى من النوع الى ممكن يدفع 10000 جنيه زيادة لو العربية سليمة ارجو النصيحة سريعا لانى على وشك هخلص بكره انشاء الله

**bahloulcom** · 23-05-2010 02:43 AM

عموما ايه رايكو 325 2004 كويسه ولا اجيب حاجة الشكل الجديد بس انا حاسس ان ميزة 2500سى سى مع الجسم الصغير مع ضريبة اقل عشان موديل 2004 حاجة كويسة ارجو التعليق

**hamata** · 23-05-2010 03:01 AM

المشاركة الأصلية كتبت بواسطة bahloulcom

عموما ايه رايكو 325 2004 كويسه ولا اجيب حاجة الشكل الجديد بس انا حاسس ان ميزة 2500سى سى مع الجسم الصغير مع ضريبة اقل عشان موديل 2004 حاجة كويسة ارجو التعليق

عن نفسى ارجح الشكل الجديد عشان متحسش انك راكب عربية قديمة

**TheBuccaneer** · 23-05-2010 03:46 AM

هو حضرتك إذا بتفكر تبيع! يبقى السعر غالى شوية! لأن ال E46 2004 Highline ال 318 فى حدود من 140000 جنية الى 150000 جنية كحد أقصى! حضرتك بتتكلم عن 325 حضرتك شوف الأسعار و قدر و نصيحة فيه بكرة سوق سيارات الأحد انزل السوق مش للشارء و لكن لمعرفة طبيعة الأسعار ليس إلا! و حضرتك هتقدر تقيم بنفسك إذا كان السعر مناسب ولا غالى بعض الشىء! تمام! بالنسبة إذا حضرتك بتفكر تشترى جديد E90 325 أكيد الأمكانيات الموجودة بالجديد هتكون أفضل و أكثر! أنا عن نفسى مش بحب الجديد! وده بتكون مسأله ترجع الى الأذواق و الميل! ربنا يبارك لك و مبروك مقدما

**bahloulcom** · 23-05-2010 09:28 AM

فعلا انا متشكر جدا ربنا يخليكو ليا

**Abo_Lina** · 27-05-2010 06:14 PM

العربية دي من المنصورة يا باشا ?

**zegna** · 27-05-2010 06:23 PM

بتهيئلي غالية بالسعر دة تجيب 320 شكل جديد 2007 -2006 وحالة كويسة كمان عداد قليل وفابريقة راجع نفسك

**د.محمود صلاح** · 27-05-2010 10:41 PM

الضريبة عالية جداً .. خليك في ال 318

**farahat** · 28-05-2010 02:17 PM

المشاركة الأصلية كتبت بواسطة TheBuccaneer

ال 320 الجديدة 2010 سعرها 380000 جنية, حضرتك تفتكر إن ال 2007 أو ال 2006 يعنى فرق بالكثير 4 سنين يخفض تقريبا نصف سعر السيارة يعنى من 380000 جنية الى 185000 جنية, 200000 جنية فرق فى 4 سنين!!!

كلام غير منطقى!

اسمحلي أضيف بعض التوضيحات لحضرتك ،
السعر الرسمي للموديل الحالي من 320i حوالي 360 ألف ، و ممكن عند بعض التجار تجيبها بسعر من 330-340 ألف ، و دة سعر الشكل الجديد المعدل ،
المعلومة التانية إن موديل 2006-2007 كان بدون iDrive ولا فتحة سقف ، و بالتالي سعره في المستعمل نازل
المعلومة التالتة إن سعر المستعمل في الموديل دة ما بين 180 إلى 200 ألف جنيه و دة الرقم الفعلي في السوق

تقبل تحياتي