فايص التكييف غرق العربيه ميه

**human** · 05-08-2010 09:33 AM

اخوانى الوحوش
حدش يعرف الفايص ده نوصله ازاى؟
العربيه ريحتها وجشه من اول الصيف و مش عارف فيها ايه
امبارح بس بجيب حاجه من الارض لقيت العربيه غرقانه ميه فى الفرش الارض

ربنا يستر

بس عايز اعرف يتصلح ازاى

انا كنت رحت التوكيل قبل كده و قاله صلحوه بس الظاهر ولا صلحوه ولا نيله

**Mohd_Adel_Amin** · 05-08-2010 10:40 AM

الحقيقة معرفش مكانه بس موضوع ان الأرضية غرقانة ميه حصل معايا قبل كده في الميجان 1 وكانت مشكلة ثانية غير فايص التكييف , ويا رب ما تطلعش هي عندك بس شيك برضه للتأكد ..
المشكلة كانت ان سربنتينة السخن كانت مخرومة وبتجيب ميه جوه العربية , تتأكد ان المشكلة مش كده من حاجتين , اول حاجة ان الميه في القربة متنقصش , ثاني حاجة ان العربية في الجو الرطب متلاقيش كل شبابيكها مشبرة والعربية سخنة من جوه ..
ان شاء الله ميطلعش الموضوع ده عندك , هو خطورته ان العربية ممكن تسخن بسبب نقص مية الرديتير و حله سهل انك تفصل دايرة سربنتينة السخن ..

**abasse** · 05-08-2010 11:05 AM

المشاركة الأصلية كتبت بواسطة mohd_adel_amin

الحقيقة معرفش مكانه بس موضوع ان الأرضية غرقانة ميه حصل معايا قبل كده في الميجان 1 وكانت مشكلة ثانية غير فايص التكييف , ويا رب ما تطلعش هي عندك بس شيك برضه للتأكد ..
المشكلة كانت ان سربنتينة السخن كانت مخرومة وبتجيب ميه جوه العربية , تتأكد ان المشكلة مش كده من حاجتين , اول حاجة ان الميه في القربة متنقصش , ثاني حاجة ان العربية في الجو الرطب متلاقيش كل شبابيكها مشبرة والعربية سخنة من جوه ..
ان شاء الله ميطلعش الموضوع ده عندك , هو خطورته ان العربية ممكن تسخن بسبب نقص مية الرديتير و حله سهل انك تفصل دايرة سربنتينة السخن ..

+1111111111111111

**pioneerahmed** · 05-08-2010 11:21 AM

الموضوع دة كان بيحصل معايا فى اللانوس و اخويا خد العربية و صلحها بس مش عارف فين و لا عمل اية

**human** · 05-08-2010 11:22 AM

المشاركة الأصلية كتبت بواسطة mohd_adel_amin

الحقيقة معرفش مكانه بس موضوع ان الأرضية غرقانة ميه حصل معايا قبل كده في الميجان 1 وكانت مشكلة ثانية غير فايص التكييف , ويا رب ما تطلعش هي عندك بس شيك برضه للتأكد ..
المشكلة كانت ان سربنتينة السخن كانت مخرومة وبتجيب ميه جوه العربية , تتأكد ان المشكلة مش كده من حاجتين , اول حاجة ان الميه في القربة متنقصش , ثاني حاجة ان العربية في الجو الرطب متلاقيش كل شبابيكها مشبرة والعربية سخنة من جوه ..
ان شاء الله ميطلعش الموضوع ده عندك , هو خطورته ان العربية ممكن تسخن بسبب نقص مية الرديتير و حله سهل انك تفصل دايرة سربنتينة السخن ..

لا الحمد لله انا مش بفتح الكبود اصلا و العربيه مش بتسخن خالص
انا من الناس اللى مس بتقفل التكييف لا شتا ولا صيف
و كمان مافيش شبوره و التكييف تمام التمام

و العربيه وانا واقف ابص ماعدتش بتنزل الميه من فايص التكييف بس بقى بيجيلى جوه

انا هتجنن

**drsmsm** · 05-08-2010 03:17 PM

لو العربية غرقانة خالص أنا أعتقد انها مش من التكييف
غالبا انت غاسل العربية قريب
فيه خرطومين تحت الغطاء البلاستيك اللي تحت المساحات واحد يمين تحت ماتور المساحات علاطول و التاني شمال قدام بوابة الهواء (لو انت واقف قدام العربية)
الخراطيم ده لما بتتسد المياه بتدخل المياه من الهواية
دول حيحتاجو يتسلكو

فايص التكيييف في مكان جميل جدا جدا
انزل تحت العربية
علبة الشكمان اللي قدام
فوقيها حتلاقي شبكة حرارية (شبكة حماية الشكمان)
فك الكلبستين اللي جنبها علطو واتني الشبكو بالراحة علشان ما تتكسرش
الفايص حتلاقيه فوق جوه شوية و لقدام
ممكن يكون عليه شوية وساخة فالكاوتشة ما بتفتحش تنزل المياه
مكان جميل فعلا

**M.Moustafa** · 06-08-2010 11:24 AM

هوا في الغالب يا طارق باشا الفايص عايز تنضيف.

روح فرنش موتورز يعملهولك وانت واقف وهتلاقيه منزل منه بلاوي

**gomha** · 06-08-2010 02:17 PM

اذا كان فية ريحة وحشة يعنى يوجد سبب واحد لاغير يجب تنظف دورة التبريد كلها وخصوصا الصندوق الموجود فية الفلتر وبنسمية التلاجة بالعامية يوجد اتربة بتعمل ثلج جوة التلاجة فى داخل السيارة وبيسيح الثلج الى داخل السيارة ودة سبب الريحة هى ريحة الفرش بسب المياة روح لاى حد متخصص وفك التلاجة من داخل السيارة وبتكون عند الصندوق امام الراكب الامامى وغير الفلتر

**magd_helm** · 06-08-2010 11:22 PM

متابببببببببببببببببببببب ببع

**Ahmad _Sheemy** · 06-08-2010 11:27 PM

المشاركة الأصلية كتبت بواسطة drsmsm

لو العربية غرقانة خالص أنا أعتقد انها مش من التكييف
غالبا انت غاسل العربية قريب
فيه خرطومين تحت الغطاء البلاستيك اللي تحت المساحات واحد يمين تحت ماتور المساحات علاطول و التاني شمال قدام بوابة الهواء (لو انت واقف قدام العربية)
الخراطيم ده لما بتتسد المياه بتدخل المياه من الهواية
دول حيحتاجو يتسلكو

فايص التكيييف في مكان جميل جدا جدا
انزل تحت العربية
علبة الشكمان اللي قدام
فوقيها حتلاقي شبكة حرارية (شبكة حماية الشكمان)
فك الكلبستين اللي جنبها علطو واتني الشبكو بالراحة علشان ما تتكسرش
الفايص حتلاقيه فوق جوه شوية و لقدام
ممكن يكون عليه شوية وساخة فالكاوتشة ما بتفتحش تنزل المياه
مكان جميل فعلا

انا مؤيد كلامك ياباشا لان ده حصل معايا و لكن انا اللي سلكته و كان مبهدل الدنيا جامد

الموضوع: فايص التكييف غرق العربيه ميه

LinkBack

أدوات الموضوع

عرض

فايص التكييف غرق العربيه ميه - انشر الموضوع فى :

-

-

-

-

المواضيع المتشابهه

فايص التكييف ...و كل سنة و إنتم طيبين

العربيه بتبطل مع تشغييل التكييف

فايص التكييف....

خرطوم فايص البنزين

سؤال عن فايص الزيت

الكلمات الدلالية لهذا الموضوع

المفضلات

المفضلات

ضوابط المشاركة