اسمح لي ابدي اعجابي بقلمك وتميزك واسلوبك الراقي وتالقك
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
دايما مشتوم و مظلوم
الكورى العادى بتاعنا اللى منتشر ..... لانوس اكسنت فيرنا ماتيز نوبيرا الانترا ....... ع طول الشتيمة نازلة تلعن ترابنتييييييين عيلتة مع انة الواحدد لو فكر شوية حيكتشف ان الكورى
أحلى عربية فى مصر
قبل ما نتخانق نتكلم واحدة واحدة ..... الأبن مثلا نجح فى الثانوية ييجى الاب يجيبلة اية ع قد سمعة عربية كورى رخيصة ام 60 او حاجة و خمسين او اواخر حتى الستينات عشان الواد (يخبط بيها براحتة)
او واحد ربنا كرمة شوية وقدر يجمع مبلغ وراح جابها او واحد عمل جمعية و قبضها الاول و غير عربيتة ال128 اللى بقالها 45سنة بتتكحور فى شوارعنا و جاب الحتة اللى ب باور و تكييف وياعم وسع
او واحدة جبتها لبنتها او اب جايبها لمراتة توصل العيال و هكذا
حنلاقى مثلا الولد اللى لسة مستلمها من ابوة مطلع عيين اللى مصنعينها هاتك يا فرك و حرك و يشيل فيها 12 او 15 من شللتة و يطلع ع العجمى يفرم العربية و يحطلها بنزين 80 (مش عارف لية لما حد يفكر يحط 80 بدل 90 دايما برضة تطلع عربية كورى) قال يعنى هى ناقصة !! المهم يوفر تمن البنزين و يروح يشييش بية هو و صحابة او مثال تانى الراجل اللى قبض الجمعية يركب هو و مراتة و حماتة و حماة و اولادة و جوز عم المدام كلهم بتحشروا فيها و هاتك يالف ويطلعوا عينها ودة من مسمى الراجل جاب عربية جديدة من العربيات الحلوة دى ياولية اللى بتجرى بتاعة الشباب ولازم نستخدمها بقى
وتلاقى ياحببة عينى ع العربية لا راجل ملاحق ع اقساط الجمعية اللى قبضها و ولا ع صيانتها او حاجاتها اللى خلاص كفرت من الهرس !! او نيجى مثلا ع الام اللى بتوصل بيها عيالها !!! مش عارف لية عمرى ماشفت (بقالى 14سنة بسوق) واحدة ست محملة اورطة عيال وراها و (بتنقى) البلاعات ذى اللى بينقى الجوافة من صندوق البيبسى الا وهى راكبة عربية كورى طالع عيين ابوها !!!
او بقى ياسلام بقى بقى بقى عالراجل السوييق اللى فاهم جابها و عمل صيانتها لحد ال 35الف (بالضبط) وجة ع صيانة ال 40 بالذات وقالك ما كفاية كدة ما هى ماشية ذى الفل اهو و التوكيل ولاد تييييت حرامية !! (طبعا كلنا عارفين لية كلة بيطنش الصيانة بالذات عند ال40 او ال 60)!!!!! المهم و بعد كدة يدور ع حزمبقول الميكانيكى يكمل صيانتها بنفسة !!
ولا اية كمااااان تلاقى الراجل الباشا !! اللى راكب المانى ذى الفل ويمكن اقل حاجة فيها مثلا جيتا يجيب 4 عربيات المانى (يركنهم) و يجيب واحدة كورى (للبهدلة) !!!!! يعنى هى دى دايما بنت البطة السودة انا مش فاهم !!!!
الباشا يلف بيها البلد!! ببلاليعها و قرفها وياخدها يصيف بيها بالعيال و يديها لابنة و دايما (حمادة او توتو) يلف بيها فى القرية حبتيين يفرمها ... ولما ييجى الباشا ع طلعة جامدة فرح او قرية محترمة او عزاء او اى حاجة فيها برستيج تلاقى العروسة الالمانى طلعة من الجراج (شبة زيرو) عاملة (1800كيلو) بالعافية وتلاقية سايقها و مبسوط ويقولك (المانى ياعم يقطع الكورى و قرفة) وتلاقى الشغالة (الكورى) عاملة 160الف فى اول 6شهور و متخبطة من كل حتة ومش بعيد تلاقى نقرة (ع السقف)!!!!
يعنى بنزين 80 و خدمة فووووق الشاقة ومفيش صيانات و بهدلة فوق الوصف و ياجماعة (سبحان الله) مش بتقول لأ !! (دى باردة اوى بجد) و كمان حوادث تلاقى قطع غيار زفت تلاقى (ما دايما ييجى صاحبها يقولك ياعم دى كورى تعبانة استرخص) و اخلى القطعة الاصلى (للالمانى مثلا) !!!
وييجوا الناس تقولك اصل الكورى قطع غيار رخيصة مش معمرة لكن الالمانى اوعى وووشك بتعيييييش !!!! طب مالازم ياباشا ههههههههه مش معمرة عشان بتعمل 40الف كيلو فى سنة وشوية و قطعة سيادتك الالمانى بتعمل 5الاف فى 4سنييييين !!! يعنى تاخدها تبهدلها وتطلع عينها ولما مساعد يرزع او تضرب فرامل ترووح منك تيجى تشتم فيها !!
ياخوانا مش كلة بيعامل عربياتنا (الكورى) ب (حب) ذينا 90% من الشعب يقولك الكورى دى عربية زبالة بهدل فيها براحتك ولما ربنا يفتحها علية يجيب واحدة المانى جديدة بدل (القديمة اللى اصلا مامشيتش) وتلاقى نفس العربية الكورى بتاعة البهدلة هى هى موجودة بتاخد نبتشية جديدة !!!!!!!
لأ لأ لأ استنى انا مخلصتش !!!
نيجى بقى الباشا يبيعها (اصلها خربت) و عاملة (324583489384كيلو) مييين يشتريها وواحد تانى بسييط يديها لابنة او بنتة او مراتة او هو شخصيا يطلع عييننها من جديد !!!!
وبعد كل دة يقولك الكورى ووحش !!!!
من موقعى هذا !!! اتحدى ان فى عربيات المانى بتتهان ذى ما الكورى بيتهان فى شوارعنا ولو مش مصدقنى ركز شوية وانت سايق وافتكرنى :)))))
وافتكر ياللى بتشكك فيها ان يوم ما مساعد المانى يضرب الكورى يجيب 4 بسرعة و يعيش 80% من عمر الالمانى فى خدمة (مستحيلة) و حرام حتى ع (البهائم) لكن مساعدك الالمانى (ماسترجلش) و (اتخربش) ذى ماالكورى بيحصللة !!!
اللى خلانى اكتب الكلام دة لأن واحد معرفة جاب اوبترا (زيرو) وبيحطلها بنزين 80 و عربيتة التانية (فانتزيا) بيحطلها (بنزين مقطرر!!!) وجاب الاوبترا عشان خايف ع الفانتازيا (اصل تعوريتها ياحمد جامدة) وقاللى الاوبترا اهى كدة كدة عربية تعبانة وعمرها الافتراضى معروف 5 سنيين و اقلب
اللى حيضيع بلدنا : الفهلوة و كلمة باشا و معلش و أصل
رقم العضوية : 63782
تاريخ التسجيل : 01Mar2010
المشاركات : 2,807
النوع : ذكر
الاقامة : Masr
السيارة: *
السيارة[2]: Nubira II CDX
الحالة :
اسمح لي ابدي اعجابي بقلمك وتميزك واسلوبك الراقي وتالقك
رقم العضوية : 74395
تاريخ التسجيل : 02Jul2010
المشاركات : 1,603
النوع : ذكر
الاقامة : alexandria
السيارة: Logan "13 auto
السيارة[2]: Fiat Punto Evo P2 2011
دراجة بخارية: CBR250R بس اتباع
الحالة :
بجد موضوعك تحفة و عندك حق :)
nour.anwar
رقم العضوية : 26967
تاريخ التسجيل : 06Dec2008
المشاركات : 2,437
النوع : ذكر
الاقامة : Fifth Settlement
السيارة: Sandero 2014
السيارة[2]: Elentra Coupe 2013
دراجة بخارية: لا يوجد
الحالة :
تسلم يا باشا وموضوع جميل
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
العفو ياجماعة الله يخليكوا :))))))) بجد احرجتونى بذوقكم
اللى حيضيع بلدنا : الفهلوة و كلمة باشا و معلش و أصل
رقم العضوية : 73956
تاريخ التسجيل : 27Jun2010
المشاركات : 2,407
النوع : ذكر
الاقامة : القاهرة
السيارة: ميتسوبيشى لانسر 2005 خليجى
السيارة[2]: دايو نوبيرا 2002 sx
دراجة بخارية: عجله فيرارى صينى :)
الحالة :
اسلوب مميز جدا و ده فعلا الى بيحصل
ابن عمى معاه باسات 2006 مشوفتوش بيها غير مرة و جايب i10 لزوم البهدلة
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
رقم العضوية : 21678
تاريخ التسجيل : 10Oct2008
المشاركات : 1,479
النوع : ذكر
الاقامة : egypt
السيارة: azda cx9hyundai accent ,s.maruti ,hynd i10,toyot corolla m
السيارة[2]: b.m.w 525,toyota yaris, mazda cx9
دراجة بخارية: لا
الحالة :
طبعا الكورى العربية العملية الاولى فى مصر بس"
:err:my heart will go on
د/محمد شاكر
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
يعنى اية فى مصر بس ؟!!! الكورى بيعمل مبيعات رائعة فى امريكا و اوروبا و بأعتراف المستهلكيين ان الكورى اقل نسبة اعطال و افضل قيمة مقابل السعر
اللى حيضيع بلدنا : الفهلوة و كلمة باشا و معلش و أصل
رقم العضوية : 53568
تاريخ التسجيل : 21Nov2009
المشاركات : 2,307
النوع : ذكر
الاقامة : KSA-Riyadh
السيارة: Nubira II CDX
السيارة[2]: New Accent 2011
دراجة بخارية: N/A
الحالة :
فعلا كلام مظبوط ميه ميه
عمي معاه مرسيدس e240 موديل السنة اللى فاتت
و راكنها و جايب بيكانتو عشان البهدله
[img3]http://www.wathakker.net/designs/images/7amla14.gif[/img3]
أرخص و أسهل تعديل
ازاي نحافظ على الفتيس الاوتوماتيك
كيف تختبر مكونات السيارة-الجزء الأول
كيف تختبر مكونات السيارة-الجزء الثاني
المفضلات