الموضوع: فايص التكييف غرق العربيه ميه

المشاركة الأصلية كتبت بواسطة Mohd_Adel_Amin

المشكلة كانت ان سربنتينة السخن كانت مخرومة وبتجيب ميه جوه العربية , تتأكد ان المشكلة مش كده من حاجتين , اول حاجة ان الميه في القربة متنقصش , ثاني حاجة ان العربية في الجو الرطب متلاقيش كل شبابيكها مشبرة والعربية سخنة من جوه ..
ان شاء الله ميطلعش الموضوع ده عندك , هو خطورته ان العربية ممكن تسخن بسبب نقص مية الرديتير و حله سهل انك تفصل دايرة سربنتينة السخن ..

نفس المشكلة حصلت معايا

مش عارف أنا أيه لزمة سربنتينة السخن في دولة عربية حارة

تقريبا المستورد مش بيراعي أنه يجيب عربيات بمواصفات مصرية مش أوروبية

المشاركة الأصلية كتبت بواسطة adham

في عز الشتاء لو مسافر بالليل حاتعرف قيمتها

و مش شرط مسافر, في الايام شديدة البرودة , ما أحلى التكييف السخن بالليل متأخر بدل مانت سايق و بتترعش من البرد بالذات لو العربية كراسيها جلد

ياباشا عربيتي مافيهاش تكيف أصلا

والحمد لله الهويات مجرد مابتتفتح بتدخل سخونية الموتور ولا أجدعها تكييف سخن

المشاركة الأصلية كتبت بواسطة adham

ما تقلقش خالص

الموضوع دة عادي و بيحصل لناس كتير و مافيش خطورة طالما اتطمنت انة مش سربنتينة التكييف السخن بتسرب و لا حاجة

دة بيبقى خرطوم الدرين (الفايظ) بتاع التكييف و دة لما يتسد المياة ما تصرفش برة العربية و تحوش في حوض الدرين لغاية ما يتملي و بعدين تنزل منة على الدواسة زي ما حصل عندك

و الحل :

1- تروح لواحد بتاع تكييف و تقولة يسلك و ينضف خرطوم الدرين في 3 دقايق و تديلة خمسة جنية

2- تنضفة بنفسك هوة حتة خرطوم صغير مكانة في الصدر الجواني للعربية تحت المساحات بس تحت خالص فوق علبة الدركسيون فكة و نضفة حاتلاقية مليان طين

رحت امبارح لمتخصص تكييف حاولوا يعملوه بس ماعرفوش
لازم يتفك التصفيح و يتفك العزل الالومونيوم فوق علبه الشكمان عشان يوصلوا للخرطوم

شكلى هروح مركز خدمه عشان يعرفوا يعملوه

كلمت كهندس مصطفى زين فرينش موتورز لقيت ابنه بيرد عليا بيقولى انه اتوفى
ادعوله - كان راجل طيب