فايص التكييف....

**Hany Saad** · 03-09-2010 02:09 PM

إمبارح طلعت من الإسكندرية للقاهرة صد رد....

و أنا رايح حسيت إن التكييف بيطلع هواء متلج لونه أبيض و لكن ساعات كان بيفصل معايا مع إن الجو كان حر....و أنا راجع حسيت بصوت ميه بترج تحت عند الدواسات و فيه رذاذ ميه بيطلع من الهوايات فى النصف و بعدين مرة وأنا بدوس فرامل لقيت بحيرات من المياه فى الدواسات الأمامية.... وقفت على جنب لقيت فيه ميه بتنزل عادى من تحت مما يعنى إن الفايص مش مسدود تماما...و كمان لقيت مواسير الساقع قرب إنها تكون مجمدة و عليها تلج من بره......قلت قبل ما أروح أفوت على توكيل الأسكندرية و هو فى سكتى....روحت قلتلهم الفايص عايز يتسلك....و فعلا سلكوه و لزقونى 60 جنيه مصنعيات مع إن فيه حمله مجانية للكشف على التكييف...طبعا قلتلهم تسليك خرطوم ب60 جنيه إمال تغييره بكام ؟؟؟؟

لكن طبعا حمدت ربنا إن الموضوع بسيط و التكييف بقى تحفة تانى.....

**Hany Saad** · 03-09-2010 02:29 PM

المشاركة الأصلية كتبت بواسطة r_gamal1

ممكن اعرف حمله الصيانه شامله ايه وموديلات ايه ؟؟؟والف شكر

الحملة شاملة جميع موديلات رينو و هى عبارة عن " كشف " مجانى + أسعار خاصة للإصلاح + خصم 20% على سعر فلتر تكييف الميجان.

طبعا لما دفعونى 60 جنيه كانوا فرحانيين قوى و متوقعين إنى مش هصدق نفسى من رخص السعر و كأنى دفعت 6 جنيه مش 60 على تسليك خرطوم....!!!!!